Author: நிருபர் காவலன்

சஜித் பிரேமதாச ஜப்பானிய தூதுவரிடம் கோரிக்கை

சஜித் பிரேமதாச ஜப்பானிய தூதுவரிடம் கோரிக்கை இடைநடுவில் நிறுத்தப்பட்டுள்ள அபிவிருத்தித் திட்டங்களை மீண்டும் ஆரம்பிக்குமாறு எதிர்க்கட்சித் தலைவர் சஜித் பிரேமதாச ஜப்பானிய தூதுவரிடம் கோரிக்கை விடுத்துள்ளார்.

ஜப்பானிய தூதுவருக்கும் எதிர்க்கட்சித் தலைவர் சஜித் பிரேமதாசவுக்கும் இடையிலான சந்திப்பொன்று கொழும்பில் இடம்பெற்றபோது, ​​எதிர்க்கட்சித் தலைவர் இந்தக் கோரிக்கையை முன்வைத்ததாக எதிர்க்கட்சித் தலைவரின் ஊடகப் பிரிவு தெரிவித்துள்ளது.

ஜப்பானுக்கும் இலங்கைக்கும் இடையிலான நீண்டகால இராஜதந்திர உறவைப் பேணுமாறு எதிர்க்கட்சித் தலைவர் இதன்போது தூதுவரிடம் கோரிக்கை விடுத்துள்ளார்.

அதற்கு தன்னால் முடிந்த பங்களிப்பை வழங்குவதாக எதிர்க்கட்சித் தலைவர் தெரிவித்துள்ளார்.

அத்துடன், கடந்த காலங்களில் ஜப்பானினால் இலங்கையில் நடைமுறைப்படுத்தப்பட்ட அபிவிருத்தித் திட்டங்களை மீண்டும் நடைமுறைப்படுத்துவதற்குத்
தேவையான அதிகபட்ச ஆதரவை வழங்குவதாக எதிர்க்கட்சித் தலைவர் சஜித் பிரேமதாச இதன்போது உறுதியளித்துள்ளார்.

கார் ஒன்று வீதியை விட்டு விலகி விபத்து

கார் ஒன்று வீதியை விட்டு விலகி விபத்து மாத்தறை, அக்குரஸ்ஸ பிரதான வீதியில் ராஹூல சந்திக்கு அருகில் கார் ஒன்று வீதியை விட்டு விலகி விபத்துக்குள்ளானது.

இந்த விபத்து நேற்று (01) இரவு இடம்பெற்றுள்ளதுடன், காரில் பயணித்த மூவர் காயமடைந்து மாத்தறை பொது வைத்தியசாலையில் அனுமதிக்கப்பட்டுள்ளனர்.

கார் அக்குரஸ்ஸவிலிருந்து மாத்தறை நோக்கிச் சென்றுகொண்டிருந்ததால், சாரதியால் காரைக் கட்டுப்படுத்த முடியாமல் விபத்து இடம்பெற்றுள்ளதுடன் கார் பலத்த சேதமடைந்துள்ளது.

இந்த விபத்தில் வீதியின் ஓரத்தில் இருந்த மின்கம்பமும் சேதமடைந்துள்ளதுடன்,
விபத்து தொடர்பான மேலதிக விசாரணைகளை மாத்தறை பொலிஸார் மேற்கொண்டு வருகின்றனர்.

லொஹான் மற்றும் ஷஷிக்கு மீண்டும் விளக்கமறியல்

லொஹான் மற்றும் ஷஷிக்கு மீண்டும் விளக்கமறியல் சட்டவிரோதமான முறையில் வெளிநாட்டில் இருந்து இறக்குமதி செய்யப்பட்டு இலங்கையில் ஒன்றிணைக்கப்பட்ட சொகுசு காரை பயன்படுத்திய குற்றச்சாட்டில் கைது

செய்யப்பட்டு விளக்கமறியலில் வைக்கப்பட்டுள்ள முன்னாள் இராஜாங்க அமைச்சர் லொஹான் ரத்வத்த மற்றும் அவரது மனைவி ஆகியோரின் விளக்கமறியல் காலம் நீடிக்கப்பட்டுள்ளது.

இதன்படி, முன்னாள் இராஜாங்க அமைச்சர் மற்றும் அவரது மனைவியை டிசம்பர் 6ஆம் திகதி வரை விளக்கமறியலில் வைக்குமாறு நுகேகொட நீதவான் நீதிமன்றம் உத்தரவிட்டுள்ளது.

முன்னாள் இராஜாங்க அமைச்சர் லொஹான் ரத்வத்தவின் மனைவியான ஷஷி பிரபா ரத்வத்தவிற்குச் சொந்தமான மிரிஹான அம்முதெனிய சாலாவ

வீதியிலுள்ள மூன்று மாடி வீடொன்றில் இலக்கத் தகடுகள் இல்லாத சொகுசு கார் ஒன்று கண்டுபிடிக்கப்பட்டது.

இதன்படி குறித்த கார் தொடர்பில் மிரிஹான பொலிஸார் மேற்கொண்ட விசாரணைகளின் போது அது சட்டவிரோதமான முறையில் அசெம்பிள் செய்யப்பட்ட கார் என தெரியவந்துள்ளது.

