ஏமன் அமெரிக்க MQ-9 ட்ரோனை ஏவுகணை மூலம் அழித்தது

ஏமன் அமெரிக்க MQ-9 ட்ரோனை ஏவுகணை மூலம் அழித்தது ,ஏமன் ஆயுதப்படைகள் அரபு நாட்டின் எல்லையில் மற்றொரு அமெரிக்க MQ-9 ட்ரோனை வீழ்த்தியதாக அறிவித்துள்ளன.

புதன்கிழமை காலை ஒரு அறிக்கையில், ஏமன் ஆயுதப்படைகளின் செய்தித் தொடர்பாளர் பிரிகேடியர்-ஜெனரல் யஹ்யா சாரி, அல்-ஜாஃப் மாகாணத்தின் வான்வெளியில் மற்றொரு அமெரிக்க MQ-9 ட்ரோனை அரபு நாட்டின் வான் பாதுகாப்புப் படைகள் சுட்டு வீழ்த்துவதில் வெற்றி பெற்றதாக அறிவித்தார்.

“உள்நாட்டில் தயாரிக்கப்பட்ட ஏவுகணையால் ட்ரோன் சுட்டு வீழ்த்தப்பட்டது,” என்று அவர் கூறினார்.

போர் தொடங்கியதிலிருந்து ஏமன் வான் பாதுகாப்புப் படைகள் சுட்டு வீழ்த்திய 18வது ட்ரோன் இது என்று சரீ கூறினார்.

“காசா பகுதிக்கு எதிரான ஆக்கிரமிப்பு நிற்கும் வரை ஒடுக்கப்பட்ட பாலஸ்தீன மக்களுக்கு நாங்கள் தொடர்ந்து ஆதரவளிப்போம்” என்று அவர் வலியுறுத்தினார்

பாடசாலை விடுமுறை தொடர்பில் அறிவிப்பு

பாடசாலை விடுமுறை தொடர்பில் அறிவிப்பு ,2025 ஆம் ஆண்டுக்கான அரசாங்க பாடசாலைகளின் கல்விக் காலத்தின் முடிவு மற்றும் தொடக்கத்தை கல்வி அமைச்சகம் அறிவித்துள்ளது.

கல்வி அமைச்சின் கூற்றுப்படி, முதலாம் தவணையின் இரண்டாம் கட்டம் வெள்ளிக்கிழமை, 11 ஏப்ரல் 2025 அன்று முடிவடையும்.

முதல் தவணையின் மூன்றாம் கட்டம் ஏப்ரல் 21 ஆம் திகதி தொடங்கி 2025 மே 09 ஆம் திகதி முடிவடையும் என்று கல்வி அமைச்சகம் மேலும் தெரிவித்துள்ளது.

தேர்தல் சட்ட விதிகளை மீறி சுவரொட்டிகள் ஒட்டிய மூவருக்கு 120 000 தண்டம்

தேர்தல் சட்ட விதிகளை மீறி சுவரொட்டிகள் ஒட்டிய மூவருக்கு 120 000 தண்டம் ,தேர்தல் சட்ட விதிகளை மீறி சுவரொட்டிகள் ஒட்டிய குற்றச்சாட்டில் கைது செய்யப்பட்ட மூவருக்கும் ஒரு லட்சத்து இருபதாயிரம் ரூபாய் (120,000) தண்டப்பணம் விதிக்கப்பட்டுள்ளது.

தேர்தல் சட்ட விதிகளை மீறி மட்டக்களப்பு ஏறாவூர் பிரதேசத்தில் சுவரொட்டிகள் ஒட்டினார்கள் என்ற குற்றச்சாட்டின் பேரில் மூவர்,

செவ்வாய்க்கிழமை (08) அதிகாலை ஏறாவூர் பொலிஸாரினால் கைது செய்யப்பட்டனர்.

குறித்த சந்தேக நபர்களை செவ்வாய்க்கிழமை (08) ஏறாவூர் சுற்றுலா நீதவான் நீதிமன்ற நீதவான் முன்னிலையில் ஆஜர் செய்த போது சந்தேக நபர்கள்

குற்றத்தை ஒப்புக் கொண்டதால் தலா நாற்பதாயிரம் வீதம் மூவரையும் ஒரு இலட்சத்து இருபதாயிரம் ரூபாய் தண்ட பணம் செலுத்துமாறு நீதவான் உத்தரவு பிறப்பித்தார்.

அதிகாலை வேளையில் வீதியோர சுவர்களில் சுவரொட்டிகளை ஒட்டி கொண்டிருக்கும் போது இரவு நேர ரோந்து நடவடிக்கையில் ஈடுபட்டிருந்த பொலிஸ் குழுவினர் அவர்களை கைது செய்தனர். குறித்த சந்தேக

நபர்களிடமிருந்து ஒரு தொகுதி சுவரொட்டிகள் கைப்பற்றப்பட்டன. இவற்றில் ஸ்ரீ லங்கா முஸ்லிம் காங்கிரஸ் கட்சியின் சின்னம் மற்றும் வேட்பாளரின் படங்கள் அச்சிடப்பட்டிருந்தது குறிப்பிடத்தக்கது.

அசோக விக்ரமசிங்க கைது

அசோக விக்ரமசிங்க கைது ,பிரதேச சபையின் முன்னாள் தலைவர் அசோக விக்ரமசிங்கவை குற்றப்புலனாய்வுத் திணைக்களத்தினர் கைது செய்துள்ளனர்.

