Author: நிருபர் காவலன்

13 வது சட்டத்தை அமுல்படுத்துமாறு
பிரதமர் மோடி ஜனாதிபதியிடம் கூறியதை வரவேற்கின்றோம்
நடந்த எதிர்ப்பு ஆர்பாட்டத்தை கண்டிக்கின்றோம்

ஜனாதிபதியின் இந்திய விஜயத்தின் பொழுது 13 வது சட்டத்தை அமுல்படுத்துமாறு பிரதமர் மோடி ஜனாதிபதி கோத்தபாய ராஜபக்ச அவர்களிடம் கூறியதை நாங்கள் வரவேற்கின்றோம். அதேபோல் இந்த விஜயத்தின் பொழுது இந்தியாவில் இவரின் வருகைக்கு எதிர்ப்பு தெரிவித்து ஆர்பாட்டங்களை நடாத்தியமையை கண்டிக்கின்றோம் என்று கூறுகின்றார் முன்னால் அமைச்சரும் தற்போதய பாராளுமன்ற உறுப்பினரும் மலையக மக்கள் முன்னணியின் தலைவருமான கலாநிதி வே.இராதாகிருஸ்ணன் அவர்கள்

மலையக மக்கள் முன்னணி மற்றும் மலையக தொழிலாளர் முன்னணியின் அமைப்பாளர்களுக்கான சந்திப்பு ஒன்று நுவரெலியா நூலக கேட்போர் கூடத்தில் நடைபெற்றது. (30.11.2019) இந் நிகழ்வில் முன்னால் மாகாகன சபை உறுப்பினர் ஆர்.ராஜாராம் உட்பட கட்சியின் உறுப்பினர்கள் பிரோச சபைகளின் உறுப்பினர்கள் ஆகியோர் கலந்துக் கொண்டனர். இதன் போது இங்கு கருத்து தெரிவிக்கையிலேயே இவ்வாறு தெரிவித்தார்.

தொடந்து இந்த விடயம் தொடர்பில் கருத்து தெரிவித்த பாராளுமன்ற உறுப்பினர்

இந்த நாட்டில் இன்னும் இன பிரச்சனைக்கு உரிய தீர்வு எட்டபடாத நிலையில் இருக்கின்றது. நாடும் உரிய அபிவிருத்தியை நோக்கி செல்ல வேண்டுமானால் இந்த நாட்டில் நீண்டகாலமாக காணப்படும் இன பிரச்சனைக்கான தீர்வுகள் எட்டப்பட வேண்டும். எமது நாட்டின் ஜனாதிபதி கோத்தபாய ராஜபக்ச அவர்கள் தற்போது இந்தியா சென்று நாடு திரும்பி உள்ளார். இவரின் விஜயத்தின் பொமுது இந்திய பிரதமர் நரேந்திர மோடி அவர்கள் இலங்கையில் 13 வது சட்டத்தை அழுல்படுத்தி இனபிரச்சனைக்கு தீர்வுகான வேண்டும் என்று கூறியுள்ளார். இதனை நாங்கள் வரவேற்கின்றோம். ஜனாதிபதி அவர்கள் இதனை நடைமுறைப்படுத்த நடிவடிக்கைகள் எடுக்க வேண்டும். அதற்கான அனைத்துவிதமான ஒத்துழைப்புகளையும் வழங்க நாங்கள் தயாராக இருக்கின்றோம்.

இலங்கையில் இனங்களுக்கு இடையிலேயான முரண்பாடுகளுக்கும் ஒற்றமை இன்மை காரணமாகவே 30 வருட கொடூர யுத்தம் நடைபெற்றது. இதனால் பல பின்னடைவுகளை நாடு சந்தித்தது. அதனால் தற்போது நாடு அபிவிருத்தியில் பின்னடைவை நோக்கி உள்ள நிலையில் புதிய ஜனாதிபதி அவர்கள் தெரிவு செய்யபட்டு உள்ளார். இவர் இந்த பிரச்சனைக்கு உரிய தீர்வினை பெற்று கொடுக்க வேண்டும். இதற்கு இந்தியாவின் ஒத்துழைப்பு அவசியமான ஒன்றாகும். அதுவே தற்போது நடைபெற்று வருகின்றது.

