Author: நிருபர் காவலன்
நான் பதவி விலக மாட்டேன் ரம்புக்வெல்ல
நான் பதவி விலக மாட்டேன் ரம்புக்வெல்ல
மருந்துப்பொருட்களை வாங்குவதற்கான நிதி கிடைக்கவில்லையெனில் தான் பதவி விலகுவதாக பாராளுமன்றத்தில் தெரிவித்திருந்த சுகாதார அமைச்சர் கெஹெலிய ரம்புக்வெல்ல, உரிய நிதி ஒதுக்கப்பட்டுவிட்டதால் தான் பதவி விலக வேண்டிய அவசியம் இல்லையென தெரிவித்துள்ளார்.
“நான் பாராளுமன்றத்தில் இந்த அறிக்கையை வெளியிட்ட அன்றே நாங்கள் திறைசேரி அதிகாரிகளுடன் ஒரு சந்திப்பை நடத்தினோம், அங்கு மருந்துகள் மற்றும் பிற முக்கியமான மருத்துவ உபகரணங்களை வாங்குவதற்கான நிதி உத்தரவாதம் அளிக்கப்பட்டது.”
நான் பதவி விலக மாட்டேன் ரம்புக்வெல்ல
போதுமான நிதி கிடைத்துவிட்டதால் நான் பதவி விலக வேண்டிய அவசியம் இல்லை. நிதி கிடைக்காவிட்டால் பதவியில் நீடித்திருப்பதில் அர்த்தம் இல்லை என்று தான் பாராளுமன்றத்தில் கூறினேன். அதை சில ஊடகங்கள் திரிபுபடுத்திவிட்டதாக அமைச்சர் மேலும் தெரிவித்தார்.
மருந்து தட்டுப்பாடு குறித்து விசாரித்தபோது, சுமார் 100 மருந்துகள் தற்போது கையிருப்பிலில்லை; எவ்வாறாயினும், தேவையான நிதியை விடுவிப்பதன் மூலம் மருந்துப் பற்றாக்குறையை நிவர்த்தி செய்ய திட்டமிடப்பட்டுள்ளது என அவர் மேலும் தெரிவித்தார்.
ஹிஸ்புல்லா போராளிகளின் மில்லியன் டொலரை திருடிய இஸ்ரேல்
ஹிஸ்புல்லா போராளிகளின் மில்லியன் டொலரை திருடிய இஸ்ரேல்
மீனவர் ஒருவர் மின்சாரம் தாக்கி உயிரிழப்பு
மீனவர் ஒருவர் மின்சாரம் தாக்கி உயிரிழப்பு
ஓட்டமாவடி மேற்கு பிரதேச செயலகத்திற்குட்பட்ட காவத்தமுனையில் மீனவர் ஒருவர் மின்சாரம் தாக்கி உயிரிழந்துள்ளதாக வாழைச்சேனை பொலிஸார் தெரிவித்தனர்.
காவத்தமுனையைச் சேர்ந்த 4 பிள்ளைகளின் தந்தையான முத்துவான் அன்சார் வயது (54) என்ற குடும்பஸ்த்தரே இவ்வாறு உயிரிழந்துள்ளார்.
வழக்கம் போல் ஓட்டமாவடி ஆற்றிலுள்ள ஆமை ஓடை குடாவில் மீன் பிடிக்கச் சென்றவர் வீடு திரும்பாததினால் அவரை தேடும் பணியில் உறவினர்கள் ஈடுபட்டபோது அவர் இறால் பண்ணைக்கு அருகாமையிலுள்ள நீரோடையில் உயிரிழந்த நிலையில் சடலமாக நேற்று (27) கண்டறியப்பட்டார்.
மீனவர் ஒருவர் மின்சாரம் தாக்கி உயிரிழப்பு
குறித்த சம்பவம் தொடர்பாக பொலிஸாருக்கு வழங்கிய தகவலை அடுத்து சம்பவ இடத்திற்கு வருகை தந்த பொலிஸார் விசாரணைகளை மேற்கொண்டிருந்தனர்.
கவத்தமுனை பிரதேசத்தில் அமைக்கப்பட்டுள்ள தனியாருக்கு சொந்தமான இறால் பண்ணையின் பாதுகாப்பு கருதி மின்சாரம் வேலிகளுக்கு இணைக்கப்பட்டுள்ளது. குறித்த மின்சார இணைப்பானது இறால் பண்ணைக்கு அப்பாலுள்ள நீரோடைக்கு குறுக்காவும் இணைக்கப்பட்டுள்ளது.
இவ் ஓடையில் பொதுமக்கள் தங்களது நாளாந்த உணவிற்காக மீன் பிடிப்பது வழக்கமாகும். விடயம் தெரியாத நபர் இச் சட்டவிரோ மின்சார இணைப்பில் அகப்பட்டு உயிரிழந்துள்ளதாக பொதுமக்கள் கவலை தெரிவித்தனர்.
