Tag: தண்டனையை

அனோஜன் சிவரசாவின் மரண தண்டனையை ரத்து செய்த சவூதி

அனோஜன் சிவரசாவின் மரண தண்டனையை ரத்து செய்த சவூதி நீதிமன்றத்தின் முடிவை ஜனாதிபதி வரவேற்கிறார்

இலங்கை குடிமகனான அனோஜன் சிவரசாவுக்கு விதிக்கப்பட்ட மரண தண்டனையை ரத்து செய்த சவூதி அரேபிய உச்ச நீதிமன்றத்தின் முடிவை ஜனாதிபதி அனுர குமார திசாநாயக்க வரவேற்றுள்ளார்.

இந்த முடிவு, அனோஜன், அவரது குடும்பத்தினர் மற்றும் இவ்வழக்கை ஆழ்ந்த கவலையுடன் கவனித்து வந்த இலங்கை மக்களுக்கு பெரும் நிம்மதியை அளித்துள்ளது என்று ஜனாதிபதி ஓர் அறிக்கையில் தெரிவித்தார்.

பொறுமையான ராஜதந்திரம், நட்பு நாட்டின் சட்ட நடைமுறைகளுக்கு மரியாதை அளித்தல் மற்றும் வெளிநாட்டில் உள்ள ஒரு இலங்கை குடிமகனுக்கு

ஆதரவளித்தவர்களின் முயற்சிகள் ஆகியவற்றின் முக்கியத்துவத்தை இந்த முடிவு பிரதிபலிக்கிறது என்று அவர் கூறினார்.

மேலும், சவூதி அரேபிய அரசாங்கத்திற்கு தனது பாராட்டுக்களைத் தெரிவித்த ஜனாதிபதி, சவூதி அரேபிய மற்றும் இலங்கை தூதர்கள், அரசு ஊழியர்கள்

மற்றும் சட்டக் குழுக்களின் அர்ப்பணிப்புமிக்க முயற்சிகளுக்கு நன்றி தெரிவித்தார்.

மீதமுள்ள சட்ட நடைமுறைகள் முடிவடையும் வரை, அனோஜன் மற்றும் அவரது குடும்பத்தினருக்குத் தேவையான அனைத்து ஆதரவையும் அரசாங்கம் தொடர்ந்து வழங்கும் என்று அவர் உறுதியளித்தார்.

“பிழைப்புத் தேடி நமது கரைகளை விட்டு வெளியேறும் எந்தவொரு இலங்கையரும் தாங்கள் தனித்து விடப்பட்டதாக ஒருபோதும் உணரக்கூடாது,” என்று ஜனாதிபதி ‘X’ இல் பதிவிட்ட ஒரு பதிவில் மேலும் கூறினார்.