இலங்கையில் யுத்தம் முடிவிற்கு கொண்டு வரப்பட்டு தற்போது அனைத்து இன மக்களும் ஒற்றுமையாக வாழ்ந்து வருகின்றனர். குறிப்பாக வட கிழக்கு மலையக மக்கள் நிம்தியாகவே வாழ்ந்து வருகின்றனர். பெருபான்மை இன மக்களின் கெடுபிடிகள் இல்லை. அவர்களும் நாட்டின் நிலமையை புரிந்து ஒற்றுமையாக வாழ்ந்து வருகின்றனர்.

இவ்வாறான நிலையில் இலங்கையின் ஜனாதிபதி இந்தியா சென்றிருந்த வேலையில் அவரின் வருகைக்கு எதிர்ப்பு தெரிவித்து ஆர்பாட்டங்களை நடாத்தினர். இந்த செயற்பாடு இங்குள்ள பெருபான்மை சிங்கள மக்களை ஆத்திரம் அடைய செய்யும் செயற்பாடாகும். இவர்கள் கொந்தளித்தால் மீண்டும் வட கிழக்கு மலையக மக்கள் நிம்தியாகவே வாழ முடியாது. அங்கு ஆர்பாட்டங்ளை செய்து விட்டு நீங்கள் வீட்டுக்கு போய் நிம்தியாக இருந்து விடுவீர்கள்; இங்கு அடி வாங்குவது நாங்களே. அதனால் இந்தியாவில் வாழும் எங்களது தொப்புள் கொடி உறவுகளே உங்களின் உணர்வுகளுக்கு நாங்கள் மதிப்பு அளிக்கின்றோம். உங்களது செயற்பாடுகள் அனைத்தும் எங்களது நிம்மதியான வாழ்க்கைக்காக இருக்க வேண்டும். நீங்கள் அழுத்தம் கொடுக்க வேண்டுமானால் உங்களது அழுத்தங்கள் இங்குள்ள மக்களின் அபிவிருத்திகள் மற்றும் 13 வது சட்டம் அழுல்படுத்துதல் தொடர்பாக இருக்க வேண்டும். 13 வது சட்டம் என்பது இலங்கையில் உள்ள இன பிரச்சனைக்கான தீர்வு சட்டமாகும். அதனை அழுல்படுத்தினாலே தமிழ் மக்களின் பிரச்சனைகள் தீர்க்கப்படும். இதனையே இந்திய பிரதமர் மோடி அவர்கள் நடைமுறைப்படுத்துமாறு கோரியுள்ளார் என்று அவர் மேலும் கூறினார்.

மாவீரர்களின் இலட்சியக் கனவோடு நாடுகடந்த தமிழீழ அரசாங்கத்தின் அரசவை அமர்வு தொடங்கியது

தாயகம், தேசியம், அரசியல் இறையாண்மை என ஈழத்தமிழ் மக்களின் அரசியல் பெருவிருப்பின் ஜனநாயக வடிவமாக திகழும் நாடுகடந்த தமிழீழ அரசாங்கத்தின் அரவை அமர்வு சுவிஸ்லாந்து நாட்டில் கூடியது.

நொவெம்பர் 29,30, டிசெம்பர் 1ம் திகிதி வரை இடம்பெறுகின்ற மூன்று நாள் அமர்வில், அமெரிக்கா, கனடா, ஓஸ்றேலியா, பிரான்சு,ஜேர்மனி, பிரித்தானியா உட்பட தமிழ்நாட்டில் இருந்து நா.தமிழீழ அரசாங்கத்தின் அரசவைப் பிரதிநிதிகள் பலரும் பங்கெடுத்துள்ளனர். சமவேளை பிரித்தானியாவில் இருந்தும் காணொளிவழியே உறுப்பினர்கள் பங்கெடுக்கின்றனர்.