கதிர்காமத்தில் உள்ள ராஜபக்ச குடும்பத்திற்குச் சொந்தமான வீடு தொடர்பில் ஆவணங்களைத் தயாரித்தக் குற்றச்சாட்டில் இவர் கைது செய்யப்பட்டுள்ளார்

கணேசபுரத்தில் எல்லை கல் நடுதல் இடைநிறுத்தம்

கணேசபுரத்தில் எல்லை கல் நடுதல் இடைநிறுத்தம் ,வன இலாகா திணைக்களத்தால் வவுனியா கணேசபுரத்தில் முன்னெடுக்கப்பட்ட எல்லை கற்களை நடும் நடவடிக்கைகளை உடனடியாக நிறுத்துமாறு சம்பந்தப்பட்ட

அதிகாரிகளுக்கு அறிவிக்கப்பட்டுள்ளதாக வவுனியா மாவட்ட ஒருங்கிணைப்பு குழுவின் தலைவரான பிரதி அமைச்சர் உபாலி சமரசிங்க தெரிவித்துள்ளார்.

பாராளுமன்றத்தில் புதன்கிழமை (09) ஜனநாயக தமிழ்த் தேசியக் கூட்டமைப்பு, பாராளுமன்ற உறுப்பினர் செல்வம் அடைக்கலநாதனால் முன்வைக்கப்பட்ட கோரிக்கைக்கு பதிலளிக்கையிலேயே பிரதி அமைச்சர் இவ்வாறு கூறினார்.

வன இலாக திணைக்களத்தால் அந்தப் பகுதியில் கல் நடப்படுவதாக தெரிவித்தே வவுனியா கணேசபுரம் மக்கள் தற்போது ஆர்ப்பாட்டமொன்றில் ஈடுபட்டு வருகின்றனர்.

மாவட்ட அபிவிருத்தி குழு கூட்டத்தில் தீர்மானங்கள் எடுக்கப்பட்ட பின்னர் அந்த விடயங்களை கையாளுவதற்கான சந்தர்ப்பத்தை வழங்க வேண்டும். எவருக்கும் கூறாது கல் நாட்டப்படக் கூடாது என்றே அபிவிருத்திக் குழுவில்

தீர்மானிக்கப்பட்டுள்ளது. ஆனால் எவருக்கும் கூறாது அது நடைபெறும் நிலையில் மக்கள் அங்கே ஆர்ப்பாட்டத்தில் ஈடுபட்டு வருகின்றனர்.

இதனால் உடனடிய அந்த நடவடிக்கைகளை நிறுத்த அறிவிக்குமாறு கேட்டுக்கொள்கின்றேன் என செல்வம் எம்.பி, கோரிநின்றார்.

இதன்போது பதிலளித்த வவுனியா மாவட்ட ஒருங்கிணைப்பு குழுவின் தலைவரான பிரதி அமைச்சர் உபாலி சமரசிங்க கூறுகையில்,

இது தொடர்பில் காலையில் எங்களுக்கு அறியக் கிடைத்தது. அதனை அறிந்த உடனேயே சம்பந்தப்பட்ட அதிகாரிகளுக்கு அறிவிக்க நடவடிக்கை எடுக்கப்பட்டது.

அதாவது தேர்தல் காலம் முடிவடையும் வரையிலும் மற்றும் மாவட்ட அபிவிருத்தி குழுவில் எடுக்கப்பட்ட தீர்மானத்தின்படி அதனை செயற்படுத்தும் வரையில் அந்த நடவடிக்கைகளை நிறுத்துமாறு அறிவிக்கப்பட்டுள்ளது என்றார்.

கோட்டை சுவரின் அருகே திடீரென தாழிறங்கிய வீதி

கோட்டை சுவரின் அருகே திடீரென தாழிறங்கிய வீதி
காலி – கோட்டை சுவரின் அருகே உள்ள வீதியின் ஒரு பகுதி நேற்று திடீரென தாழிறங்கியுள்ளது.

சுமார் 10 அடி நீளமுள்ள ஒரு பகுதி ஐந்து அடி ஆழத்திற்கு தாழிறங்கியதால் அங்கு பதற்றமான நிyலை ஏற்பட்டுள்ளது.

இதையடுத்து குறித்த பகுதியை மூட அதிகாரிகள் நடவடிக்கை எடுத்துள்ளனர்.

இந்த இடத்தில் நிலச்சரிவுக்கான அறிகுறிகள் இருந்ததாகவும், இது குறித்து அதிகாரிகளுக்கு பலமுறை தகவல் தெரிவித்ததாகவும் மக்கள் கூறுகின்றனர்

பிள்ளையான் கைது

பிள்ளையான் கைது ,கிழக்கு பல்கலைக்கழக முன்னாள் உபவேந்தர் பேராசிரியர் சுப்பிரமணியம் ரவீந்திரநாத் கடத்தப்பட்டு காணாமல் போன சம்பவங்கள் தொடர்பில் சந்தேகத்தின் அடிப்படையில் தமிழ் மக்கள்

விடுதலைப் புலிகள் கட்சியின் தலைவரும் முன்னாள் இராஜாங்க அமைச்சருமான பிள்ளையான் என அழைக்கப்படும் சி.சந்திரகாந்தன் கைது செய்யப்பட்டுள்ளார் என தகவல்கள் தெரிவிக்கின்றன.

கொழும்பில் இருந்து வருகை தந்த கொழும்பு குற்ற விசாரணைப் பிரிவு (சி​​ஐடி) யினர் மட்டக்களப்பில் உள்ள அவரது காரியாலயத்தில் வைத்து செவ்வாய்க்கிழமை (08) இரவு கைதுள்ளனர்.

உபவேந்தர் பேராசிரியர் எஸ்.ரவீந்திரநாத், கடந்த 2006 டிசம்பர் 15 ம் திகதி கொழும்பில் இருந்து மட்டக்களப்பு நோக்கி வாகனத்தில் பிரயாணித்த நிலையில் அவர் கடத்தப்பட்டு காணாமல் போயுள்ளார்

இந்த சம்பவம் தொடர்பாக சி​ஐடி யினர் விசாரணைகளை மேற்கொண்டு வந்த நிலையில் பிள்ளையான் கைது செய்யப்பட்டுள்ள கொழும்புக்கு கொண்டு சென்றுள்ளதாக அவர் தெரிவித்தார்.