குறித்த இறால் பண்ணை உரிமையாளர் மேற்கொண்ட மின் இணைப்பிற்கு எதிராக அங்கிருந்தவர்கள் விசனம் தெரிவித்து எதிர்ப்பில் ஈடுபட்டனர். இறால் பண்ணை தவீர்ந்த பொதுமக்கள் பாவிக்கும் பொது இடங்களில் மின்சாரம் வழங்குவதை தடுக்குமாறு கோரிக்கை விடுத்தனர்.
இதேவேளை, கடந்த காலத்தில் குறித்த இடத்தில் மின்சாரம் தாக்கி யானை ஒன்றும் 3 கால் நடைகளும் இறந்துள்ளதாக தெரிவித்தனர்
ரயில் போக்குவரத்து பாதிப்பு
ரயில் போக்குவரத்து பாதிப்பு
ரயில் தடம் புரண்டதன் காரணமாக களனிவெளி பாதையின் போக்குவரத்து நடவடிக்கைகள் தொடர்ந்தும் பாதிக்கப்பட்டுள்ளதாக ரயில்வே திணைக்களத்தின் பிரதி பொது முகாமையாளர் வி.எஸ். பொல்வத்த தெரிவித்துள்ளார்.
இன்று காலை அவிசாவளை ரயில் நிலையத்திலிருந்து ஆரம்பமாகி நாரஹேன்பிட்டி வரை ஒரேயொரு ரயில் மாத்திரமே பயணிக்கும் என அவர் தெரிவித்துள்ளார்.
மற்றுமொரு ரயில் கொட்டாவ அல்லது ஹோமாகம நிலையங்களில் இருந்து அவிசாவளை வரை இயக்கப்படும் என பிரதிப் பொது முகாமையாளர் தெரிவித்துள்ளார்
மர்மமான முறையில் உயிரிழந்த சிறுமியின் சடலம் மீட்பு
மர்மமான முறையில் உயிரிழந்த சிறுமியின் சடலம் மீட்பு
சீதுவ, ரத்தொலுகம, சாம மாவத்தை பிரதேசத்தில் பாழடைந்த வீடொன்றில் இருந்து 04 வயதுடைய சிறுமியின் சடலமொன்று மீட்கப்பட்டுள்ளது.
அதே இடத்தில் தூக்கில் தொங்கிய நிலையில் 45 வயதான ஆண் ஒருவரின் சடலமும் மீட்கப்பட்டுள்ளது.
நேற்று (26) பிற்பகல் குறித்த சடலங்கள் கண்டெடுக்கப்பட்டுள்ளன.
தூக்கில் தொங்கிய நிலையில் மீட்கப்பட்ட நபர், உயிரிழந்த சிறுமியின் தந்தையின் சகோதரன் என அடையாளம் காணப்பட்டுள்ளதுடன், சிறுமி இறந்த விதம் தொடர்பில் இதுவரை தகவல் ஏதும் வௌியாகவில்லை.
இஸ்ரேல் விமானத்தை சுட்டு வீழ்த்திய ஹிஸ்புல்லா
இஸ்ரேல் விமானத்தை சுட்டு வீழ்த்திய ஹிஸ்புல்லா
தெற்கு லெபனான் பகுதி மேலாக பறந்த இஸ்ரேலிய ஆளில்லா உளவு
விமானத்தை ,தாம் சுட்டு வீழ்த்தியதாக ,
ஹிஸ்புல்லா விடுதலை போராளிகள் அமைப்பு தெரிவித்துள்ளது .
ஹிஸ்புல்லா கட்டு பாட்டு பகுதியான ஜிப்கின் அருகே பறந்து ,
இராணுவ நடவடிக்கையில் ஈடுபட்டு கொண்டிருந்த விமானமே சுட்டு வீழ்த்த பட்டுள்ளது .
தமது விமானங்களை சுட்டு வீழ்த்த முடியாதவை என இஸ்ரேல் இராணுவம்,
தெரிவித்து வரும் நிலையில் ,எம்மாலும் அதனை வீழ்த்த முடியும் என்பதை போல,ஹிஸ்புல்லா போராளிகள் இந்த விமானத்தை சுட்டு வீழ்த்தியுள்ளனர் .
இஸ்ரேல் விமானத்தை சுட்டு வீழ்த்திய ஹிஸ்புல்லா
வீழ்ந்த விமானத்தின் காட்சிகளை காண்பித்து இஸ்ரேலுக்கு சீற்றத்தை ஏற்படுத்தியுள்ளன .
இஸ்ரேல் மீது எவ்வேளையும் போராளிகள் அமைப்பினர், தாக்குதலை நடத்தலாம் என எதிர் பார்க்கும் இஸ்ரேல் ,அவர்களின் நகர்வுகளை உன்னிப்பாக கண்காணித்த வண்ணம் உள்ளது .