தமிழீழத்தை வென்றடைவதற்கான நாடுகடந்த தமிழீழ அரசாங்கத்தின் வெளிவிவகாரக் கொள்கை
இந்திய பெருங்கடல் இந்தோ-பசுபிக் புவிசார் அரசியலும் தமிழர்களுக்கான வாய்ப்புக்களும்…
தமிழீழத் தேசக் கட்டுமானம்

தமிழர் தலைவதி தமிழர் கையில் – பொதுவாக்கெடுப்புக்கான மக்கள் இயக்கம் ஆகிய தொனிப்பொருட்களை மையப்படுத்தி இந்த அமர்வு இடம்பெறுகின்றது.

தொடக்கநிகழ்வில் சுதந்திரத்துக்கான போராடி வரும் கத்தலோனியாவில் இருந்து அவர்கள் சிறப்பு அதிதியாக Jurdi Vilamova கலந்து கொண்டிருந்தார். சுவிசில் சமூக-அரசியல் செயற்பாட்டுத்தளத்தில் ஈடுபடுகின்ற பிரதிநிதிகள் பலரும் பங்கெடுத்துள்ளனர்.

இதேவேளை அமைச்சுக்களின் செயற்பாட்டு அறிக்கை, கருத்தாடல், தீர்மானங்கள் என உட்பட பலவிடயங்கள் இவ்மூன்று நாள் அமர்வுகளில் உரையாடப்பட இருக்கின்றன.

மலையக மாணவர்களின் தொழில் கல்வி அபிவிருத்தி சம்பந்தமான செயற்திட்ட கலந்துரையாடல்

மலையக மாணவர்களின் தொழில் கல்வி அபிவிருத்தி சம்பந்தமான செயற்திட்ட கலந்துரையாடல் முன்னால் அமைச்சரும் பாராளுமன்ற உறுப்பினருமான கலாநிதி வே.இராதாகிருஸ்ணன் தலைமையில் இந்திய குழுவினருடன் நடைபெற்றது

இந்த கலந்துரையாடலில் விசேட பிரதேசங்களுக்கான அபிவிருத்தி அமைச்சின் செயலாளர் திருமதி ரஞ்சனி இந்தியாவின் தமிழ் நாட்டை சேர்ந்த திருமதி சசிகலா கொழும்பு மாநகர சபை உறுப்பினர் உமாசந்திர பிரகாஸ் ஜங்கரன் மீடியா சொலுயூசன் பணிப்பாளர் கார்த்திக் உட்பட பலரும் கலந்து கொண்டனர்.

இதன்போது மலையக மாணவர்களுக்கு அவர்களுடைய கல்வியுடன் கூடிய தொழில் கல்வியை பெற்றுக் கொள்வது எப்படி என்று
திருமதி சசிகலா விளக்கமளித்தார். மாணவர்கள் பங்களிப்பு தொடர்பாக விரிவாக கலந்துரையாடப்பட்டுள்ளது.

வெளிநாடுகளில் உள்ள நடைமுறையை போன்று தங்களுடைய கல்வியுடன் தொழில் அனுபவத்தையும் பெற்றுக் கொள்வதற்கு ஏற்ற வகையில் சில வேலைத்திட்டங்களை முன்னெடுப்பதற்கு தீர்மானிக்கப்பட்டுள்ளது.

இலங்கையில் இருந்து ஐரோப்பாவிற்கு மீளவும் விமான சேவைகள் ஆரம்பம்

இலங்கைக்கும் ஐரோப்பிய நாடுகளுக்கும் இடையில் மீண்டும் விமான சேவைகளை ஆரம்பிக்க நடவடிக்கை எடுக்கப்படும் என சுற்றுலா அபிவிருத்தி அமைச்சர் அருந்திக்க பெர்னாண்டோ தெரிவித்துள்ளார்.