வியாழேந்திரனுக்கு பிணை அடுத்து என்ன

வியாழேந்திரனுக்கு பிணை அடுத்து என்ன ,மார்ச் 25ஆம் திகதி இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழு அதிகாரிகளால் கைது செய்யப்பட்டு விளக்கமறியலில் வைக்கப்பட்டிருந்த

முன்னாள் இராஜாங்க அமைச்சர் எஸ்.வியாழேந்திரனை பிணையில் செல்ல கொழும்பு நீதவான் நீதிமன்றம் இன்று செவ்வாய்க்கிழமை (௦8) உத்தரவிட்டுள்ளது.

அதன்படி, ஒரு மில்லியன் ரூபாய் பெறுமதியான 5 சரீரப் பிணைகள் மற்றும் 50 ஆயிரம் ரூபா ரொக்க பிணையில் வியாழேந்திரன் பிணையில் விடுதலை செய்யப்பட்டுள்ளார்.

முன்னாள் இராஜாங்க அமைச்சர் வியாழேந்திரன், இன்று செவ்வாய்க்கிழமை (௦8) கொழும்பு நீதவான் நீதிமன்றில் ஆஜர்படுத்தப்பட்ட போதே இந்த உத்தரவு பிறப்பிக்கப்பட்டுள்ளது.

பொலன்னறுவை பகுதியைச் சேர்ந்த வர்த்தகர் ஒருவரிடம் மணல் அகழ்வுக்கான அனுமதிப்பத்திரத்தை வழங்குவதற்காக ரூ.1.5 மில்லியன் இலஞ்சம் பெற்றார் என்ற குற்றச்சாட்டின் பேரில் அவர் கைது செய்யப்பட்டுள்ளதாக தெரிவிக்கப்பட்டது.

அதன் பின்னர் அவர் மார்ச் 25ஆம் திகதி அன்று மாலை கொழும்பு, புதுக்கடை நீதவான் நீதிமன்றத்தில் முன்னிலைப்படுத்தப்பட்டார்.

இதன்போது ஏப்ரல் முதலாம் திகதி வரை அவரை விளக்கமறியலில் வைக்குமாறு நீதிமன்றம் உத்தரவு பிறப்பித்தது. அதனையடுத்து அவர் சிறைச்சாலை அதிகாரிகளிடம் ஒப்படைக்கப்பட்டிருந்தார்.

ஏப்ரல் 01ஆம் திகதி முன்னிலையாகிய போது எதிர்வரும் 08ஆம் திகதி வரை மீண்டும் விளக்கமறியலில் வைக்குமாறு உத்தரவிடப்பட்டார்.

அத்துடன், சந்தேக நபருக்கு பயணத் தடையையும் நீதிமன்றம் விதித்தது.

இந்த நிலையில், எஸ்.வியாழேந்திரனை பிணையில் செல்ல கொழும்பு நீதவான் நீதிமன்றம் இன்று செவ்வாய்க்கிழமை (௦8) உத்தரவிட்டுள்ளது.

இந்த வழக்கு ஜூன் 24ஆம் திகதி மீண்டும் விசாரணைக்கு எடுத்துக்கொள்ள திட்டமிடப்பட்டுள்ளது

திருடிய நிதி பாட்டியிடம் இருந்தால் அவரும் விசாரிக்கப்படுவார்

திருடிய நிதி பாட்டியிடம் இருந்தால் அவரும் விசாரிக்கப்படுவார் ,பொது மோசடி வழக்கில் தொடர்புடையதாகக் கூறப்படும் வயதான பெண்மணி தொடர்பான விசாரணைகள் குறித்த விமர்சனங்களுக்கு பதிலளித்த

ஜனாதிபதி அனுர குமார திசாநாயக்க, பொது நிதி ஆபத்தில் இருந்தால், வயது யாரையும் சட்டப் பரிசோதனையிலிருந்து பாதுகாக்காது என்று கூறினார்.

காலியில் நடைபெற்ற பொதுக் கூட்டத்தில் உரையாற்றிய ஜனாதிபதி, திருடப்பட்ட பொதுப் பணத்தை யார் வைத்திருந்தாலும் அதைக்

கண்டுபிடிப்பதில் அதிகாரிகள் கவனம் செலுத்தி வருவதாகத் தெளிவுபடுத்தினார்.

“அந்த நபர் இளைஞரா அல்லது வயதானவரா என்பது எங்களுக்கு கவலையில்லை. ஆனால், மோசடி செய்த பேரக்குழந்தைகளால் தான் அவர் இந்த சூழ்நிலையில் உள்ளார்.

திருடப்பட்ட நிதி அவர்களின் பாட்டியிடம் இருந்தால், அவரும் விசாரிக்கப்படுவார். முழு குடும்பமும் இதில் ஈடுபட்டிருந்தால், அவர்கள்

அனைவரும் விளைவுகளை எதிர்கொள்ள வேண்டும்,” என்று அவர் மேலும் கூறினார்.

• 
  குளத்தில் கவிழ்ந்த டிராக்டர் விபத்தில் 17 வயது இளைஞர் பலி
• 
  டி-56 ரக துப்பாக்கியும் தோட்டா கண்டு பிடிப்பு
• 
  பொரலஸ்கமுவ துப்பாக்கிச் சூடு
• 
  பால் தேநீர் மற்றும் சாதாரண தேநீர் விலைகள் ரூ. 5 குறைக்கப்பட்டன
• 
  கடுமையான மின்னல் குறித்து எச்சரிக்கை விடுக்கப்பட்டுள்ளது
• 
  தெஹிவலாவில் ஒருவர் தீ வைத்துக் கொளுத்தப்பட்ட வழக்கில் முக்கிய சந்தேக நபர் கைது
• 
  நேபால் வெள்ளத்தில் 3 பேர் உயிருடன் மீட்பு
• 
  இலங்கையின் ஏழு மாவட்டங்களில் நிலவும் வறண்ட வானிலையால் 1,15,500-க்கும் மேற்பட்ட மக்கள் பாதிக்கப்பட்டுள்ளனர்.
• 
  கல்பிட்டியாவில் கூர்மையான ஆயுதத் தாக்குதலில் கர்ப்பிணிப் பெண் பலி
• 
  சமூக ஊடகங்களில் பெண்ணின் நிர்வாணப் புகைப்படங்களைப் பகிர்ந்தத நபர் கைது