அவ்வாறான கண்காணிப்பை மேற்கொண்ட பொழுதே ,
விமானம் சுட்டு வீழ்த்த பட்டுள்ளது .இதன் மூலம் இந்த பகுதியில் ,
இவர்கள் நடமாட்டம் அதிக காணப்படுகிறது என்பதை இஸ்ரேல் தெரிந்திருக்கும் .
எவ்வகையான ஆயுதத்தை பயன் படுத்தி விமானம் சுட்டு வீழ்த்த
பட்டு இருக்கும் என்பதும்,விமானம் வீழ்வதற்கு முன்பு பதிவாகி இருக்கும் .
அப்படி என்றால் விரைவில் ,இதே பகுதிக்களை இலக்கு வைத்து,
இஸ்ரேல் பதிலடி தாக்குதலை நடத்தும் என எதிர் பார்க்கலாம் .
அவ்வாறு இஸ்ரேல் தாக்கினால் போராளிகள் பதிலடி கொடுப்பார்களா ..?
வழமையாக எமது விமானம் இயந்திர கோளாறு காரணமாக,
வீழ்ந்துள்ளதாக இஸ்ரேல் அறிவித்தாலும் வியப்பதற்கு ஒன்றும் இல்லை .
பொலிஸார் 38 முறை வானத்தை நோக்கி துப்பாக்கியால் சூடு
பொலிஸார் 38 முறை வானத்தை நோக்கி துப்பாக்கியால் சூடு
நேற்று (26) இரவு நுவரெலியா – ஹங்குரன்கெத்த பொலிஸ் நிலையத்தை 200 இற்கும் அதிகமான மக்கள் சுற்றி வளைத்ததை அடுத்து பொலிஸார் எச்சரிக்கைக்காக துப்பாக்கியால் வானத்தை நோக்கி சுட்டுள்ளனர்.
ஹங்குரன்கெத்த தியதிலகபுர பகுதியைச் சேர்ந்த ஒருவர் ஞாயிற்றுக்கிழமை (25) இடம்பெற்ற தாக்குதலில் காயமடைந்து கண்டி வைத்தியசாலையில் சிகிச்சை பெற்று வந்த நிலையில் உயிரிழந்துள்ளார்.
இச் சம்பவம் தொடர்பில் ஹங்குராங்கெத்த பொலிஸார் விசாரணைகளை மேற்கொண்டு சந்தேகத்தின் பேரில் ஒருவரை கைது செய்துள்ளனர்.
எனினும், இச்சம்பவம் கொலை என்றும், சந்தேக நபர்களை கைது செய்வதில் தாமதம் ஏற்பட்டுள்ளதாகவும் தெரிவித்தே இந்த பதற்றமான சூழ்நிலை உருவாகியுள்ளது.
பொலிஸார் 38 முறை வானத்தை நோக்கி துப்பாக்கியால் சூடு
குறிப்பிட்ட மரணம் தொடர்பில் பொலிஸாரினால் மேற்கொள்ளப்பட்டு வரும் விசாரணைகள் தொடர்பில் தெரியப்படுத்தப்பட்ட போதிலும், குழு ஒன்று ஹங்குரன்கெத்த பொலிஸ் நிலையத்திற்குள் நுழைய முயற்சித்ததாகவும்
காவல் நிலையத்திற்குள் நுழைந்தால் ஏற்படக்கூடிய பாதிப்புகளையும், பணியில் இருந்த அதிகாரிகளின் பாதுகாப்பையும் கருத்தில் கொண்டு,
நிலைமையைக் கட்டுப்படுத்த இரண்டு காவல்துறை அதிகாரிகள் 38 முறை வானத்தை நோக்கி துப்பாக்கியால் சுட்டுள்ளதாக பொலிஸார் தெரிவித்துள்ளனர்.
மேலும் இச் சம்பவத்தில் ஈடுபட்டவர்களை அடையாளம் கண்டு அவர்களுக்கு எதிராக சட்ட நடவடிக்கை எடுப்பதற்காக ஹங்குரன்கெத்த பொலிஸார் தெரிவித்துள்ளனர்.
சம்பவம் தொடர்பில் பெண் ஒருவர் கைது செய்யப்பட்டுள்ளார். மேலும் 8 சந்தேக நபர்களை கைது செய்வதற்கான விசாரணைகளை பொலிஸார் மேற்கொண்டு வருகின்றனர்.
ஈரானுக்குள் நுழையும் விமானங்கள் அழிக்க படும் ஈரான் சூளுரை
ஈரானுக்குள் நுழையும் விமானங்கள் அழிக்க படும் ஈரான் சூளுரை
ஈரான் நாட்டு எல்லை பகுதிகளுக்குள் நுழையும் எதிரிகளின் விமானங்கள்
படைகள் முற்றாக அழிக்க படும் என ஈரானிய வான்படை தளபதி சூளுரைத்துள்ளார் .