சர்வதேச விமான சேவை சங்கத்துடன் கலந்துரையாடி இடைநிறுத்தப்பட்டுள்ள இந்த விமான சேவைகளை மீள ஆரம்பிக்க உரிய நடவடிக்கை எடுக்கப்படும் என அவர் குறிப்பிட்டுள்ளார்.

இலங்கையில் ரயில்களில் பிச்சை எடுக்க தடை – கோட்டா அரசு அதிரடி நடவடிக்கை

இலங்கையில் எதிர்வரும் டிசம்பர் முதலாம் திகதியில் இருந்து ரயில்களில் பிச்சை எடுக்க தடை விதிக்க பட்டுள்ளது ,மீறுவோர் கைது செய்யப்படுவதுடன் தண்டமும் அறவிட படும் என புதிய இலங்கை அரசு அதிரடியாக அறிவித்துள்ளது , நாட்டில் தூய்மை என்கின்ற திட்டத்தின் கீழ் இந்த நடவடிக்கைகள் மேற்கொள்ள பட்டு வருகின்றன

வடக்கில் கண்ணிவெடிகளை அகற்ற கனடா 2 மில்லியன் டொலர்கள் இலங்கைக்கு வழங்கியது

இலங்கை – வடக்கு பகுதியில் சிங்கள இராணுவத்தால் புதைக்க பட்ட கண்ணி வெடிகளை அகற்றுவதற்கு கண்டா சுமார் இரண்டு மில்லியன் அமெரிக்கா டொலர்களை இலங்கைக்கு வழங்குவதாக அறிவித்துள்ளது , மீள் குடியேற்றம் மக்கள் பாதுகாப்பை கருத்த்தில் கொண்டு இதனை தாம் வழங்குவதா அந்த நாடு குறிப்பிட்டுள்ளது

சிறுமியை அடித்து கொன்ற யானை -அதிர்ச்சியில் கிராம் மக்கள்

திம்புலாகம, எல்லேவெவ கிராமத்தில் இன்று (30) அதிகாலை 3 மணியளவில் காட்டு யானை தாக்கியதில் 12 வயது பாடசாலை மாணவியொருவர் உயிரிழந்துள்ளதாக அரலகங்வில பொலிஸார் தெரிவித்துள்ளனர்.

எல்லேவெவ மகா வித்தியாலத்தில் தரம் 6 இல் கல்வி கற்று வந்த ஹிருஷி நிஷாதி திஸாநாயக்க என்ற மாணவியே இவ்வாறு உயிரிழந்துள்ளார்.

பயங்கரவாதத்தை ஒடுக்க இலங்கைக்கு ரூ.359 கோடி உதவி -மோடி

இலங்கையில் நடந்த அதிபர் தேர்தலில் முன்னாள் அதிபர் மகிந்தா ராஜபக்சேயின் தம்பி கோத்தபய ராஜபக்சே (வயது 70), பொது ஜன பெரமுனா கட்சியின் சார்பில் போட்டியிட்டு வெற்றி பெற்றார். இதையடுத்து அவர் கடந்த 19ம் தேதி அதிபராக பதவி ஏற்றார். கோத்தபய ராஜபக்சேவுக்கு பிரதமர் நரேந்திர மோடி தொலைபேசியில் வாழ்த்து தெரிவித்ததுடன், இந்தியாவிற்கு வருமாறு அழைப்பு விடுத்தார்.

இதையடுத்து 3 நாள் சுற்றுப்பயணமாக கோத்தபய ராஜபக்சே நேற்று மாலை இந்தியா வந்தார். தலைநகர் டெல்லி வந்த அவருக்கு உற்சாக வரவேற்பு அளிக்கப்பட்டது. அதன் பின்னர் டெல்லியில் உள்ள ஐதராபாத் மாளிகையில் பிரதமர் மோடியும் கோத்தபய ராஜபக்சேவும் சந்தித்து ஆலோசனை நடத்தினர். பின்னர் இரு தலைவர்களும் செய்தியாளர்களை சந்தித்தனர்.