அக்கா சொன்ன அந்த விடயம் |கண்ணீர் கதை |கழிப்பறை 27

அக்கா சொன்ன அந்த விடயம் |கண்ணீர் கதை |கழிப்பறை 27 | உடையார் கட்டு முல்லைத்தீவு பகுதியை சேர்ந்த டிலக்சன் என்கின்ற இளம் குடும்பத்திற்கு ,கனடாவை சேர்ந்த கயன் டீ என்கின்ற அண்ணா அவர்கள் இந்த கழிப்பறையை அமைத்து கொடுத்துள்ளார் .

இவர் வழங்கிய ஒருலட்சம் நிதி பங்களிப்புடன், ரக்சன் அவர்கள் இணைந்து வழங்கிய நிதி பங்களிப்பில், இந்த மலசல கூடம் அமைத்து கொடுக்க பட்டுள்ளது .

இந்த உதவியை வழங்கிய இரண்டு உறவுக்களுக்கும் எமது நெஞ்சார்ந்த நன்றிகளையும் பாராட்டுகளையும் தெரிவித்து கொள்கிறோம் .

இதில் அழுத்தி காணொளி பார்க்க

• 
  ஓடும் நதியில் ஆடும் படகாய் |Odum Nathiyil Aadum padakaai |562 | VANNI MAINTHAN Song
• 
  மாணவர்களுக்கு மிதிவண்டி வழங்கிய Gowri German anu aka Australia
• 
  ராகவி விது தம்பதிகள் மாணவர்களுக்கு வழங்கிய மிதிவண்டிகள் |Vanni mainthan
• 
  கோபிகா வழங்கிய 5 மிதிவண்டி -| வவுனியா கோவில்குளம் வித்தியாலயம் |Vanni mainthan
• 
  வவுனியா மாணவனுக்கு மிதிவண்டி வழங்கிய அமெரிக்கா பானு அக்கா |Vanni mainthan
• 
  தியாகி மற்றும் ஜேபி மாணவர்களுக்கு துவிச்சக்கர வண்டிகள் வழங்கிய நிகழ்வு |Vanni mainthan
• 
  தர்மபுரம் மத்திய கல்லூரி மாணவர்களுக்கு 11 மிதிவண்டி வழங்கிய சந்தன |கனடா தினேஷ் |நோர்வே ராணி
• 
  சுவிஸ் ராசா மற்றும் N பிரதீபா தர்மபுரம் மாணவர்களுக்கு மிதிவண்டி வழங்கினார்கள் |Vanni mainthan
• 
  லண்டன் சிவதா ] மலேசியா கலா ஆகியோர் மாணவர்களுக்கு வழங்கிய மிதிவண்டிகள் |Bicycles
• 
  மாணவர்களுக்கு 2 மிதிவண்டிகளை வழங்கிய லண்டன் ராம்சி

லண்டன் ஓம் சரவணபவா சிலேபி லீலை சாமியாருக்கு சிறை

லண்டன் ஓம் சரவணபவா சிலேபி லீலை சாமியாருக்கு சிறை வாசம் அளிக்க பட்டுள்ளதாக பிரிட்டன் டெய்லி மெயில் ஊடகம் செய்தி வெளியிட்டுள்ளது .

லண்டனில் ஆலயத்தை நிறுவி அங்கு வரும் இலங்கை பெண்களை இலக்கு வைத்து ,பாலியல் துஸ்பிரயோகம் செய்துள்ளதாகவும் ,அத்துடன் அவர்களிடம் இருந்து 128.00 பவுண்டுகள் பெற்று சாமியார் ஏமாற்றியதாகவும் குற்றம் சுமத்த பட்டுள்ளது .

அந்த வழக்கு நீதிமன்றில் பல நீதிபதிகள் முன்பாக விசாரணைக்கு எடுத்து கொள்ள பட்ட பொழுது, சிலேபி சாமியார் முரளிகிரிஸ்னா லீலை சாமியார் என்ற விடயம் கண்டறிய பட்ட நிலையில் அவருக்கு ஏழு வருட சிறை தண்டனை விதிக்க பட்டுள்ளதாக தெரிவிக்க படுகிறது .

இவர் போன்ற சில சாமியார்கள் மக்களை ஏமாற்றி பண கொள்ளையில் ஈடுபட்டு வருகின்ற விடயம் மீளவும் ஒருமுறை இங்கு அம்பலமாகியுள்ளது,இது போலி சாமி மோசடியாளர்களுக்கு கொடுக்க பட்ட தக்க தண்டனையாக பார்க்க படுகிறது .

பிரபல உயர் சட்டத்தரணிகள் இந்த வழக்கில் ஆயராகி வாதாடியா நிலையில் , இந்த வழக்கில் ஒரு திருப்பமாக விளங்கியுள்ளதுடன் , அப்பாவி மக்களை காப்பாற்றியுள்ளனர் .

இந்த வழக்கு போலி சாமியார்களுக்கு சூத்து மாத்து போலிகளுக்கும் சாட்டையடி என தெரிவிக்க படுகிறது குறிப்பிட தக்கது .

இதில் அழுத்தி ஆங்கிலத்தில் உள்ள செய்திகளை பார்க்க

.

