சினிமாவுக்குள் மூழ்கும் சீமான்களுக்கு

குரங்கிலிருந்து மனிதன்
பிறந்தானென்று
கூர்ப்பு விளக்குது – திரை
அரங்கினில் நின்று
தொங்குவதைப் பார்க்க
அதுவும் விளங்குது.

வருசா வருசம்
விஜய்யும் அஜித்தும்
திரையில் வருவினம். – இங்கு
வலியோடு வாழும் ஈழத்
தமிழன் வாழ்வுக்கு
என்ன தருவினம்?

கலையை மதிப்பதும்
அதனை ரசிப்பதும்
அவரவர் உரிமைகள் – அதற்குன்
நிலையை அழிப்பதும்
நினைவை இழப்பதும்
வாழ்விலென்ன பெருமைகள்.

ரொக்கெட் செலுத்தியும்
விக்கற் வீழ்த்தியும்
பொக்கெற்றை நிரப்புறார்கள் – நீங்கள்
டிக்டொக்கை அமத்தியும்
சீக்ரட்டை பத்தியும் ஏன்
மாக்கெற்றை இழக்கிறீர்கள்.

திரிஷா பிறநடிகைகள்
பெரிதா செய்ததை யார்க்கும்
தெரிந்தால் சொல்லுங்கள் – அல்லது
ஒரிசா பாலுவையும்
தெரேசா அன்னையையும் முடிந்தால்
உசிரா வணங்குங்கள்❗

-பிறேமா(எழில்)-

கவிதைகள் வன்னி மைந்தன் கவிதைகள்

கண்ணீர் அஞ்சலி

கண்ணீர் அஞ்சலி

நெஞ்சுக்குள் நிற்கின்ற பேரொளி – இவன்
நேயத்தில் வீசிடும் கதிரொளி
அன்பிலே கலங்கிடும் கண்விழி
அஞ்சா பேசிடும் தமிழ் மொழி

கொடை கொட்டியே பொழிந்திடும் பெருமழை
கொடி நாட்டியே எழுந்திட்ட பெருமலை
தடை தாண்டியே ஓடிய பெரும் அலை
தானத்தில் இவனே பெரும் தலை

வானத்தில் ஓடிய பெரும் முகில்
வாடியே வீழ்ந்தான் ஏன் துயில்
ஆழ் மனம் மறக்க மறுக்கிறதே – உன்
அன்பில் நொடிகளும் துடிக்கிறதே

இத்தனை வேகத்தில் ஏன் மறைந்தாய்
இந்த விழிகளில் நீர் ஏன் வைத்தாய்
உச்சத்தில் ஆடிய பெரும் முகில் – இன்று
உருகுதே பார் ஐயா உடல் தீயில்

கத்தியே அழுகிறோம் கண் திறவாய்
கண்ணீரை வந்து நீ துடைப்பாய்
என்றுன்னை இனி நாம் காண்போம்
ஏனோ இறைவா நீ பறித்தாய் ..

வன்னி மைந்தன் ( ஜெகன் )
ஆக்கம் 21-10-2023
காந்தி மாமா பிரிவின் துயரில் கண்ணீர் சமர்ப்பணம்
( திருவையாறு இரத்தினபுரம்)

கவிதைகள் பிறேமா(எழில்)

ஓடிஓடி வாழ்ந்தபோதும் ஓய்ந்திடாத கல்வி

குண்டு மழை நடுவிலும்
கொள்கையோடு கற்றோம் – உலகம்
கண்டு கொள்ளா நிலையிலும்
கல்வியினைப் பெற்றோம்.

மண்டை பிளக்கும் வெயிலிலும்
மரநிழலில் கற்றோம் – கொடும்
சண்டை நடந்த நேரத்திலும்
சலிக்காமல் கற்றோம்.

பராலைற் வெளிச்சத்திலும்
படிப்பினைத் தொடர்ந்தோம் – வளம்
இராத காலங்களிலும்
வல்லோராய் வந்தோம்.

உயிர்காத்து கற்பித்தோர்க்கு
உயர் மதிப்பைக் கொடுத்தோம் – அன்று
உயிர் துறக்கும் வாழ்வினிலும்
உயர் மதிப்பெண்கள் எடுத்தோம்.