அப்போது பேசிய பிரதமர் மோடி, ‘இலங்கையில் பயங்கரவாதத்தை ஒடுக்க ரூ.359 கோடி நிதி (50 மில்லியன் டாலர்கள்) அளிக்கப்படும். இலங்கையின் கட்டமைப்பு மற்றும் மேம்பாட்டு திட்டங்களுக்காக 400 மில்லியன் டாலர் வழங்கப்படும். கோத்தபய தலைமையிலான புதிய அரசு ஈழத்தமிழர்களின் நலனுக்காக செயல்படும் என உறுதியாக நம்புகிறேன்’, என்றார்.

தமிழ் படங்களை நான் ஏணியாக பயன்படுத்த வில்லை – டாப்சி

ஆடுகளம் படத்தில் நடித்த டாப்சி அடுத்து வந்தான் வென்றான், ஆரம்பம், காஞ்சனா 2 போன்ற படங்களில் நடித்தார். தமிழில் பெரிதாக பட வாய்ப்பு அமையாத நிலையில் இந்தி படங்களில் நடிக்க சென்றார். கோலிவுட்டை விட பாலிவுட் அவருக்கு கை கொடுத்தது.

இதுவரை 15 படங்களில் நடித்து முடித்திருக்கிறார். இடையில் தமிழ் பக்கம் தலைகாட்டவில்லை. தமிழ் படத்துக்கு முழுக்கு போட்டு விட்டீர்களா என்று அவரிடம் கேட்டபோது பதில் அளித்தார்.

அப்போது டாப்சி கூறியதாவது, ‘தமிழ் உள்ளிட்ட தென்னிந்திய படங்கள் மீது எனக்கு எப்போதும் நம்பிக்கை உண்டு. ஒரு கட்டத்தில் பாலிவுட்டில் இந்தி படங்களில் நடிக்க ஆசைப்பட்டேன். தமிழ் திரையுலகம்தான் கேமரா, நடிப்பு போன்ற எல்லா அடிப்படையையும் கற்றுத்தந்தது.

டாப்சி

இப்போது தமிழ் பேசவும் கற்றுக் கொண்டிருக்கிறேன். மார்க்கெட் உள்ள ஒரு தென்னிந்திய திரையுலகுக்கு நான் முழுக்கு போட நினைத்தால் அது முட்டாள்தனம் ஆகிவிடும். பாலிவுட்டிற்கு வருவதற்காக தமிழ் படங்களை நான் ஒரு ஏணியாக பயன்படுத்த வில்லை.

பாலிவுட்டை பொறுத்தமட்டில் இதுவரை 15 படங்களில் நடித்திருக்கிறேன். ஆனாலும் இன்னும் ஒரு புதுநடிகையை போலத்தான் என்னை டிரீட் செய்கிறார்கள். என்னை பற்றி தென்னிந்திய திரையுலகில் அதிர்ஷ்டம் இல்லா தவர் என்று கூறுகிறார்கள். நான் நடித்த 4 படங்கள் சரியாக போகாததால் அப்படி கூற ஆரம்பித்தார்கள். மரத்தை சுற்றி நான்கு பாட்டு பாடுவதும் மேற்கொண்டு சில சீன்களில் மட்டுமே நடிப்பதுபோன்று எனது கதாபாத்திரங்கள் இருந்தது. திரும்ப திரும்ப ஒரே பாணியிலான படங்கள் உருவானதால் அவை தொடர் தோல்வியானது’ என்றார்.