தமது முக்கிய எல்லை பகுதிகளில் உள்ள வான் தளங்களுக்கு ,
திடீர் பயணம் புரிந்த அவர் அங்கு ,பாதுகாப்பு ஏற்பாடுகள் தொடர்பில் ஆய்வு செய்தார் .
அதன் பொழுது மேற்படி கருத்தை பிரிகேடியர் ஜெனரல் அலிரேசா சபாஹிஃபர்ட்தெரிவித்தார் .
ஈரானுக்குள் நுழையும் விமானங்கள் அழிக்க படும் ஈரான் சூளுரை
எங்களுக்கு தெரியும் எதிரியானவன், பல ஊடுருவல்களை நடத்திட முனைகின்றான் ,ஆனால் அவ்வாறன ஊடுருவல் நடைபெற்றால் ,அது எதிரிகளுக்கு,மிக பெரும் பேரழிவை ஏற்ப்படுத்தும் என்பதை உணர்வாளர்கள் ,என மிரட்டியுள்ளார் .
வாக்னர் தலைவருடன் டீல் பேசிய நேட்டோ அடித்து அனுப்பிய வாக்னர்
வாக்னர் தலைவருடன் டீல் பேசிய நேட்டோ அடித்து அனுப்பிய வாக்னர்
ரஸ்யாவுக்குள் வாக்னர் கூலிப்படை இராணுவம் ,உள் நாட்டு கலவரத்தில் ஈடுபட்டது .
இதன் பொழுது அமெரிக்கா ,பிரிட்டன் உள்ளிட்ட மேற்குநாடுகளின் ,
உளவுத்துறையில் ,வாக்னர் தலைவரின் டீலில் ஈடுபட்டதாக அந்த அமைப்பு,
பகிரங்க படுத்தியுள்ளது .
இது எங்கள் உள்வீட்டு பிரச்னை அதனை நாங்கள் தீர்த்து கொள்கிறோம் ,
உங்கள் வேலையை பார்த்து கொள்ளுங்கள் என கடும் தொனியில் வாக்னர் குழு தெரிவித்துள்ளதாக தெரிவிக்க படுகிறது .
வாக்னர் தலைவருடன் டீல் பேசிய நேட்டோ அடித்து அனுப்பிய வாக்னர்
ரஷ்யா மக்களின் உரிமை புதைத்து ,எதிரிகளுடன் கூட்டிணைவது ,
எமது நோக்கம் அல்ல என்பதாக ,வாக்னர் குழு பதில் அளித்துள்ளது .
இதனால் ஏமாற்றம் அடைந்துள்ள மேற்கு நாடுகள் ,வாக்னர் தலைவரை ,
போட்டு தள்ளும் முற்றுகை நடவடிக்கைக்கு தயராகி வரும் ,
அசைவுகாளாக சில அறிவிப்புக்கள் காண்பிக்கின்றன .
எரியும் வீட்டில் எண்ணெய் ஊற்றுவதில் ,இவர்களை அடிக்க யாரால் முடியும் .
தடம் புரண்டதால் ரயில் சேவையில் தாமதம்
தடம் புரண்டதால் ரயில் சேவையில் தாமதம்
கொட்டா வீதியில் அமைந்துள்ள ரயில் நிலையம் அருகே ரயில் ஒன்று தடம் புரண்டுள்ளதாக தெரிவிக்கப்படுகின்றது.
இதன் காரணமாக களனிவெளி புகையிரத பாதையில் பயணிக்கும் புகையிரதம் தடைப்பட்டுள்ளதாக புகையிரத திணைக்களம் தெரிவித்துள்ளது.
மாலை 4 மணி அளவில் கொழும்பு கோட்டையில் இருந்து அவிசாவளை நோக்கி பயணிக்க ஆரம்பித்த அலுவலக புகையிரதமே இவ்வாறு தடம் புரண்டுள்ளது.
இந்த சம்பவத்தில் 2 ரயில் பெட்டிகள் தடம் புரண்டுள்ளதாகவும் தெரிவிக்கப்படுகின்றது.
பலஸ்தீன போராளிகள் புதிய ஏவுகணை சோதனை
பலஸ்தீன போராளிகள் புதிய ஏவுகணை சோதனை
பலஸ்தீன போராளிகள் புதிய ஏவுகணை கடந்த தினம ,
வெற்றிகரமாக சோதனை செய்து இஸ்ரேலை பதற விட்டுள்ளனர் .