தந்தை தாயின் உதவியின்றித்
தனியாகச் சென்றோம் – நல்ல
சிந்தையுள்ள குருமாரைச்
சந்தித்ததால் வென்றோம்.

அண்டை நாட்டின் சதியினாலும்
அழுதழுது கற்றோம் – என்றும்
அன்றையநாள் கல்வி வாழ்வை
எப்படித் தான் மறப்போம்❗

-பிறேமா(எழில்)-

கவிதைகள் பிறேமா(எழில்)

இளைஞரில்லா இலங்கை

யுத்தமொன்று வந்ததனால்
மொத்த உறவும் பறந்தன.
முத்தமிட்ட அன்னை மண்ணைச்
சத்த மின்றிப் பிரிந்தன.

சொத்துப்பத்து ஈட்டவென்றும்
சொந்த நாட்டைத் துறந்தனர்.
நித்திரையை மறந்தங்கே
நித்தம் உழைப்பில் இறந்தனர்.

புத்திஜீவி கல்விமான்கள்
பிற நாடுதேடி ஓடினம்.
பத்தியெரியும் வயிற்றுடனே
பலர் குத்தியிங்கு முறியினம்.

கலைஞர் இளைஞர் கன்னிகளும்
கனடாக் கனவில் மிதக்கினம்.
அலைகள்போல அள்ளுப்பட்டு
அங்கே போக நினைக்கினம்.

இக்கரைக்கு அக்கரையென்று
இருந்ததெல்லாம் பறக்குதாம்.
சக்கரையில்லாப் பொங்கல்போல
சேர்ந்தபிறகு வெறுக்குதாம்.

செத்த வீட்டில் பங்குகொள்ளச்
சொந்தங்களும் இருக்காது.
சுத்தியுள்ள சாமி தூக்கப்
பக்தர்களும் கிடைக்காது.

பெத்தவர்க்குக் கொள்ளிவைக்கப்
பிள்ளை ஒன்றும் இருக்காது.
புத்தருக்கு விகாரைகட்ட – இனி
இங்கு போராட்டமும் நடக்காது.

-பிறேமா(எழில்)-

கவிதைகள்

பாலச்சந்திரன்

பாலச்சந்திரன்
பாரே வியந்த தலைவன் வம்சத்தின்
பால்மணம் மாறாத பாலகன்.

தாழ்வே இல்லாக் கல்வியில் சிறந்த
தமிழின வருங்கால நாயகன்.

வாழச் சிறந்த தமிழீழ மண்ணில்
வாசம் வீசவேண்டிய சந்தணம்.

ஆளச் சிறந்த அரசன் குடும்பத்தின்
ஆகச் சிறந்த அறிவுச் சுந்தரம்.

மா தவம் செய்து மதிவதனி மங்கை
மகிழ்வோடு பெற்றெடுத்த மகவு.

பாதகம் செய்த பாவியர் பிடியிலும் இறுதிப்
பார்வையில் எத்தனை கனவு.

-பிறேமா(எழில்)

கவிதைகள் வன்னி மைந்தன் கவிதைகள்

உன் நிலை என்ன

உன் நிலை என்ன

சொந்த நிலம் பறிபோக
செந்தமிழன் விலை போக
வெந்து இங்கு வாழ்க
வேதனையில் நோக

மூத்த குடி நாங்கள் என்று
முன்னே பலர் சொன்னார் -அட
மூத்திரம் பெய்துவிட
முன்னே படை காவலா

கோத்திரத்தில் இங்கு உந்தன்
கொள்கை என்னவோ
கொடும் பகைவன் செயல் இழக்கும்
நிலை என்னவோ

மாற்று பகை நகர்வில் உன்
மடை என்னவோ
மறு மலர்ச்சி காண
உன் நிலை என்னவோ ..?