• 
  குளத்தில் கவிழ்ந்த டிராக்டர் விபத்தில் 17 வயது இளைஞர் பலி
• 
  டி-56 ரக துப்பாக்கியும் தோட்டா கண்டு பிடிப்பு
• 
  பொரலஸ்கமுவ துப்பாக்கிச் சூடு
• 
  பால் தேநீர் மற்றும் சாதாரண தேநீர் விலைகள் ரூ. 5 குறைக்கப்பட்டன
• 
  கடுமையான மின்னல் குறித்து எச்சரிக்கை விடுக்கப்பட்டுள்ளது
• 
  தெஹிவலாவில் ஒருவர் தீ வைத்துக் கொளுத்தப்பட்ட வழக்கில் முக்கிய சந்தேக நபர் கைது
• 
  நேபால் வெள்ளத்தில் 3 பேர் உயிருடன் மீட்பு
• 
  இலங்கையின் ஏழு மாவட்டங்களில் நிலவும் வறண்ட வானிலையால் 1,15,500-க்கும் மேற்பட்ட மக்கள் பாதிக்கப்பட்டுள்ளனர்.
• 
  கல்பிட்டியாவில் கூர்மையான ஆயுதத் தாக்குதலில் கர்ப்பிணிப் பெண் பலி
• 
  சமூக ஊடகங்களில் பெண்ணின் நிர்வாணப் புகைப்படங்களைப் பகிர்ந்தத நபர் கைது

மாணவியின் கன்னத்தை பஸ்ஸில் பதம்பார்த்த ஆசிரியை

மாணவியின் கன்னத்தை பஸ்ஸில் பதம்பார்த்த ஆசிரியை ,தனியார் பஸ்ஸில் பயணித்து கொண்டிருந்த போது, மாணவியின் கன்னத்தில் அறைந்த ஆசிரியைக்கு எதிராக பொலிஸில் முறைப்பாடு செய்யப்பட்டுள்ளது. இந்த சம்பவம் ஹட்டன் பொலிஸ் பிரிவில் இடம்பெற்றுள்ளது.

ஹட்டன் கல்வி வலயத்துக்கு உட்பட்ட பாடசாலை ஒன்றின் ஆசிரியையே, மாணவியின் கன்னத்தில் பஸ்ஸில் வைத்து திங்கட்கிழமை (07) மாலை, டிக்கோயா பகுதியில் வைத்து அறைந்துள்ளார்.

சம்பவம் தொடர்பாக தெரியவருவதாவது, பாடசாலை நிறைவடைந்த பின் ஹட்டனில் இருந்து டிக்கோயா ஊடாக போடைஸ் நோக்கி பயணித்து

கொண்டிருந்த தனியார் பஸ்ஸில் பாடசாலை மாணவர்கள், ஆசிரியர்கள், ஆசிரியைகள், பொதுமக்கள் என பலரும் பயணித்துக் கொண்டிருந்தனர்.

அப்போது, மாணவியின் கால், ஆசிரியை ஒருவரின் சாரியில் மிதி பட்டுள்ளது. இதனால், ஆத்திரமடைந்த ஆசிரியை, பஸ்ஸில் வைத்தே, அந்த மாணவியின்

கன்னத்தில் பளார், பளார் என்று அறைந்துள்ளார். அத்துடன், தகாத வார்த்தைகளால் திட்டியுள்ளார்.

ஆசிரியைக்கு எதிராக, ஹட்டன் பொலிஸ் நிலையத்தில் முறைப்பாடு செய்யப்பட்டுள்ளது. தாக்குதலுக்கு இலக்கான மாணவி, டிக்கோயா-கிளங்கன்

வைத்தியசாலையில் அனுமதிக்கப்பட்டுள்ளார். முறைப்பாடு தொடர்பில், ஹட்டன் பொலிஸார் விசாரணைகளை மேற்கொண்டு வருகின்றனர்.

தென்னகோனை பொலிஸ்மா அதிபர் பதவியிலிருந்து நீக்குவது தொடர்பான பிரேரணை

தென்னகோனை பொலிஸ்மா அதிபர் பதவியிலிருந்து நீக்குவது தொடர்பான பிரேரணை ,தேசபந்து தென்னகோனை பொலிஸ்மா அதிபர் பதவியிலிருந்து நீக்குவது தொடர்பான பிரேரணை இன்று பாராளுமன்றத்தில் சமர்ப்பிக்கப்படவுள்ளது.

தேசபந்து தென்னகோனை பதவியிலிருந்து நீக்குமாறு தெரிவித்து 115 பாராளுமன்ற உறுப்பினர்கள் கையெழுத்திட்டு சபாநாயகருக்குப் பிரேரணை ஒன்றைச் சமர்ப்பித்தனர்.

தேசபந்து தென்னகோனை பொலிஸ்மா மா அதிபர் பதவியிலிருந்து நீக்கம் செய்வதற்கான விசேட குழுவை நியமிக்கும் பிரேரணை இன்று விவாதம் இன்றி பாராளுமன்றத்தில் சமர்ப்பிக்கப்படவுள்ளதாகவும் தெரிவிக்கப்பட்டுள்ளது.

தயிரும் தேன் வளையமும் சாப்பிட்ட குழந்தை மரணம்

தயிரும் தேன் வளையமும் சாப்பிட்ட குழந்தை மரணம் ,மொனராகலை, அத்திமலை பொலிஸ் பிரிவிற்குட்பட்ட விலாஓயா பகுதியைச் சேர்ந்த இரண்டு வயதும் ஆறு மாதங்களேயான பெண் குழந்தை கடந்த 7 ஆம் திகதி திடீரென உயிரிழந்ததாக அத்திமலை பொலிஸார் தெரிவித்துள்ளனர்.

அன்று மாலை தயிரும் தேன் வளையமும் சாப்பிட்டுவிட்டு தூங்கச் சென்ற அந்தப் பெண் குழந்தை எழுந்திருக்கவில்லை. அம்மா அவளை தூக்கிய போது, ​​அவள் உடல் உயிரற்ற நிலையில் இருப்பதைக் கண்டாள். அவர் பிராந்திய

மருத்துவமனைக்கு கொண்டு செல்லப்பட்டு, மேலதிக சிகிச்சைக்காக மொனராகலை மாவட்ட பொது மருத்துவமனைக்கு மாற்றப்பட்டார்.அங்கு சிறுமி இறந்துவிட்டதாக மருத்துவர்கள் தெரிவித்தனர்.