காச மேற்கு கடல் கரையை நோக்கி வீச பட்டு ,ஏவுகனை சோதனை நடத்த பட்டுள்ளது ,திட்டமிட்டபடி தமது இலக்கை நோக்கி சென்று தாக்கியதன்
ஊடாக ஏவுகணை சோதனை வெற்றி பெற்றுள்ளதாக பலஸ்தீன போராளிகள் தெரிவித்துள்ளனர் .
போராளிகள் ஏவுகணை சோதனை நடத்திய பகுதிகளை தேடி அழிக்கும்
நடவடிக்கைக்கு இஸ்ரேல் விமான படை தயராகி வருகிறது .
தே பகுதியில் நிலை கொண்டுள்ள முக்கிய போராளிகள் ,
முகாம்கள் ,அல்லது மறைவிடங்களை இலக்கு வைத்து ,
தாக்கி அழிக்கும் நடவடிக்கையில் இஸ்ரேல் வான்படை ஈடுபடும் என்பதால் .
பதட்டம் நிலவுகிறது
பலஸ்தீன போராளிகள் புதிய ஏவுகணை சோதனை
அமைதியான இஸ்ரேல் பலஸ்தீன போர் ,மீள ஒரு மாதங்கள் கழிந்து,
ஆரம்பிக்க படவுள்ளதை ,அசைவுகள் காண்பிக்கின்றன .
இம்முறை இஸ்ரேல் வலிந்து மோதல்களை உருவாககினால் ,
இஸ்ரேலக் பற்றி எரியும் தாக்குதல்களை ,போராளிகள் நடத்த கூடும் ,
என எதிர் பார்க்க பாடுவதாலேயே பதட்டம் அதிகரித்துள்ளது .
சீனாவுக்கு குரங்குகள் ஏற்றுமதி செய்யப்படமாட்டாது
சீனாவுக்கு குரங்குகள் ஏற்றுமதி செய்யப்படமாட்டாது
இலங்கையில் இருந்து சீனாவுக்கு குரங்குகளை ஏற்றுமதி செய்ய நடவடிக்கை முன்னெடுக்கப்படமாட்டாது என வனஜீவராசிகள் திணைக்களம், மேன்முறையீட்டு நீதிமன்றில் இன்று (26) உறுதியளித்துள்ளது.
வனஜீவராசிகள் திணைக்களம் சார்பில் ஆஜரான பிரதி சொலிசிட்டர் ஜெனரல், சீனாவுக்கு குரங்குகளை ஏற்றுமதி செய்வதற்கு எடுக்கப்பட்ட
தீர்மானத்தை ரத்து செய்யுமாறு சுற்றுச்சூழல் ஆர்வலர்கள் குழுவினால் தாக்கல் செய்யப்பட்ட ரிட் மனு விசாரணைக்கு எடுத்துக்கொள்ளப்பட்ட போதே இந்த அறிவித்தலை வழங்கினார்.
குறித்த வழக்கு ஜூலை மாதம் 6 ஆம் திகதி மீள விசாரணைக்கு எடுத்துக்கொள்ளப்படவுள்ளது.
LTTE அமைப்பில் இருந்தவன்; எச்சரித்த பிள்ளையான்
LTTE அமைப்பில் இருந்தவன்; எச்சரித்த பிள்ளையான்
தமிழ் மக்களுடைய காணிகளை சிங்களவர்கள் அபகரித்ததால் நான் விடுதலைப் புலிகளில் இருந்து யுத்தம் செய்தேன். பின்னர் நான் அரசியலுக்கு வந்தேன். எனவே அந்த மகாவலி திட்ட பகுதியில் மண் அகழ்வு மற்றும் சில
விடயங்களை நிறுத்துமாறு பிள்ளையான் என்றழைக்கப்படும் இராஜாங்க அமைச்சர் சி.சந்திரகாந்தன் சிங்கள மொழியில் பேசி எச்சரிக்கை விடுத்துள்ளார்.
மட்டக்களப்பு மாவட்ட அரசாங்க அதிபர் திருமதி. கலாமதி பத்மராஜா தலைமையில் மகாவலி மற்றும் மேச்சல்தரை தொடர்பான விசேட கூட்டம் மாவட்ட செயலக கேட்போர் கூடத்தில் இடம்பெற்றது. இதன்போது தமிழ்
மக்கள் விடுதலைப்புலிகள் அமைப்பின் தலைவரும் மாவட்ட அபிபிருத்திகுழு தலைவருமான இராஜாங்க அமைச்சர் சி.சந்திரகாந்தன் கருத்து தெரிவிக்கையில் இவ்வாறு தெரிவித்தார்.
இன்று நாட்டின் நிலமை என்ன? பொருளாதார நிலை என்ன? வெளிநாட்டு மக்கள் நிலை எவ்வாறு? என்ற விடையங்களை கதைக்க வேண்டும் அரசியலில் தமிழ் தேசிய கூட்டமைப்பு ஒரு பக்கமாக கருத்து தெரிவிக்கின்றனர்.