வன்னி மைந்தன் ( ஜெகன் )
ஆக்கம் 30-09-2023

மீள வருவாயா
by நிருபர் காவலன்
07/09/2025
ஒரு நாள் வெல்வேன்
by நிருபர் காவலன்
25/06/2025
எப்படி நான் பேசிடுவேன்
by நிருபர் காவலன்
22/05/2025
என்னை விடு
by நிருபர் காவலன்
19/05/2025
நேரில் வந்து விடு
by நிருபர் காவலன்
15/05/2025

கவிதைகள் பிறேமா(எழில்)

தியாகத்துக்கான காவடி தமிழர்

தியாகத்துக்கான காவடி தமிழர்
தாயகத்தின் காவடி.
மனக்காயத்தோடு உறங்கியவனின்
மரியாதைக்கான காவடி.

கடவுளுக்கான காவடி மக்கள்
கண்ணீரின் காவடி.
நினைவுகளைச் சுமந்தை செல்லும்
நெஞ்சங்களின் காவடி.

திலீபனுக்கான காவடி தேச
வீரனுக்கான காவடி.
வலியோடு நோன்பிருந்தவனுக்காக
வரலாற்றுக் காவடி.

அகிம்சைக்கான காவடி பெரும்
அநீதிக் கெதிரான காவடி.
வம்சங்கள் செடில் குத்தியாடும்
விடுதலைக்கான காவடி.

பருக நீர்மறுத்து பலநாள்
பசி இருந்தவனுக்கான காவடி.
முருகன் வாசலில் மூச்சுவிட்ட
புதல்வனுக்கான நாளடி❗

-பிறேமா(எழில்)-

கவிதைகள்

அசானிக்காக உள்ளம் திறந்த மக்கள் குரல்கள்

அசானிக்காக உள்ளம் திறந்த மக்கள் குரல்கள்

ஒத்த ரூபா இல்லா
ஓடி வந்தாயே – உன்
ஓடிந்தோடும் கண்ணீருக்கு
பரிசு ஏன் தாயே

கத்தும் கடல் கிழித்தெறிந்து
கரை வந்தாயே – மேடை
தட்டி தாளம் போட்டு
தாயே உன்னை பாடியதே

கொட்டி பகிர்ந்த அன்பின் முன்னால்
கொடும் துயரும் பறந்ததே
கட்டி தழுவி உன்னை
கரங்கள் கை கோர்த்ததே

எங்களது பிள்ளை என்றே -தமிழ்
எழுந்து நிற்கு தம்மா
என்றும் உன்னை கைவிடார்
எண்ணி கொள்ளம்மா

கனவு தாங்கி எழுந்தவளே
கண்ணீர் துடையம்மா
கடவுளானார் உன்னை காப்பர்
கண்ணே பாடம்மா

அழுவதற்கு மட்டுமா கண்கள்
இல்லை இல்லை அம்மா – நீ
ஆடி ஆடி பாட வேண்டும்
ஆடி பாடம்மா

வன்னி மைந்தன் ( ஜெகன் )
ஆக்கம் 14-008-2023

அசானியின் மறுபக்கம் இது தான் ,மக்கள் அவரை நம்பியதற்கு அவர் செய்த
செயல் இது தான் , உள்ளம் திறந்த மக்கள் குரல்கள் ,
இப்படித்தான் இதை பார்த்தல் நீங்களும் சொல்வீர்கள்

மீள வருவாயா
by நிருபர் காவலன்
07/09/2025
ஒரு நாள் வெல்வேன்
by நிருபர் காவலன்
25/06/2025
எப்படி நான் பேசிடுவேன்
by நிருபர் காவலன்
22/05/2025
என்னை விடு
by நிருபர் காவலன்
19/05/2025
நேரில் வந்து விடு
by நிருபர் காவலன்
15/05/2025

கவிதைகள் வன்னி மைந்தன் கவிதைகள்

உன்னால் துடிக்கிறோம்

உன்னால் துடிக்கிறோம்

துயர் தந்து விழி மூடி எங்கோடினாய் – விழி
துளியாலே நனைந்திட ஏன் வாடினாய்
அன்புக்கும் பண்புக்கும் முதலாகினாய்
அறத்திலே நீயோர் தாயாகினாய்

அன்பிலே நனைகின்ற சேயாகினாய்
அறத்திலே விளைகின்ற பயிராகினாய்
போதனை பொழிகின்ற அருவியானாய்
பொறுமைக்குள் உறைகின்ற பெருமையனாய்