ஒக்டோபர் 30 ஆம் திகதி லொஹான் ரத்வத்த, அந்த காரை பயன்படுத்திய குற்றச்சாட்டின் பேரில் கட்டுகஸ்தோட்டையில் வைத்து மிரிஹான பொலிஸாரால் கைது செய்யப்பட்டார்.

இவ்வாறானதொரு பின்னணியில் ரத்வத்தவின் மனைவியான ஷஷி பிரபா ரத்வத்தவும் நவம்பர் 4ஆம் திகதி கைதுசெய்யப்பட்டதுடன், குறித்த கார் தொடர்பில் அவர் அறிந்திருக்கவில்லை என தெரிவித்தாக மிரிஹான

பொலிஸார் நீதிமன்றில் தெரிவித்ததையடுத்து, சந்தேகநபர் ஷஷி ரத்வத்தவையும் விளக்கமறியலில் வைக்குமாறு நீதிமன்றம் உத்தரவிட்டுள்ளது.

அதன்படி, சந்தேகநபர்கள் இன்று காலை நுகேகொட நீதிமன்றத்தில் ஆஜர்படுத்தப்பட்ட போது சந்தேகநபர்களான
இருவரையும் டிசம்பர் 6ஆம் திகதி வரை விளக்கமறியலில் வைக்குமாறு நீதிமன்றம் உத்தரவிட்டது.

பிரதம நீதியரசராக முர்து பெர்னாண்டோ சத்தியப்பிரமாணம்

பிரதம நீதியரசராக முர்து பெர்னாண்டோ சத்தியப்பிரமாணம் இலங்கையின் புதிய பிரதம நீதியரசராக, உச்ச நீதிமன்ற நீதியரசர் முர்து நிரூபா பிதுஷினி பெர்னாண்டோ இன்று காலை (02) ஜனாதிபதி அலுவலகத்தில் ஜனாதிபதி

அநுர குமார திசாநாயக்க முன்னிலையில் சத்தியப்பிரமாணம் செய்துகொண்டார்.

இலங்கையின் பிரதம நீதியரசர் பதவியை வகிக்கும் இரண்டாவது பெண்ணாகவும், இலங்கையின் 48ஆவது பிரதம நீதியரசராகவும் முர்து பெர்னாண்டோ வரலாற்றில் இணைகிறார்.

பிரதம நீதியரசர் ஜயந்த ஜயசூரிய ஓய்வுபெற்றதையடுத்து வெற்றிடமானபதவிக்கு அவரது பெயர் அரசியலமைப்பு சபையினால் அண்மையில் அங்கீகரிக்கப்பட்டது.

1985 ஆம் ஆண்டு சட்டமா அதிபர் திணைக்களத்தில் இணைந்து கொண்ட அவர் 1997 ஆம் ஆண்டு பிரதி சொலிசிட்டர் ஜெனரலாகவும் 2014 ஆம் ஆண்டு மேலதிக சொலிசிட்டர் ஜெனரலாகவும் பதவி உயர்வு பெற்றார்.

சட்டமா அதிபர் திணைக்களத்தில் அரசதரப்புச் சட்டத்தரணியாக இணைந்து 30 வருடங்களுக்கும் மேலாக அங்கு பணியாற்றியுள்ள முர்து பெர்னாண்டோ, 2018 மார்ச் மாதம் உச்ச நீதிமன்ற நீதியரசராக நியமிக்கப்பட்டார்.முர்து

பெர்னாண்டோ சட்டமா அதிபர் திணைக்களத்தில் சிரேஷ்ட மேலதிக சொலிசிட்டர் ஜெனரலாக கடமையாற்றியதுடன், உச்ச நீதிமன்றத்தின் தற்போது பணியாற்றும் சிரேஷ்ட நீதிபதி இவராவார்.

மொரட்டுவ பிரின்ஸ் ஒப் வேல்ஸ் கல்லூரியின் பழைய மாணவியான முர்து பெர்னாண்டோ, கொழும்பு பல்கலைக்கழகத்தின் சட்ட பீடத்தில் சட்டத்துறை இளமானிப் பட்டம் பெற்றுள்ளார்.

இந்நிகழ்வில் ஜனாதிபதியின் செயலாளர் கலாநிதி நந்திக சனத் குமாநாயக்கவும் கலந்துகொண்டார்.

இருவர் வெட்டிக் கொலை

இருவர் வெட்டிக் கொலை நாட்டின் வெவ்வேறு பிரதேசங்களில் இடம்பெற்ற தாக்குதல்களில் இருவர் உயிரிழந்துள்ளதாக பொலிஸார் தெரிவித்துள்ளனர்.

ஓயாமடுவ – நவோதகம பிரதேசத்தில் கூரிய ஆயுதத்தால் தாக்கி நபர் ஒருவர் கொல்லப்பட்டுள்ளார்.

பண்டாரகம, பேமதுவ பிரதேசத்தை சேர்ந்த 26 வயதுடைய இளைஞரே இவ்வாறு உயிரிழந்துள்ளார்.

நேற்று (01) பிற்பகல் இருவருக்கு இடையில் ஏற்பட்ட வாய்த்தகராறு அதிகரித்து கூரிய ஆயுதத்தால் தாக்கி இந்த கொலை இடம்பெற்றுள்ளதாக விசாரணைகளில் தெரியவந்துள்ளது.