LTTE அமைப்பில் இருந்தவன்; எச்சரித்த பிள்ளையான்
நான் புலிகளில் இருந்தனான் வந்தனான் எங்களுடைய காணிகளை சிங்களவர்கள் அபகரித்ததால் யுத்தம் செய்தோம் இது நான் முதல் இருந்த நிலையை வைத்து இப்போது கதைக்க முடியாது பிரயோசனமில்லை அதனால் தான் நான் அரசியலுக்கு வந்தேன்.
எங்கள் மக்களை ஒரு பக்கம் சமப்படுத்தவும் மறுபக்கம் அரசாங்கத்தை சமப்படுத்த வேண்டும் அதற்காக இரு பகக்கமும் ஒன்றிணைந்து விசேடமாக ஜனாதிபதியுடன் கதைத்து பேசி நாட்டின் சட்டங்களை மாற்றவேண்டும். அதனை மாற்றுவதற்கு வேலை செய்யவேண்டும் இல்லாவிடில் வேலையில்லை.
நான் சண்டைபிடிக்க வரவில்லை கிழக்கில் யுத்தம் முடிந்த பின்னர் பாதிக்கப்பட்ட மக்களுக்கு வாழ்வாதாரத்தை மேம்படுத்துவதற்காக அமெரிக்காவின் பண உதவியுடன் ஆடைத்தொழிற்சாலை மற்று பால்உற்பத்தி பண்ணைக்கு இடம் கொடுக்கப்பட்டது.
இந்த சிஜசி கம்பனி இப்போது என்ன செய்கிறார்கள். இப்போது வேலை செய்யவில்லை என்கின்றனர் இவர்களுக்கு வழங்கிய பணம் யாருடைய பணம் ? இவர்கள் அமெரிக்காவை ஏமாற்றி அரசாங்கத்தை ஏமாற்றி எங்களை ஏமாற்றினார்கள் உண்மையில் ஏழை மக்கள் பாவம் சிஜசி கம்பனி கள்வர்கள்.
நாட்டின் நிருவாக முறை மாற்றவேண்டும் என அறகலயினர் ஆர்ப்பாட்டம் செய்தனர் மகாவலி மாறியதா? ஆசிரியர்கள் மாறியதா? அரசியல்வாதிகள் மாறியதா? ரியூசன் ஆசிரியர் மாறியதா? வேலை இல்லையே, ?இவ்வாறு எதுவுமே மாற்றாமல் எல்லாத்தையும் சமனாக்கு என்றால் எப்படி சமனாகும்.
எனவே மாவட்ட நிருவாக அதிகாரிகள் அரசியல் நிருவாக அதிகாரிகள் கலந்துரையாடி எதிர்கால திட்டம் நாங்கள் என்ன செய்ய வேண்டும் நீங்கள் என்ன செய்வீர்கள் என்பதை யோசியுங்கள்
1983 க்கு முன்னர் மகாவலி காணி இடம் தேவை எந்த இடம்வேண்டுமாயின் அதனை எடுக்க முடியும் அமைச்சருக்கு அது அந்த காலம் இப்ப எப்படி எனவே இந்த மகாவலி திட்ட பகுதியில் மண் அகழ்கின்றனர் இதை யார்
அகழ்கின்றார்கள்? எனவே இவ்வாறன சில விடையங்களை நிறுத்துமாறு உங்கள் அமைச்சருக்கு உங்கள் பணிப்பாளரிடம் தெரிவியுங்கள் என அதிகாரிகளிடம் தெரிவித்தார்
பொலிஸார் மீது தாக்குதல் ; பெண்கள் உட்பட 10 பேர் கைது
பொலிஸார் மீது தாக்குதல் ; பெண்கள் உட்பட 10 பேர் கைது
சனிக்கிழமை (24) மன்னார்- மதவாச்சி பிரதான வீதியில் உள்ள உயிலங்குளம் மதுபானசாலை அருகில் சிலர் கலவரத்தில் ஈடுபட்டதாக பொதுமக்கள் உயிலங்குளம் பொலிஸாருக்கு தகவல் தெரிவித்ததை அடுத்து போலிஸார் உயிலங்குளம் மதுபான சாலைக்கு சென்று விசாரணை செய்துள்ளனர்.
இதன் போது அவ்விடத்தில் கலவரத்தில் ஈடுபட்ட நபர்கள் சிலரை பொதுமக்கள் போலிஸாருக்கு கூறியுள்ளதாக தெரிவிக்கப்படுகின்றது. அதனடிப்படையில் கலவரத்தில் ஈடுபட்டவர்களை விசாரணை செய்ய முற்பட்ட போது அவ்விடத்தில் நின்ற சிலர் பொலிஸாரை தாக்கி உள்ளார்கள்.