சம்பளத்தை கேட்டு வாங்கும் நிலைமை இல்லை – பிரியாமணி

பருத்தி வீரன் படத்தில் சிறந்த நடிப்பை வெளிப்படுத்தி தேசிய விருது பெற்றவர் பிரியாமணி. திருமணத்துக்கு பிறகு சில வருடங்கள் இடைவெளியிட்டு மீண்டும் இரண்டாவது இன்னிங்சை ஆரம்பித்துள்ளார். ஆனால் எதிர்பார்த்த மாதிரி பட வாய்ப்புகள் அவருக்கு இல்லை. இதனால் வருத்தத்தில் இருக்கும் பிரியாமணி சொல்கிறார்:-

“தென்னிந்தியாவில் திறமைக்கு ஏற்ற மாதிரி நடிகைகளுக்கு சம்பளம் கிடைப்பது இல்லை. தென்னிந்திய மொழி படங்களில் நயன்தாரா, அனுஷ்கா, சமந்தா ஆகிய 3 பேர் மட்டுமே சம்பளம் இவ்வளவு தர வேண்டும் என்று நிர்ப்பந்தித்து கேட்டு வாங்குகிறார்கள். அவர்கள் கேட்டதை கொடுத்தால்தான் நடிப்போம் என்று கறாராக சொல்லும் நிலை இருக்கிறது.

பிரியாமணி

மற்ற கதாநாயகிகள் பலர் நடிப்பு ரீதியாக முன்னிலையில் இருந்தாலும் கூட அவர்களுக்கு சம்பளத்தை கேட்டு வாங்கும் நிலைமை இல்லை. கதாநாயகனை விட குறைவான சம்பளம் என்பது ஒரு நிலையில் இருந்தாலும் இவ்வளவு பணம் கொடுத்தால்தான் நடிப்பேன் என்று கேட்கும் நிலையில் அந்த கதாநாயகிகள் இல்லை என்பது வருத்தத்திற்குரிய விஷயம்”.

இவ்வாறு பிரியாமணி கூறினார்.

அரசியலற்ற நடிகை நான் – ஓவியா

சினிமாவையும் அரசியலையும் பிரிக்க முடியாது என்பதற்கு பல உதாரணங்கள் உள்ளன. சினிமாவில் இருக்கும் பலருக்கும் அரசியல் ஆசை இருக்கிறது. அதே சமயம் அரசியல் என்றாலே தூரமாக ஓடிப் போகும் நட்சத்திரங்களும் இருக்கிறார்கள். அப்படியான அரசியலற்ற
நடிகை தான் நான் என பிக்பாஸ் புகழ் நடிகை ஓவியா கூறியுள்ளார்.

ஓவியா

“அரசியல் எண்ணமற்ற நட்சத்திரங்களிடம் அரசியல் சார்ந்த கேள்விகளைக் கேட்காமல் இருக்க மீடியாக்கள் மிகவும் கவனமாக இருக்க வேண்டும். பொதுமக்களுக்காக கேள்விகளைக் கேட்கிறோம் என்பதை, உங்களை வேறு ஒரு விதத்தில் காட்டும் என நினைக்கிறேன்,” எனக் கூறியுள்ளார்’’.

பிரபாகரன் படத்தை வெளியிட்ட நபர் கைது

இலங்கையில் மாவீரர் நாள் ,மற்றும் தலைவர் பிறந்த நாளின் பொழுது முகநூலில் தலைவர் பிரபாகரன் படத்தை பதிவு செய்த நபர் ஒருவரை சிங்கள படைகள் கைது செய்துள்ளனர் . இரத்த காட்டேறி கோட்டபாய ஆட்சிக்கு வந்ததன் பின்னர் வெள்ளை வான் கடத்தல்கள் தொடரும் நிலையில் இந்த விடயங்கள் இடம்பெறுவது குறிப்பிடத்தக்கது

இலங்கையில் கடும் வெள்ளம் ஐந்துபேர் பலி -600 பேர் காயம்

இலங்கையில் நிலவும் சீரற்ற காலநிலையில் சிக்கி சுமார் ஐவர் பலியாகியுள்ளார்ந் ,மேலும் 600 பேர்வரை பாத்திக்க பட்டுள்ளனர் .இந்த அர்த்தம் Uva, Eastern, Northern, Western, Southern, Sabaragamuwa and Central பகுதிகளில் இடம்பெற்றுள்ளதுதாக அனர்தமுகாமைத்துவ அமைச்சு தெரிவித்துள்ளது

பதவி விலகும் தேர்தல் ஆணையர் – ஏன் இந்த அவசரம் ..?