கண்ணுக்குள் ஒளிர்கின்ற ஒளியுமானாய்
கருணையில் நீயோர் தெய்வமானாய்
பெருமைக்கும் உரிமைக்கும் நீயே ஆனாய்
பேறுகள் பேசும் நூலே ஆனாய்

உனக்குள்ளே எத்தனை ஆற்றல் கண்டேன்
உன் சுயசரிதை நூலால் நானே மிரண்டேன்
வழிகளை சொல்கின்ற துணிவு கொண்டாய் -எவர்க்கும்
வளையாத எழுதிடும் பெருமை கொண்டாய்

உன்னை தினம் நான் படிக்கையிலே
உள்ளத்தில் உயர்வான ஆற்றல் கொண்டேன்
உன் உடல் நான் வந்து பார்க்கையிலே
உதடு சிரித்து எனை அழைத்தாய்

சிந்தை இழந்தேன் சில நிமிடம் – நீ
சிகரமே உணர்ந்தேன் அவ் நிமிடம்
உனக்கும் எனக்குள்ள உறவாடல் -இந்த
உலகத்தில் எழுதாத புது பாடல்

உன்னாலே துயராகி வாடுகிறோம்
ஊன் உருகி நித்தம் தேய்கிறோம்
என்றுன்னை இனி நாம் காண்போம்
ஏங்கியே ஏங்கியே தவிக்கிறோம் ..!

சண்முக பெரியப்பா துயர் பிரிவில் ,
அவர்க்கு என் கண்ணீர் சமர்ப்பணம் .
வன்னி மைந்தன் ( ஜெகன் )
ஆக்கம் 30-07-2023

மீள வருவாயா
by நிருபர் காவலன்
07/09/2025
ஒரு நாள் வெல்வேன்
by நிருபர் காவலன்
25/06/2025
எப்படி நான் பேசிடுவேன்
by நிருபர் காவலன்
22/05/2025
என்னை விடு
by நிருபர் காவலன்
19/05/2025
நேரில் வந்து விடு
by நிருபர் காவலன்
15/05/2025
என் உயிரே நான் வெல்வேன்
by நிருபர் காவலன்
14/05/2025
என்னை ஏற்று விடு
by நிருபர் காவலன்
14/05/2025
என்னை அழைப்பாயா
by நிருபர் காவலன்
13/05/2025
அடைத்து வைக்க வாவேண்டி
by நிருபர் காவலன்
13/05/2025
கவலைப் படுகிறேன்
by நிருபர் காவலன்
09/05/2025
யார் மேல் குற்றம்
by நிருபர் காவலன்
09/05/2025
காதலே சோகமா
by நிருபர் காவலன்
04/05/2025
கண்டதெல்லாம் கனவு
by நிருபர் காவலன்
04/05/2025
ஏமார்ந்த காதல்
by நிருபர் காவலன்
01/05/2025
அர்ச்சுனா ஆவி பேசிறது
by நிருபர் காவலன்
29/04/2025

கவிதைகள்

உள்ளம் தர வா

உள்ளம் தர வா

உள்ளம் தர வா, காதலித்து பார் ,கண்ணீர் பரிசாகும் ,கவலையே வாழ்வாகும், வசந்தம் இழந்து வாழ்வு தவிக்கும் ,கவிதை பார்

மீள வருவாயா

ஒரு நாள் வெல்வேன்

எப்படி நான் பேசிடுவேன்

என்னை விடு

நேரில் வந்து விடு

என் உயிரே நான் வெல்வேன்

என்னை ஏற்று விடு

என்னை அழைப்பாயா

அடைத்து வைக்க வாவேண்டி

கவலைப் படுகிறேன்

யார் மேல் குற்றம்

காதலே சோகமா

கண்டதெல்லாம் கனவு

ஏமார்ந்த காதல்

அர்ச்சுனா ஆவி பேசிறது

எனக்கு என்ன ஆச்சு

எனக்கொரு பதில் சொல்லாயோ

உன்னால் தவிக்கிறேன்

மன்னித்து விடு

அர்ச்சுனா எங்கள் அவதாரம்

கவிதைகள்