கொலை தொடர்பில் அதே பகுதியைச் சேர்ந்த 17 வயதுடைய இளைஞன் கைது செய்யப்பட்டுள்ளார்.

ஓயாமடுவ பொலிஸார் மேலதிக விசாரணைகளை மேற்கொண்டு வருகின்றனர்.

இதேவேளை, ஓமந்தை – பரசன்குளம் பகுதியில் கூரிய ஆயுதத்தால் தாக்கி நபர் ஒருவர் கொல்லப்பட்டுள்ளார்.

ஓமந்தை பிரதேசத்தைச் சேர்ந்த 45 வயதுடைய நபரே இவ்வாறு உயிரிழந்துள்ளார்.

நேற்று மாலை கெப் வண்டியில் வந்த குழுவினர் தனிப்பட்ட தகராறு காரணமாக கூரிய ஆயுதத்தால் தாக்கி இந்த கொலை இடம்பெற்றுள்ளதாக விசாரணைகளில் தெரியவந்துள்ளது.

தாக்குதலில் காயமடைந்தவர் வவுனியா வைத்தியசாலையில் அனுமதிக்கப்பட்ட நிலையில், சிகிச்சை பலனின்றி உயிரிழந்துள்ளதாக பொலிஸார் தெரிவிக்கின்றனர்.

இக்கொலைச் சம்பவம் தொடர்பில், வவுனியா, கூமாங்குளம் பகுதியைச் சேர்ந்த 18 வயதுடைய இளைஞன், அவர் பயணித்த கெப் வண்டியுடன் கைது செய்யப்பட்டுள்ளார்.

ஏனைய சந்தேக நபர்களை கைது செய்வதற்கான மேலதிக விசாரணைகளை ஓமந்தை பொலிஸார் முன்னெடுத்துள்ளனர்

வெள்ளத்தில் மிதந்த நீதி தேவதை | மகிழ்ச்சியில் கொண்டாடும் மக்கள்

வெள்ளத்தில் மிதந்த நீதி தேவதை | மகிழ்ச்சியில் கொண்டாடும் மக்கள் | |Dr Archchuna News

video

அர்ச்சுனா நல்லவன் |எதிரிகளை ரவுண்டு கட்டி வாங்கிய ஆதரவு மக்கள் |Dr Archchuna News

அர்ச்சுனா நல்லவன் |எதிரிகளை ரவுண்டு கட்டி வாங்கிய ஆதரவு மக்கள் |Dr Archchuna News

video

ஹமாஸ் இஸ்ரேலிய பணயக்கைதிகள் அழும் காட்சிகளை வெளியிட்டது

ஹமாஸ் இஸ்ரேலிய பணயக்கைதிகள் அழும் காட்சிகளை வெளியிட்டது, அவரது தாயார் எதிர்வினை

பாலஸ்தீனியக் குழுவான ஹமாஸ் சனிக்கிழமையன்று அமெரிக்க-இஸ்ரேலிய பணயக்கைதியான ஈடன் அலெக்சாண்டர் இடம்பெறும் வீடியோவை வெளியிட்டது. அக்டோபர் 7, 2023 அன்று இஸ்ரேல் மீதான பேரழிவுகரமான

தாக்குதலுக்குப் பிறகு காஸாவில் நடைபெற்ற அலெக்சாண்டர், அமெரிக்க அதிபராக தேர்ந்தெடுக்கப்பட்ட டொனால்ட் ட்ரம்பை ஆங்கிலத்திலும், இஸ்ரேலிய பிரதமர் பெஞ்சமின் நெதன்யாகுவையும் ஹீப்ருவில் நேரடியாக

உரையாற்றி, தலையீடு மற்றும் பணயக்கைதிகளை விடுவிக்க இஸ்ரேலியர்களுக்கு அழுத்தம் கொடுக்குமாறு வலியுறுத்தினார்.

ஹமாஸின் இராணுவப் பிரிவான Ezzedine al-Qassam Brigades வெளியிட்ட வீடியோ, நம்பகத்தன்மை அல்லது தேதிக்காக சுயாதீனமாக

சரிபார்க்கப்படவில்லை. அன்று மாலை டெல் அவிவில் நடந்த பேரணியில் ஈடனின் தாயார் யேல் அலெக்சாண்டர் பேசினார்.

“இந்த வீடியோ என்னை வருத்தப்படுத்தியது, ஆனால் அது நமக்குக் கொடுக்கும் நம்பிக்கைக்கு அப்பால், எடன் மற்றும் பிற பணயக்கைதிகளின்

நிலைமை எவ்வளவு மோசமாக உள்ளது என்பதையும், அவர்கள் எவ்வளவு அழுகிறார்கள் மற்றும் இப்போது காப்பாற்றப்படுவார்கள் என்று நம்புகிறார்கள்,” என்று அவர் அறிவித்தார்.

காசாவில் பிணைக் கைதியாகப் பிடிக்கப்பட்டுள்ள இஸ்ரேலிய-அமெரிக்கரான ஈடன் அலெக்சாண்டரின் குடும்பத்தினர், பயங்கரவாதிகளால் வெளியிடப்பட்ட இதயத்தை உடைக்கும் வீடியோவை வெளியிட அனுமதித்துள்ளனர்.