பொலிஸார் மீது தாக்குதல் ; பெண்கள் உட்பட 10 பேர் கைது
தாக்குதலில் காயமடைந்த பொலிஸார் மன்னார் மாவட்ட பொது வைத்தியசாலையில் அனுமதிக்கப்பட்டு சிகிச்சை பெற்று வருகிறார்கள்.
மேலும் தாக்குதல் சம்பவத்துடன் தொடர்பு பட்டதாக கூறப்படும் சந்தேக நபர்கள் 9 பேர் ஞாயிற்றுக்கிழமை (25) உயிலங்குளம் பொலிஸ் நிலையத்தில் சரணடைந்ததை தொடர்ந்து, விசாரணைகளை மேற்கொண்ட பொலிஸார்
குறித்த சந்தேக நபர்களை மன்னார் மாவட்ட நீதவான் நீதிமன்றத்தில் ஆஜர் படுத்தியதை தொடர்ந்து குறித்த சந்தேகநபர்களை எதிர்வரும் 30ம் திகதி வரை விளக்கமறியலில் வைக்க பதில் நீதவான் உத்தரவிட்டுள்ளார்.
கட்டுப்படுத்த முடியாத நிலையில் துப்பாக்கிச் சூடு
கட்டுப்படுத்த முடியாத நிலையில் துப்பாக்கிச் சூடு
சந்தேக நபர்களை கைது செய்யாததற்காக ஹங்குரன்கெத்த திங்கட்கிழமை(26) பொலிஸ் நிலையத்தை 200 இற்கும் அதிகமான மக்கள் சுற்றி வளைத்ததையடுத்து பொலிஸார் எச்சரிக்கைக்காக துப்பாக்கியால் வானத்தை நோக்கி சுட்டனர்.
ஹங்குரன்கெத்த தியதிலகபுர பகுதியைச் சேர்ந்த ஒருவர் ஞாயிற்றுக்கிழமை (25) இடம்பெற்ற தாக்குதலில் காயமடைந்து கண்டி வைத்தியசாலையில் சிகிச்சை பெற்று வந்த நிலையில் உயிரிழந்துள்ளார்.
இச் சம்பவம் தொடர்பில் ஹங்குராங்கெத்த பொலிஸார் விசாரணைகளை மேற்கொண்டு சந்தேகத்தின் பேரில் ஒருவரை கைது செய்துள்ளனர்.
கட்டுப்படுத்த முடியாத நிலையில் துப்பாக்கிச் சூடு
குறிப்பிட்ட மரணம் தொடர்பில் பொலிஸாரினால் மேற்கொள்ளப்பட்டு வரும் விசாரணைகள் தொடர்பில் தெரியப்படுத்தப்பட்ட போதிலும், குழு ஒன்று ஹங்குரன்கெத்த பொலிஸ் நிலையத்திற்குள் நுழைய முயற்சித்ததாகவும் காவல் நிலையத்திற்குள் நுழைந்தால் ஏற்படக்கூடிய பாதிப்புகளையும்,
பணியில் இருந்த அதிகாரிகளின் பாதுகாப்பையும் கருத்தில் கொண்டு, நிலைமையைக் கட்டுப்படுத்த இரண்டு காவல்துறை அதிகாரிகள் 38 முறை வானத்தை நோக்கி துப்பாக்கியால் சுட்டுள்ளதாக பொலிஸார் தெரிவித்துள்ளனர்.
மேலும் இச் சம்பவத்தில் ஈடுபட்டவர்களை அடையாளம் கண்டு அவர்களுக்கு எதிராக சட்ட நடவடிக்கை எடுப்பதற்காக ஹங்குரன்கெத்த பொலிஸார் விசாரணைகளை மேற்கொண்டு வருவதாக தெரிவித்துள்ளனர்.
லிற்றோ விலை ஜூலையில் குறையும்
உக்ரைன் போர் முடிவுக்கு வருகிறது பேச்சுக்கள் ஆரம்பம்
உக்ரைன் போர் முடிவுக்கு வருகிறது பேச்சுக்கள் ஆரம்பம்
உக்ரைன் மீதான ரஸ்யாவின் ஆக்கிரமிப்பு போர் முடிவுக்கு கொண்டு வரும் ,
பேச்சுக்கள் எதிர் வரும் வராம ஆரம்பிக்க படவுள்ளன .
இந்த பேச்சுகளுக்கு நடு நிலை வகிக்க .சீனா, இந்தியா, பிரேசில் மற்றும் தென்னாப்பிரிக்கா
ஆகிய நாடுகள் ஆதரவை பெற முயற்சிகள் இடம்பெற்ற வண்ணம் உள்ளன .
இவர்களின் நடுநிலையுடன் இந்த பேச்சுக்கள் முன்னெடுக்க ,தயாராகி வருகிறது .