மொனராகலை மாவட்ட பொது மருத்துவமனையின் சிறப்பு தடயவியல் மருத்துவ அதிகாரி லக்மாலி. அத்திமலையின் பதில் பொலிஸ் மா அதிபர் எல்.ஏ. ஜினதாச விசாரணைகளை நடத்தி வருகின்றனர்

துப்பாக்கிச் சூடு மேலும் மூவர் கைது

துப்பாக்கிச் சூடு மேலும் மூவர் கைது ,மாத்தறை – தெய்வேந்திரமுனை சிங்காசன வீதியில், மார்ச் 21ஆம் திகதி (21) இரவு இடம்பெற்ற துப்பாக்கிச் சூட்டில் இரண்டு இளைஞர்கள் உயிரிழந்துள்ளனர்.

அந்த சம்பவம் தொடர்பில், மேலும் மூவர் கைது செய்யப்பட்டுள்ளனர்.

அவர்களில் ஒருவர், துப்பாக்கிதாரி என்றும் அவர், இராணுவத்தில் இருந்து தப்பியோடிய நபர் என்றும் விசாரணைகளின் ஊடாக கண்டறியப்பட்டுள்ளது என பொலிஸார் தெரிவித்தனர்.

கந்தர பொலிஸ் நிலையத்தில் இரண்டு சட்டத்தரணிகளுடன் திங்கட்கிழமை (07) ஆஜரான பின்னர் சந்தேக நபர்கள் கைது செய்யப்பட்டனர்.

கைது செய்யப்பட்ட சந்தேக நபர்கள் கந்தர, தெவிநுவர பகுதிகளைச் சேர்ந்த 26 மற்றும் 35 வயதுடையவர்கள் என்று பொலிஸார் தெரிவித்தனர்.

இந்த சம்பவம் தொடர்பில், சந்தேகத்தின் பேரில், ஏற்​கெனவே நால்வர் கைது செய்யப்பட்டுள்ளனர் என்பது குறிப்பிடத்தக்கது.

மோட்டார் சைக்கிளில் பயணித்துக் கொண்டிருந்த இரண்டு இளைஞர்களை, வேன் ஒன்றில் வந்த அடையாளம் தெரியாத இரண்டு துப்பாக்கிக்காரர்கள், T-56

மற்றும் 9 மில்லிமீட்டர் வகை ஆயுதங்களைப் பயன்படுத்தி இந்த துப்பாக்கிச் சூட்டை நடத்திய பின்னர் தப்பிச் சென்றிருந்தனர்.

துப்பாக்கிச் சூடு நடந்த இடத்தில், T-56 ஆயுதத்திற்கான 39 வெற்று தோட்டாக்கள், 2 தோட்டாக்கள், மற்றும் 9 மில்லிமீட்டர் ஆயுதத்திற்கான 2

வெற்று தோட்டாக்கள் மற்றும் 2 தோட்டாக்கள் ஆகியவை பொலிஸாரால் கண்டுபிடிக்கப்பட்டுள்ளன.

துப்பாக்கிக்காரர்கள் வந்ததாக சந்தேகிக்கப்படும் வேன், துப்பாக்கிச் சூடு நடந்த இடத்திலிருந்து சுமார் 800 மீட்டர் தொலைவில் உள்ள ஒரு கிளை வீதியில் எரிக்கப்பட்ட நிலையில் பொலிஸாரால் அன்றையதினமே கண்டுபிடிக்கப்பட்டது.

அதிலிருந்து, T-56 ஆயுதத்திற்கு பயன்படுத்தப்படும் ஒரு மெகசின் மற்றும்T-56 வெற்று​ தோட்டாக்கள் என்பன கண்டுபிடிக்கப்பட்டுள்ளன.

இந்த துப்பாக்கிச் சூட்டில் தெய்வேந்திரமுனை சிங்காசன வீதியை சேர்ந்த யோமேஷ் நதிஷான் மற்றும் பசிந்து தாருக என்ற 28 வயதான இரண்டு இளைஞர்களே உயிரிழந்தனர் என்பது குறிப்பிடத்தக்கது.

தப்பி ஓடிய இராணுவம் 1700 பேர் கைது

தப்பி ஓடிய இராணுவம் 1700 பேர் கைது ,கடந்த இரண்டு மாதங்களில், ஆயுதப்படைகளை விட்டு வெளியேறி, ஒழுங்கமைக்கப்பட்ட குற்றச் செயல்களில் ஈடுபட்ட சுமார் 1,700 பேரை அதிகாரிகள் கைது செய்துள்ளதாக பொது பாதுகாப்பு அமைச்சர் ஆனந்த விஜேபால தெரிவித்தார்.

இந்த கைதுகளுக்கு மேலதிகமாக, இந்தக் காலகட்டத்தில் சமூகத்தில் புழக்கத்தில் உள்ள 1,000க்கும் மேற்பட்ட சட்டவிரோத துப்பாக்கிகள் பறிமுதல் செய்யப்பட்டுள்ளன என்று அவர் மேலும் கூறினார்.

கண்டியில் உள்ள மகா நாயக்க தேரர்களைச் சந்தித்த அமைச்சர் விஜேபால, ஒழுங்கமைக்கப்பட்ட குற்றங்களை எதிர்ப்பதற்கான நடவடிக்கைகள் தொடர்ந்து நடைபெற்று வருவதாக ஊடகங்களுக்குத் குறிப்பிட்டார்.