ஏமன் போராளிகள் ஏவுகணை தாக்குதல்

ஏமன் போராளிகள் ஏவுகணை தாக்குதல் ,இஸ்ரேல் வான்பரப்பி இலக்கு வைத்து ,ஏமன் போராளிகள் ஏவுகணை தாக்குதலை நடத்தினர் .

இஸ்ரேல் இராணுவ முக்கிய நிலைகளை லைக்கு வைத்து கண்டம் விட்டு கண்டம் பாயும் ஏவுகணை தாக்குதல் நடத்த பட்டுள்ளது .

எனினும் இந்த ஏவுகணை வெற்றிகரமாக தடுத்து வீழ்த்த பட்டுள்ளதாக இசுரேலியா இராணுவம் தெரிவித்துள்ளது .

லெபனான் ஹிஸ்புல்லா மற்றும் இஸ்ரேலுக்கு இடையில் சமாதான நடவடிக்கை இடம்பெற்று வரும் நிலையில் தற்பொழுது ஏமன் அன்சர் அல்லா படைகள் தாக்குதலை நடத்தி வருகினறமை குறிப்பிட தக்கது

அநுரவுக்கு ரணில் பாராட்டு.

அநுரவுக்கு ரணில் பாராட்டு. ஜனாதிபதி அநுரவுக்க ரணில் பாராட்டு சர்வதேச நாணய நிதியத்தின் திட்டத்திற்கு தற்போதைய அரசாங்கம் தொடர்ந்தும்

இணங்கி வருவதற்கு ஜனாதிபதிக்கு பாராட்டு தெரிவிப்பதாக முன்னாள் ஜனாதிபதி ரணில் விக்கிரமசிங்க தெரிவித்துள்ளார்.

இன்று (01) பிற்பகல் அமாரி ஹோட்டல் குழுமத்துக்கு சொந்தமான அமாரி கொழும்பு ஹோட்டலை திறந்து வைக்கும் நிகழ்வில் கலந்து கொண்ட போதே முன்னாள் ஜனாதிபதி இதனை தெரிவித்தார்.

அமாரி கொழும்பு ஹோட்டல் குழுமமானது கொழும்பில் உள்ள இலங்கை தொழிலதிபர் ஒருவருக்க சொந்தமான முதல் ஐந்து நட்சத்திர சர்வதேச ஹோட்டலாகும்.

வினில் மெனிக் நிறுவனத்தின் உரிமையாளர் டபிள்யூ.வினில் தலைமை தாங்குகிறார்.

முன்னாள் ஜனாதிபதி ரணில் விக்ரமசிங்க, அமைச்சர் விஜித ஹேரத், எதிர்கட்சித் தலைவர் சஜித் பிரேமதாச மற்றும் பல அதிதிகள் ஹோட்டல் திறப்பு விழாவில் கலந்துகொண்டனர்.

வாகன விபத்துக்களில் மூவர் பலி

வாகன விபத்துக்களில் மூவர் பலி நாடளாவிய ரீதியில் இடம்பெற்ற பல்வேறு வாகன விபத்துக்களில் மூன்று பேர் உயிரிழந்துள்ளனர்.

நேற்று (30) பேலியகொட, சீகிரியா மற்றும் குட்டிகல பொலிஸ் பிரிவுகளில் குறித்த விபத்துச் சம்பவங்கள் இடம்பெற்றுள்ளன.

கொழும்பு – கண்டி வீதியில் களனி பாலத்திற்கு அருகில் துவிச்சக்கர வண்டியில் பயணித்த ஒருவர் பலத்த காயமடைந்து வீதியில் விழுந்துள்ளதாக பேலியகொட பொலிஸ் நிலையத்திற்கு தகவல் கிடைத்தது.

இதனையடுத்து, விரைந்து செயற்பட்ட பொலிஸ் போக்குவரத்து திணைக்கள அதிகாரிகள் காயமடைந்தவரை கொழும்பு தேசிய வைத்தியசாலையில் அனுமதித்துள்ளனர்.

எனினும், குறித்த நபர் சிகிச்சைப் பலனின்றி உயிரிழந்ததாக பொலிஸார் தெரிவித்தனர்.

களனியில் தற்காலிகமாக வசித்து வந்த அம்பாறை பகுதியை சேர்ந்த 49 வயதுடைய ஒருவரே இவ்வாறு உயிரிழந்துள்ளார்.

இதேவேளை, தம்புள்ளை – ஹபரணை வீதியின் இனாமலுவ பிரதேசத்தில் வீதியைக் கடந்த பாதசாரி ஒருவர் மீது லொறியொன்று மோதியுள்ளது.

இதில் பலத்த காயமடைந்த நபர் தம்புள்ளை வைத்தியசாலையில் அனுமதிக்கப்பட்ட நிலையில் உயிரிழந்துள்ளார்.

இனாமலுவ பிரதேசத்தைச் சேர்ந்த 70 வயதுடைய நபரே உயிரிழந்துள்ளார்.

பெல்மடுல்ல – நோனாகம வீதியின் ஹாகல பிரதேசத்தில் உழவு இயந்திரத்தின் பின்பகுதியில் மோட்டார் சைக்கிள் மோதிய விபத்தில் ஒருவர் உயிரிழந்துள்ளார்.

