விடை பெற்று ஏன் போனாய்
நேற்றெங்கள் நெஞ்சத்தில்
நெடு நாளாய் உறைந்தவா
நேரலையில் ஓடி வந்து
நெடு நேரம் பேசியவா
ஆவி உடல் துறந்தின்று
ஐயா நீ வீழ்ந்தாயோ
ஆறா துயரினிலே
அழ வைத்து பார்த்தாயோ
வீடு வந்த உன்னை
வீதியில வழி மறித்து
விபத்தில் ஊனாக்கி
வீழ்ந்து போக வைத்தாரே
பத்து மாதம் கோமாவில்
பார்வை இழந்து கிடந்தவரே
எழுந்து வர நீ மறந்து
ஏக்கம் தந்து ஏன் மறைந்தாய்
கனி மரத்து தோப்பாகி
காலம் எல்லாம் காத்தவரே
விழி எல்லாம் நீர் வைத்து
விடை பெற்று ஏன் போனாய் …!
வன்னி மைந்தன் ( ஜெகன் )
ஆக்கம் 05-10-2022
செல்லத்தம்பி செல்வகுமார் துயரில் தோய்ந்தவர்க்கு கண்ணீர் சமர்ப்பணம் .
மரண அறிவித்தல் செல்லத்தம்பி செல்வகுமார்