மேலும், முன்னாள் இராணுவ வீரர்கள் குற்றச் செயல்களில் ஈடுபடுவது குறித்த அதிகரித்து வரும் கவலைகளுக்கு பதிலளிக்கும் விதமாக, அதிகரித்து வரும்

அச்சுறுத்தலுக்கு பதிலளிக்கும் விதமாக, பாதுகாப்புப் படைகளில் இருந்து தப்பியோடியவர்களை உடனடியாகக் கைது செய்ய பாதுகாப்பு அமைச்சகம் முன்னதாக ஒரு உத்தரவைப் பிறப்பித்திருந்தது.

சமீபத்திய குற்றங்களுடன் தொடர்புடைய பலர் ஆயுதப் பயிற்சி பெற்ற பிறகு அதிகாரப்பூர்வமற்ற முறையில் இராணுவ சேவையை விட்டு வெளியேறி

விட்டனர் அல்லது பணிநீக்கம் செய்யப்பட்டுள்ளனர் என்று பாதுகாப்புச் செயலாளர் சம்பத் துயகொண்டா முன்னதாகக் கூறினார்.

முந்தைய நாளில் சுமார் 500 சிறப்புப் பணிக்குழு (STF) வீரர்கள் மனமுடைந்து போனதாகவும், குற்றச் செயல்களுக்கு எதிரான முயற்சிகளை வலுப்படுத்த விரைவில் அவர்கள் அனுப்பப்படுவார்கள் என்றும் அவர் கூறினார்.

இதற்கிடையில், படைகள் மற்றும் காவல்துறையின் சில உறுப்பினர்கள் பாதாள உலக மற்றும் போதைப்பொருள் கடத்தல்களில் ஈடுபட்டதாக

வெளியான தகவல்களுக்கு பதிலளித்த அமைச்சர், சம்பந்தப்பட்டவர்களை அடையாளம் கண்டு அவர்களுக்கு எதிராக நடவடிக்கை எடுக்க விசாரணைகள் நடந்து வருவதாகக் கூறினார்.

இது தொடர்பாக ஏற்கனவே பதில் ஐஜிபி மற்றும் அமைச்சின் செயலாளருக்கு அறிவுறுத்தியுள்ளதாக அவர் கூறினார்.

பாதாள உலக குற்றவாளிகள் மற்றும் போதைப்பொருள் கடத்தல்காரர்களுடன் தொடர்புகளைப் பேணிய பல காவல்துறை அதிகாரிகள் சேவையிலிருந்து இடைநீக்கம் செய்யப்பட்டுள்ளதாகவும் அமைச்சர் கூறினார்.

கேஸ் நிரப்பும் நிலையத்தில் தீ நால்வர் உயிரிழப்பு

கேஸ் நிரப்பும் நிலையத்தில் தீ நால்வர் உயிரிழப்பு ,குருநாகல், வெஹராவில் உள்ள கேஸ் நிரப்பும் நிலையம் ஒன்றில் நேற்று இரவு (7) கேஸ் சிலிண்டர் வெடித்ததால் ஏற்பட்ட திடீர் தீ விபத்தில் நான்கு பேர் உயிரிழந்துள்ளனர்.

மேலும், நான்கு பேர் காயமடைந்து, குருநாகல் போதனா வைத்தியசாலையில் அனுமதிக்கப்பட்டுள்ளனர்.

குருநாகல் மாநகர சபையின் தீயணைப்புத் துறை தற்போது தீயை கட்டுப்பாட்டுக்குள் கொண்டுவந்துள்ளதாக பொலிஸார் தெரிவித்தனர்.

தீ விபத்துக்கான காரணம் இதுவரை உறுதிப்படுத்தப்படவில்லை. சம்பவம் குறித்து மேலதிக விசாரணைகள் முன்னெடுக்கப்பட்டு வருகின்றன.
சடலங்கள் இனம் காண முடியாத அளவிற்கு உள்ளன.

ரஷ்யப் படைகளைத் தாக்க உக்ரைன் ஜெர்மன் HF 1 UAV களைப் பயன்படுத்துகிறது

ரஷ்யப் படைகளைத் தாக்க உக்ரைன் ஜெர்மன் HF 1 UAV களைப் பயன்படுத்துகிறது ,உக்ரைனின் சிறப்பு நடவடிக்கைப் படைகள், செயற்கை நுண்ணறிவு பொருத்தப்பட்ட ஜெர்மனியில் தயாரிக்கப்பட்ட HF-1 ட்ரோன்களைப் பயன்படுத்தத் தொடங்கியுள்ளன.

பாதுகாப்பு தொழில்நுட்ப நிறுவனமான ஹெல்சிங்கால் தயாரிக்கப்பட்ட, அலைந்து திரியும் வெடிமருந்துகள் தற்போது சுமி பகுதியில் பயன்படுத்தப்படுகின்றன.

BILD செய்தித்தாளின் கூற்றுப்படி, சுமார் 1,000 HF-1 ட்ரோன்கள் ஏற்கனவே உக்ரைனுக்கு வழங்கப்பட்டுள்ளன, மொத்தம் 10,000 பாதுகாப்பு ஒத்துழைப்பு ஒப்பந்தத்தின் கீழ் எதிர்பார்க்கப்படுகிறது. ட்ரோன் மாதிரி முதன்முதலில்

நவம்பர் 2024 இல் அறிவிக்கப்பட்டது, அப்போது ஜெர்மனி உக்ரைனுக்கு 4,000 அலைந்து திரியும் வெடிமருந்துகளை அனுப்பும் திட்டத்தை அறிவித்தது.

2025 ஆம் ஆண்டின் தொடக்கத்தில், HF-1 மற்றும் அதன் புதிய மாடலான HX-2 இரண்டும் இந்தத் தொகுப்பின் ஒரு பகுதியாக வழங்கப்படும் என்பதை ஹெல்சிங் உறுதிப்படுத்தினார்.