உயிரிழந்தவர் 45 வயதுடைய பெரலனாதர பகுதியைச் சேர்ந்தவர் என பொலிஸார் தெரிவித்தனர்

வானிலையால் லட்சக்கணக்கானோர் இன்னும் பாதிப்பு

வானிலையால் லட்சக்கணக்கானோர் இன்னும் பாதிப்பு ,சீரற்ற வானிலை காரணமாக 24 மாவட்டங்களில் 53,888 குடும்பங்களைச் சேர்ந்த 143,726 பேர் இன்னும் பாதுகாப்பான இடங்களிலும் உறவினர் வீடுகளிலும் தங்கியுள்ளனர்.

இதன்படி 45,418 குடும்பங்களைச் சேர்ந்த 116,209 பேர் உறவினர் வீடுகளிலும், 8470 குடும்பங்களைச் சேர்ந்த 27,517 பேர் 229 பாதுகாப்பான இடங்களில்

தங்கவைக்கப்பட்டுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

இதேவேளை, 103 வீடுகள் முழுமையாகவும் 2635 வீடுகள் பகுதியளவிலும் சேதமடைந்துள்ளன.

இதுவரை 24 மாவட்டங்களில் 142,624 குடும்பங்களைச் சேர்ந்த 479,871 பேர் பாதிக்கப்பட்டுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

தென்மேற்கு வங்காள விரிகுடா கடற்பகுதியில் நிலவும் ஆழ்ந்த காற்றழுத்த தாழ்வு நிலை காரணமாக கடந்த சில நாட்களாக நாட்டின் பல மாகாணங்களில் பாதிப்புக்கள் ஏற்பட்டன.

கடும் மழை காரணமாக தெதுரு ஓயா, பேராறு, உல்ஹிட்டிய ரத்கிந்த, பொல்கொல்ல, நாச்சதுவ, ராஜாங்கனை, கலாவெவ மற்றும் வெஹெரகல ஆகிய நீர்த்தேக்கங்களின் வான் கதவுகள் தொடர்ந்தும் திறக்கப்பட்டுள்ளன.

இதேவேளை, மகாவலி ஆறு பெருக்கெடுத்து ஓடுவதால் சில நாட்களாக மூடப்பட்டிருந்த கொழும்பு – மட்டக்களப்பு பிரதான வீதியானது தற்போது இலகு ரக வாகன போக்குவரத்துக்காக திறக்கப்பட்டுள்ளது.

கனமழை காரணமாக ஹாலிஎல உடுவர மேல்பகுதியில் விழுந்த மண் மற்றும் கற்கள் அகற்றப்பட்டு வருவதாகவும், பதுளை மற்றும் எல்லயிக்கு இடையே

ரயில் சேவையை இயக்க இன்னும் சில நாட்கள் ஆகும் என ரயில்வே அதிகாரிகள் தெரிவித்துள்ளனர்.

இதேவேளை, கலா ஓயா, மல்வத்து ஓயா, ஹெட ஓயா, தெதுருஓயா, மஹாவலி கங்கை மற்றும் முந்தேனி ஆற்றுப்படுகை ஆகியவற்றுக்கு விடுக்கப்பட்ட வெள்ள அபாய அறிவிப்புகள் தொடர்ந்தும் அமுலில் உள்ளன.

சீரற்ற வானிலை காரணமாக உயிரிழந்தவர்களின் எண்ணிக்கை 17 ஆக உயர்ந்துள்ளதுடன் 20 பேர் காயமடைந்துள்ளதாக அனர்த்த முகாமைத்துவ நிலையம் தெரிவித்துள்ளது.

இதேவேளை, சீரற்ற வானிலை காரணமாக, 09 மாவட்டங்களில் உள்ள 72 பிரதேச செயலகப் பிரிவுகளுக்கு கட்டிட ஆராய்ச்சி நிறுவனத்தினால் விடுக்கப்பட்ட மண்சரிவு எச்சரிக்கை அறிவிப்பு தொடர்ந்தும் அமுலில் உள்ளது.

பயங்கரவாத அமைப்புக்கு பணம் சேகரித்தவர் கைது

பயங்கரவாத அமைப்புக்கு பணம் சேகரித்தவர் கைது பிரித்தானிய நாட்டில் பயங்கரவாத அமைப்புக்கு பணம் சேகரித்த நபர் ஒருவர் பொலிஸார் கைது செய்யப்பட்டுள்ளார்.

குறித்த சந்தேகநபரால் சேகரிக்கப்பட்ட பணம் கொழும்பு மற்றும் வன்னி பிரதேசத்தில் விநியோகிக்கப்பட்டுள்ளதாக பொலிஸார் தெரிவித்தனர்.

கிளிநொச்சி பிரதேசத்தை சேர்ந்த 43 வயதுடையவர் குறித்த சந்தேகநபர், 2009 ஆம் ஆண்டு நாட்டை விட்டுச் சென்று பிரித்தானிய குடியுரிமை பெற்றவர் என தெரிவிக்கப்பட்டுள்ளது.