ஆனால் இந்த பேச்சுக்கள் வெற்றி பெறுமா என்ற சந்தேகமாக உள்ளது .
உக்ரைன் போர் முடிவுக்கு வருகிறது பேச்சுக்கள் ஆரம்பம்
கடும் போக்கு தனத்தை தொடர்ந்து கடைபிடித்து போர்வெறியில் நாட்டம் கொண்டுள்ள,
உக்ரைன் அதிபர் ஜெலன்ஸியின் ,கோப பேச்சுக்கள் ,பொறுப்பற்ற மொழி கலவை வீச்சுக்கள்,
பரஸ்பராசமாதானத்தை நீடித்து செல்ல, அனுமதிமுமாக என்கின்ற
பெரும் சந்தேகம் எழுந்துள்ளது ,குறிப்புடத்தக்கது .
ரஸ்யாவுக்குள் நுழைய தயராக இருந்த சீனா விசேட இராணுவம்
ரஸ்யாவுக்குள் நுழைய தயராக இருந்த சீனா விசேட இராணுவம்
ரசிவுக்குள் வாக்னர் கூலிப்படை இராணுவம் ,
ரஷ்யா அரசுக்கு எதிராக களம் இறங்கிய நிலையில் ,
அந்த இராணுவம் மேற்கொண்ட இராணுவ புரட்சியை முறியடிக்க
சீன இராணுவம் தயாராக இருந்தது .
சீனாவின் சண்டை விமானங்கள் மற்றும் ,விசேட இராணுவ கொமோண்டோக்கள்,
தேவை பட்டால் களம் இறங்கிட சீன தாயாராக இருந்ததாக ,
சீனா முக்கிய உளவுத்துறை ஊடகம் ஒன்று தெரிவித்துள்ளது .
ரஸ்யாவுக்குள் நுழைய தயராக இருந்த சீனா விசேட இராணுவம்
புட்டீன் மேற்கொண்ட தந்திர நகர்வின் மூலம் ,கைப்பற்ற பட்ட இராணுவ தளத்தை விட்டு
வாக்னர் கூலி படைகள் விலகின ,
இப்பொழுது ரஷ்யா முக்கிய பகுதி எங்கும் இராணுவம் ,
குவிக்க பட்டு பாதுகாப்பு பலப்படுத்த பட்டுளள்து .
வாக்காளர் குழு மீது சுமத்த பட்ட கிரிமினல் குற்ற வழக்கும் வாபஸ் பெற பட்டுள்ளது .
சீனா ,ஈரான் என்பன இதே போன்ற நிலை எடுத்து ,
ரஸ்யாவுக்கு துணை நின்ற செயல் ,அவர்களின் நட்புறவை காண்பிப்பதாக அமைந்திருந்தது .
வவுனியாவில் வீடு புகுந்து திருட முற்பட்டவர் நையப்புடைப்பு
வவுனியாவில் வீடு புகுந்து திருட முற்பட்டவர் நையப்புடைப்பு
வவுனியா பத்தினியார் மகிளங்குளம் கிராமத்தில் வீடு புகுந்து திருட முற்பட்ட நபரை பொதுமக்கள் நையப்புடைத்து பொலிஸாரிடம் ஒப்படைத்தனர்.
நேற்று (25) மாலை 5.00 மணியளவில் இந்த சம்பவம் இடம்பெற்றுள்ளதாக எமது செய்தியாளா் தொிவித்தாா்.
குறித்த பகுதியிலுள்ள வீடோன்றினுள் இனந்தெரியாத நபரொருவர் புகுந்து வீட்டிலுள்ள பொருட்களை திருட முயற்சித்துள்ள சமயத்தில் வீட்டிலிருந்தவர்கள் கூச்சலிட்டதை அடுத்து, அவர் அங்கிருந்து தப்பியோடியுள்ளார்.
வவுனியாவில் வீடு புகுந்து திருட முற்பட்டவர் நையப்புடைப்பு
எனினும் குறித்த நபரை மடக்கிப்பிடித்த அயலவர்கள் நையப்புடைத்துள்ளனா்.
இச்சம்பவம் தொடர்பில் வவுனியா பொலிஸாருக்கு வழங்கப்பட்ட தகவலையடுத்து சம்பவ இடத்திற்கு விரைந்த பொலிஸார் குறித்த நபரை கைது செய்து பொலிஸ் நிலையத்திற்கு அழைத்து சென்றதுடன், மேலதிக விசாரணை முன்னெடுக்கப்படுகிறது.
கைது செய்யப்பட்ட நபர் பல்வேறு திருட்டுச்சம்பவங்கள் தொடர்பில் பல தடவைகள் வவுனியா பொலிஸாரினால் கைது செய்யப்பட்டுள்ளமையும் குறிப்பிடத்தக்கது.