இலங்கை தேர்தல் ஆணையர் மகிந்த தேசப்பிரிய தான் பதவி விலக உள்ளதாக ஜனாதிபதி கோட்டபாயவுக்கு அறிவித்துள்ளார் ,இவரது இந்த அவசர முடிவு ஏன் என பலரும் கேள்வி எழுப்பியுள்ளனர்

வட பகுதிக்கான ரயில் சேவைகள் வழமைக்கு திரும்பியுள்ளதாக ரயில்வே கட்டுப்பாட்டு மையம் -தெரிவிப்பு

வட பகுதிக்கான ரயில் சேவைகள் வழமைக்கு திரும்பியுள்ளதாக ரயில்வே கட்டுப்பாட்டு மையம் தெரிவித்துள்ளது.

இதற்கமைய இன்று (29) காலை முதல் உரிய அட்டவணையின் படி ரயில் சேவைகள் இடம்பெறுவதாக ரயில்வே கட்டுப்பாட்டு மையம் தெரிவித்துள்ளது.

கொத்மலை நீர்த்தேக்கத்தில் -இளம் பெண் சடலமாக மீட்பு

கொத்மலை நீர்த்தேக்கத்தில் நேற்று மதியம் சிறுமியின் சடலம் மீட்கப்பட்டுள்ளதாக பொலிஸார் தெரிவித்தனர். பொது மக்கள் வழங்கிய தகவலின் அடுத்தே இச்சடலம் கண்டு பிடிக்கப்பட்டுள்ளது.

பொலிஸார் மற்றும் பொது மக்களின் உதவியுடன் மீட்கப்பட்ட இச்சடலத்தை மரண விசாரணைகளின் பின் வைத்திய பரிசோதனைக்காக நாவலப்பிட்டி வைத்தியசாலைக்கு அனுப்பி வைக்கப்படவுள்ளதாக பொலிஸார் தெரிவித்தனர்.

கோட்டாபய – பிரதமர் மோடியை இன்று சந்திக்கிறார்

இந்தியாவுக்கான விஜயத்தில் ஈடுபட்டுள்ள ஜனாதிபதி கோட்டாபய ராஜபக்ஷ இன்று (29) இந்திய பிரதமர் நரேந்திர மோடியை சந்தித்து கலந்துரையாடவுள்ளார்.

இந்த சந்திப்பில் இருதரப்பு முக்கியதுவம்வாய்ந்த விடயங்கள் குறித்து ஆராயப்படவுள்ளதாக தெரிவிக்கப்படுகின்றது.

இந்திய பிரதமரின் அழைப்பை ஏற்று அங்கு சென்றுள்ள ஜனாதிபதி இன்று (29) இந்திய ஜனாதிபதி ராம்நாத் கோவிந்தையும் சந்தித்து கலந்துரையாடவுள்ளார்.

நாயகனுக்கு திடீர் முத்தம் கொடுத்த லீமா

மதராச பட்டிணம் படத்தில் ஆர்யாவின் தங்கையாக நடித்தவர் லீமா. உதய் என்ற படம் மூலம் கதாநாயகி ஆகிறார். உதய் கதாநாயகனாக நடித்துள்ள இந்த படத்துக்கு உதய் என்றே பெயர் வைத்துள்ளனர்.