கொழும்பு வடக்கு குற்றத்தடுப்பு பிரிவால் கொழும்பு நீதவான் நீதிமன்றில் பெற்ற பயணத்தடை உத்தரவிற்கு அமைய சந்தேகநபர் நேற்று (30)

கட்டுநாயக்க விமான நிலையத்தை வந்தடைந்த போது, ​​குடிவரவு மற்றும் குடியகல்வு பிரிவினரால் பொறுப்பேற்று விமான நிலைய பொலிஸாருக்கு அறிவித்துள்ளனர்.

அதன்படி விமான நிலைய பொலிஸார் சந்தேக நபரை கைது செய்தனர்.

சம்பவம் தொடர்பான மேலதிக விசாரணைகளை விமான நிலைய பொலிஸார் மற்றும் கொழும்பு வடக்கு குற்றத்தடுப்பு பிரிவினர் மேற்கொண்டு வருகின்றனர்.

மிசோரியில் வீடு வெடித்ததில் 6 பேர் காயமடைந்தனர்

மிசோரியில் வீடு வெடித்ததில் 6 பேர் காயமடைந்தனர், 3 பேர் ஆபத்தான நிலையில் உள்ளனர்
வெடிப்புக்கான காரணம் இன்னும் விசாரணையில் உள்ளது என்று அதிகாரிகள் தெரிவித்தனர்.

நன்றி தெரிவிக்கும் வார இறுதியில் மிசோரியில் ஒரு வீட்டில் வெடித்ததில் குடியிருப்பு இடிந்து விழுந்தது மற்றும் உள்ளே இருந்த 6 பேர் காயமடைந்தனர் என்று தீயணைப்பு அதிகாரிகள் தெரிவித்தனர்.

ஜெபர்சன் சிட்டியில் உள்ள செயின்ட் லூயிஸ் சாலையில் சனிக்கிழமை அதிகாலை 2:44 மணியளவில் வெடிப்பு ஏற்பட்டது என்று ஜெபர்சன் சிட்டி ஃபயர் செய்திக்குறிப்பில் தெரிவிக்கப்பட்டுள்ளது.

வெடிப்புக்கான காரணம் இன்னும் விசாரணையில் உள்ளது என்று அதிகாரிகள் தெரிவித்தனர்.

குண்டுவெடிப்பில் காயமடைந்த ஆறு நபர்களில், இருவர் ஜெபர்சன் நகர விமான நிலையத்திற்கு கொண்டு செல்லப்பட்டு, மிசோரி, கொலம்பியாவில்

உள்ள பல்கலைக்கழக மருத்துவமனைக்கு கொண்டு செல்லப்பட்டதாக அவசரகால பதிலளிப்பவர்கள் தெரிவித்தனர்.

மீதமுள்ள நான்கு பேர் தரைவழியாக பல்கலைக்கழக மருத்துவமனைக்கு கொண்டு செல்லப்பட்டனர்.

பாதிக்கப்பட்டவர்களில் மூன்று பேர் ஆபத்தான நிலையில் பட்டியலிடப்பட்டுள்ளனர் மற்றும் ஆபத்தான வாழ்க்கை ஆதரவு பெற்றுள்ளனர்,

யானை தாக்கி கடற்படை அதிகாரி மரணம்

யானை தாக்கி கடற்படை அதிகாரி மரணம் வவுனியாவில் கடற்படை லெப்டினன்ட் தர அதிகாரி ஒருவர் காட்டு யானை தாக்குதலால் மரணமடைந்துள்ளதாக பூனாவ பொலிஸார் தெரிவித்தனர்.

பணி நிமித்தமாக கொழும்புக்கு சென்று விட்டு பேருந்தில் முகாமிற்கு திரும்பிய அதிகாரி வாகனத்தில் இருந்து இறங்கி முகாமிற்கு சென்று

கொண்டிருந்த போது நேற்று இரவு (29) யானை தாக்கியதாக பொலிஸார் தெரிவித்தனர்.

பூனாவ கடற்படை முகாமில் கடமையாற்றிய மத்தலான, நிட்டம்புவவில் வசிக்கும் கடற்படை வீரரான லெப்டினன்ட் தர அதிகாரியே யானை தாக்கியதில் உயிரிழந்துள்ளார்.

யானை தாக்கியதில் பலத்த காயம் அடைந்த அவரை, கடற்படையினர் மற்றும் உள்ளூர் மக்களும் இணைந்து வவுனியா மருத்துவமனைக்கு கொண்டு

சென்றனர். பலத்த காயமடைந்த அதிகாரி வவுனியா பொது வைத்தியசாலையில் அனுமதிக்கப்பட்ட போது உயிரிழந்துள்ளதாக பொலிஸார் தெரிவித்தனர்.

உயிரிழந்த உத்தியோகத்தரின் மரணம் தொடர்பான நீதவான் விசாரணைகளின் பின்னர் பிரேத பரிசோதனை வவுனியா பொது

வைத்தியசாலையில் நடத்தப்படவுள்ளது. பூனாவ பொலிஸார் மேலதிக விசாரணைகளை மேற்கொண்டு வருகின்றனர்.

யாழ் ஒருங்கிணைப்பு தலைவராக அமைச்சர் சந்திரசேகர் நியமனம்

யாழ் ஒருங்கிணைப்பு தலைவராக அமைச்சர் சந்திரசேகர் நியமனம் யாழ்ப்பாண மாவட்ட ஒருங்கிணைப்புக் குழுத் தலைவராக கடற்றோழில் அமைச்சர் இராமலிங்கம் சந்திரசேகர் நியமிக்கப்பட்டுள்ளார்.