HF-1 ட்ரோன் தன்னியக்கமாகக் கண்டறிந்து, அடையாளம் கண்டு, இலக்குகளைப் பூட்ட வடிவமைக்கப்பட்ட ஒரு உள் செயற்கை நுண்ணறிவு அமைப்பைக் கொண்டுள்ளது. இருப்பினும்,

உக்ரேனியப் படைகள் தற்போது ட்ரோனை கைமுறையாக இயக்குகின்றன, முன்னரே தீர்மானிக்கப்பட்ட இலக்குகளுக்கு அதை வழிநடத்துகின்றன

மற்றும் இறுதி கட்ட விமானத்தில் ரஷ்ய மின்னணு போர் (EW) பாதுகாப்புகளைத் தவிர்ப்பதற்கு ஒரு முனைய வழிகாட்டுதல் அமைப்பைப் பயன்படுத்துகின்றன.

ட்ரோன் தொழில்நுட்ப ரீதியாக 100 கிலோமீட்டர் வரை அடையும் திறன் கொண்டதாக இருந்தாலும், ஆபரேட்டர்கள் தோராயமாக ஒரு மணி நேர

விமான காலத்தையும் 45-50 கிலோமீட்டர் பயனுள்ள செயல்பாட்டு வரம்பையும் விவரிக்கின்றனர்

ஹிஸ்புல்லா தளபதி வீரமரணம்

ஹிஸ்புல்லா தளபதி வீரமரணம் ,இஸ்ரேலிய ஆக்கிரமிப்பில் ஹெஸ்பொல்லா ஆயுதக் குழுவின் தளபதி வீரமரணம் அடைந்தார்

லெபனான் ஹெஸ்பொல்லா பீரங்கி பிரிவின் தளபதி, நாட்டின் தெற்கில் தனது வாகனத்தின் மீது இஸ்ரேலிய ட்ரோன் தாக்குதலில் வீரமரணம் அடைந்தார்.

லெபனானின் தெற்கு நகரத்தின் மீது நடத்தப்பட்ட ட்ரோன் தாக்குதலில் ஹெஸ்பொல்லா உறுப்பினர் ஒருவர் கொல்லப்பட்டதாக இஸ்ரேலிய இராணுவம் கூறியுள்ளதாக அல் ஜசீரா செய்தி வெளியிட்டுள்ளது.

அவர் ஹெஸ்பொல்லாவின் பீரங்கித் தளபதி முகமது அட்னான் மன்சூர் என அடையாளம் காணப்பட்டதாக அது ஒரு அறிக்கையில் தெரிவித்துள்ளது.

லெபனான் எதிர்ப்புக் குழு, வான்வழித் தாக்குதல் அதன் உறுப்பினரை குறிவைத்ததா என்பதை இன்னும் உறுதிப்படுத்தவில்லை.

சீனா மீது புதிய 50% வரிகளை டிரம்ப் அச்சுறுத்துகிறார்

சீனா மீது புதிய 50% வரிகளை டிரம்ப் அச்சுறுத்துகிறார் ,அமெரிக்க ஏற்றுமதிகள் மீதான பழிவாங்கும் வரிகளை நாளைக்குள் பெய்ஜிங் நீக்காவிட்டால், சீனா மீது புதிய 50% வரிகளை ஜனாதிபதி டொனால்ட் டிரம்ப் அச்சுறுத்தியுள்ளார்.

உலகப் பொருளாதாரத்தை மறுசீரமைக்கும் அவரது முயற்சி வர்த்தகப் போருக்கு வழிவகுக்கும் என்ற புதிய கவலைகளை எழுப்பி, ஜனாதிபதி

டொனால்ட் டிரம்ப் திங்களன்று சீனா மீது கூடுதல் வரிகளை அச்சுறுத்தியதாக ஏபி திங்களன்று செய்தி வெளியிட்டுள்ளது.

கடந்த வாரம் அறிவிக்கப்பட்ட அமெரிக்க வரிகளுக்கு பதிலடி கொடுப்பதாக சீனா கூறியதைத் தொடர்ந்து, சமூக ஊடகங்களில் அவர் வெளியிட்ட டிரம்பின் அச்சுறுத்தல் வந்தது.

“சீனா ஏற்கனவே நீண்டகால வர்த்தக துஷ்பிரயோகங்களை விட 34% அதிகரிப்பை நாளை, ஏப்ரல் 8, 2025 க்குள் திரும்பப் பெறவில்லை என்றால், அமெரிக்கா ஏப்ரல் 9 முதல் சீனா மீது 50% கூடுதல் வரிகளை விதிக்கும்” என்று

அவர் ட்ரூத் சோஷியலில் எழுதினார். “கூடுதலாக, சீனாவுடன் அவர்கள் கோரிய சந்திப்புகள் தொடர்பான அனைத்து பேச்சுவார்த்தைகளும் நிறுத்தப்படும்!

பங்குச் சந்தை தொடர்ந்து சரிந்து, மந்தநிலை குறித்த அச்சங்கள் அதிகரித்ததால், டிரம்ப் தொடர்ந்து எதிர்ப்புத் தெரிவித்து வருகிறார்.

“வலுவாகவும், தைரியமாகவும், பொறுமையாகவும் இருங்கள், இதன் விளைவாக மகத்துவம் இருக்கும்!” என்று அவர் எழுதினார்.

திங்கட்கிழமை காலை வர்த்தகம் தொடங்கியபோது டவ் ஜோன்ஸ் தொழில்துறை சராசரி 1,200 புள்ளிகள் சரிந்தது, மேலும் S&P 500 ஒரு கரடி சந்தையில் நுழையும் பாதையில் இருந்தது, அதாவது சமீபத்திய

உச்சத்திலிருந்து 20% சரிந்தது. டிரம்பின் சில கூட்டாளிகள் கூட பொருளாதார சேதம் குறித்து எச்சரிக்கைகளை எழுப்புகின்றனர், மேலும் நிதி கணிப்புகள்

அமெரிக்க வணிகங்கள், நுகர்வோர் மற்றும் முதலீட்டாளர்களுக்கு அதிக வலியை ஏற்படுத்தும் என்று தெரிவிக்கின்றன.