கிடா விருந்து என்ற படத்தை இயக்கிய தமிழ் செல்வன் இயக்கியுள்ளார். படம் பற்றி இயக்குனர் கூறியதாவது:-

லீமாபாபு

தான் வரைந்த ஓவியம் போல மனைவி அமைய நாயகன் ஆசைப்படுகிறான். அப்படி ஒரு பெண்ணை அவன் பார்த்ததும் காதலை சொல்கிறான். அந்த காதல் நிறைவேறியதா? என்பதே படம். இந்த படத்தில் முத்த காட்சியில் நாயகன் நடிக்க தயங்கி நிற்க, நாயகி லீமா திடீரென அவரை கட்டி பிடித்து முத்தம் கொடுத்து விட்டார். அந்த காட்சி நன்றாக வந்து விட்டது’. இவ்வாறு அவர் கூறினார்.

அர்ஜுன் பட வாய்ப்புகளை மறுத்த இலியானா

பத்து வருடங்களுக்கு முன்பு தெலுங்கு சினிமாவில் நம்பர் ஒன் இடத்தில் இருந்தவர் நடிகை இலியானா. இளம் முன்னணி ஹீரோக்கள் அனைவருடனும் ஜோடியாக நடித்து வந்த இவர் ஒருகட்டத்தில் பாலிவுட்டில் இருந்து வாய்ப்பு தேடி வந்ததால் தெலுங்கு சினிமா வாய்ப்புகளை ஒதுக்கிவிட்டு பாலிவுட்டில் செட்டிலானார்.

கடந்த ஆறு வருடங்களில் கிட்டத்தட்ட இந்தியில் எட்டு படங்களில் மட்டுமே நடித்தார். இலியானாவால் அங்கே பெரிதாக சாதிக்க முடியவில்லை.

இந்த நிலையில் கடந்த வருடம் அமர் அக்பர் அந்தோனி என்கிற படத்தின் மூலம் தெலுங்கு திரையுலகில் நுழைந்தார். அந்த படத்தை தொடர்ந்து மீண்டும் தெலுங்கில் ஒரு பெரிய ரவுண்டு வரலாம் என எதிர்பார்த்தவருக்கு தற்போது மகேஷ்பாபு மற்றும் அல்லு அர்ஜுன் படங்களில் வாய்ப்புகள் தேடி வந்தன. ஆனால் கதாநாயகியாக அல்ல, ஒரு பாடலுக்கு மட்டுமே ஆடுவதற்கு வாய்ப்பு வந்துள்ளது.

இலியானா

இதனால் அதிர்ச்சியான இலியானா, தனது நிலைமை இன்னும் அந்த அளவுக்கு கீழே போகவில்லை என்று கூறி, தேடி வந்தவர்களை திருப்பி அனுப்பிவிட்டாராம். மேலும் கதாநாயகியாக வரும் வாய்ப்புகளை மட்டுமே ஏற்றுக் கொள்வேன் என்பதில் உறுதியாகவும் இருக்கிறாராம்.

நடிகை மீது காதல் வயப்பட்ட -நடிகர்

தெலுங்கில் வெளியான அர்ஜுன் ரெட்டி படத்தின் மூலம் பிரபலமானவர் விஜய் தேவரகொண்டா. அந்த படத்தை தொடர்ந்து கீதா கோவிந்தம், டாக்சிவாலா, நோட்டா, டியர் காம்ரேட் உள்ளிட்ட படங்களில் நடித்து வெற்றி நாயகனாக வலம் வருகிறார். சமீபத்தில் பாலிவுட் பிரபலங்கள் கலந்துகொண்ட பார்ட்டி ஒன்றில் பங்கேற்ற விஜய், தனக்கு இரண்டு நடிகைகள் மீது அளவுக்கடந்த ஈர்ப்பு இருப்பதாக கூறினார்.

தீபிகாபடுகோனே – ஆலியா பட்

அது வேறு யாருமில்லை நடிகை தீபிகா படுகோனே மற்றும் ஆலியா பட் என கூறி இதில் தீபிகாவுக்கு கல்யாணம் ஆகிவிட்டது என வருத்தத்துடன் கூறினார். உடனே அதை கேட்ட தீபிகா படுகோனே, ஆலியாவிற்கும் விரைவில் திருமணம் நடைபெறவிருக்கிறது என கூறி கிண்டல் அடித்தார்.