ஜனாதிபதியினால் கடந்த 28 ஆம் திகதி முதல் அமுல்படுத்தப்படும் வகையில் யாழ்ப்பாண மாவட்ட ஒருங்கிணைப்புக் குழுத் தலைவராக பாராளுமன்ற

உறுப்பினரும், கடற்றொழில், நீரியல் மற்றும் கடல் வளங்கள் அமைச்சர் இராமலிங்கம் சந்திரசேகர் நியமிக்கப்பட்டுள்ளார்.

இவரது நியமனம் தொடர்பாக பொது நிர்வாக மாகாண சபைகள் மற்றும் உள்ளூராட்சி அமைச்சர் போராசிரியர் ஏ. எச்.எம்.எச். அபயரத்ன

அவர்களினால் கடற்றொழில், நீரியல் மற்றும் கடல் வளங்கள் அமைச்சருக்கு முகவரியிடப்பட்டு யாழ்ப்பாண மாவட்ட அரசாங்க அதிபருக்கு கடிதம் மூலம் அறியத்தரப்பட்டுள்ளது.

இங்கிலாந்து பெண் ரூ. 2 லட்சம் அபராதம்

இங்கிலாந்து பெண் ரூ. 2 லட்சம் அபராதம் பார்க்கிங் கட்டணம் செலுத்த 5 நிமிடங்களுக்கு மேல் எடுத்துக் கொண்ட இங்கிலாந்து பெண் ரூ. 2 லட்சம் அபராதம் விதித்தார், டெர்பியில் வசிக்கும் ரோஸி ஹட்சன், கார் பார்க்கிங்கில்

இருந்தபோது, ​​மோசமான மொபைல் போன் சிக்னல் சரியான நேரத்தில் பணம் செலுத்துவதைத் தடுத்ததாகக் கூறினார்.

ஐந்து நிமிடங்களுக்கு மேல் வாகனம் நிறுத்தியதற்காக இங்கிலாந்து பெண் ஒருவருக்கு 2 லட்ச ரூபாய் அபராதம் விதிக்கப்பட்டுள்ளது. டெர்பியில் வசிக்கும்

ரோஸி ஹட்சன், கார் பார்க்கிங்கில் இருந்தபோது, ​​சரியான நேரத்தில் பணம் செலுத்த முடியாமல் போனது மொபைல் போன் சிக்னல் தடுத்தது என்று கூறினார்.

அவள் நிறுத்தும் ஒவ்வொரு முறையும் முழு கட்டணத்தையும் செலுத்திய போதிலும், எக்செல் பார்க்கிங் லிமிடெட் அவளது 10 பார்க்கிங் கட்டண

அறிவிப்புகளை (பிசிஎன்) வெளியிட்டது, இது குறிப்பிடத்தக்க அபராதத்திற்கு வழிவகுத்தது.

திருமதி ஹட்சன் பிப்ரவரி 2023 முதல் கோப்லேண்ட் ஸ்ட்ரீட் கார் பார்க்கிங்கை அருகிலேயே வேலை செய்து வந்தார்.

பார்க்கிங் இயந்திரம் பழுதடைந்ததால், ஆப் மூலம் பணம் செலுத்த வேண்டிய கட்டாயம் ஏற்பட்டதாக, பிபிசி

தெரிவித்துள்ளது. ஆனால் அவள் சிக்னல் பிரச்சனைகளால் சிரமப்பட்டாள், இணைக்க வேறு பகுதிக்கு நடக்க வேண்டியிருந்தது. திருமதி ஹட்சன் ஒவ்வொரு முறையும் முழு £3.30 (ரூ 355) தினசரி கட்டணத்தை செலுத்தினார்,

அவர் முதல் PCN பெறும் வரை, £100 (ரூ 10,769) கோரினார், பின்னர் 14 நாட்களுக்குள் செலுத்தினால் £60 ஆக (ரூ. 6,461) குறைக்கப்பட்டது.

“நான் நிறுவனத்தை அழைத்து நிலைமையை விளக்கினேன், அவர்கள் அடிப்படையில் ‘நீங்கள் செலுத்த வேண்டும்’ என்று கூறினார்,” திருமதி ஹட்சன்

கூறினார். “எனவே அவர்களை என் முதுகில் இருந்து விலக்கி வைக்க நான் ஆரம்ப வாகன நிறுத்த அபராதத்தை செலுத்தினேன்.”

இருந்த போதிலும், ஹட்சன் மேலும் ஒன்பது PCNகளைப் பெற்று, மொத்த அபராதத்தை £1,905.76 ஆக (ரூ. 2,05,257) உயர்த்தினார்.

எக்செல் பார்க்கிங் தனது செயல்களை ஆதரித்தது, கார் நிறுத்துமிடம் பணம் செலுத்த ஐந்து நிமிட சாளரத்தை நிர்ணயிக்கும் பலகைகளை தெளிவாகக்

காட்டுகிறது. “விதிகளைப் படித்து புரிந்துகொள்வது ஓட்டுநரின் பொறுப்பு” என்று ஒரு செய்தித் தொடர்பாளர் கூறினார், திருமதி ஹட்சன் “தனது சொந்த துரதிர்ஷ்டத்தின் ஆசிரியர்” என்று கூறினார்.

விமான தளத்தை தாக்கிய 11 விமானங்கள்

விமான தளத்தை தாக்கிய 11 விமானங்கள் ,தாகெஸ்தான் UAV தாக்குதலைப் புகாரளிக்கிறது, விமான நிலையம் செயல்பாடுகளை நிறுத்துகிறது

தாகெஸ்தானின் தலைவரான செர்ஜி மெலிகோவ், நவம்பர் 30 அன்று காஸ்பிஸ்கில் உள்ள வசதிகள் மீது ட்ரோன் தாக்குதல் நடத்த முயற்சித்ததாக அறிக்கை செய்துள்ளார். Makhachkala விமான நிலையம் செயல்பாடுகளை நிறுத்தி வைத்துள்ளது.

மெலிகோவின் மேற்கோள்: “அறிக்கைகள் சுட்டிக்காட்டுகின்றன. தற்போது வரை சேதம் அல்லது உயிரிழப்புகள் பற்றிய தகவல்கள் எதுவும் இல்லை.”

விவரங்கள்: UAV அச்சுறுத்தல் காரணமாக, Kovyor (Carpet) திட்டம் செயல்படுத்தப்பட்டு, Makhachkala விமான நிலையத்தின் செயல்பாடுகள் இடைநிறுத்தப்பட்டுள்ளதாக செய்தி நிறுவனங்கள் தெரிவிக்கின்றன.

[கோவியர் திட்டம் என்பது விமான நிலைய சேவைகள் மற்றும் பணியாளர்களுக்கான விமான நிலைய செயல்பாட்டு பாதுகாப்பு

செயல்முறையாகும், இது வானத்தில் அடையாளம் தெரியாத பொருள் தோன்றும்போது

நவம்பர் 29-30 இரவு நடந்த தாக்குதல் 11 உக்ரேனிய ஆளில்லா விமானங்களால் நடத்தப்பட்டதாக ரஷ்யா கூறியது.

வழக்கம் போல், ரஷ்ய அதிகாரிகள் அனைத்து 11 UAV களும் வீழ்த்தப்பட்டதாகக் கூறினர்: எட்டு பெல்கோரோட் பிராந்தியத்தின் மீதும், மூன்று கருங்கடலுக்கு மேல்.

ரஷ்ய ராடார்கள் அழிப்பு

ரஷ்ய ராடார்கள் அழிப்பு ரஷ்ய இராணுவத்தின் மூன்று ராடார்களி தாம் அழித்துள்ளதாக உக்ரைன் இராணுவம் அறிவித்துள்ளது .

உக்ரைன் இராணுவத்தின் ஏவுகணை தடுப்பு மற்றும் உள்கட்டமைப்புக்கள் மீது துல்லியமான தாக்குதல்களை இந்த பகுதியில் இருந்தே ரட்ஷய படைகள் தாக்கி வந்தன .

அதனை அடுத்தே தற்போது இந்த தேடி அழிப்பு தாக்குதல் இடம்பெற்றதாக உக்ரைன் படைகள் தெரிவித்துள்ளது

இந்த அழிப்பு தாக்குதலில் பலமில்லியன் இழப்பை ரஷ்ய படைகள் சந்தித்துள்ளதாக உக்ரைன் தெரிவிக்கிறது

துப்பாக்கிச் சூட்டில் போலீஸ் அதிகாரி கொல்லப்பட்டார்

துப்பாக்கிச் சூட்டில் போலீஸ் அதிகாரி கொல்லப்பட்டார் ,சிகாகோவின் புறநகர் பகுதியில் துப்பாக்கிச் சூட்டில் போலீஸ் அதிகாரி கொல்லப்பட்டார் மற்றும் சந்தேக நபர் காயமடைந்தார்#

சிகாகோவின் புறநகர் பகுதியில் துப்பாக்கியுடன் வங்கியில் இருந்து ஒருவர் வெளியேறிய புகாரின் பேரில் போலீஸ் அதிகாரி ஒருவர் சுட்டுக் கொல்லப்பட்டார்.

வெள்ளியன்று புறநகர் சிகாகோவில் ஒரு நபர் துப்பாக்கியுடன் வங்கியிலிருந்து வெளியேறிய புகாருக்கு பதிலளித்த போலீஸ் அதிகாரி ஒருவர் சுட்டுக் கொல்லப்பட்டார்.

ஓக் பார்க் டிடெக்டிவ் ஆலன் ரெடின்ஸ், 40, காலை 9:30 மணியளவில் ஒருமுறை சுடப்பட்டார், பின்னர் மருத்துவமனையில் இறந்துவிட்டதாக போலீஸ் துறை தனது பேஸ்புக் பக்கத்தில் தெரிவித்துள்ளது.

சந்தேக நபர் காலில் துப்பாக்கிச் சூட்டுக்கு இலக்காகி வைத்தியசாலையில் சிகிச்சை பெற்று வருகின்றார்.

சிகாகோவைச் சேர்ந்த ரெடின்ஸ், 2019 முதல் காவல் துறையில் பணியாற்றி வந்தார்.

ஓக் பார்க் சிகாகோவின் மேற்கே உள்ளது.