வத்தளை துப்பாக்கிச் சூடு குற்றவாளிகள் கைது
வத்தளை துப்பாக்கிச் சூடு குற்றவாளிகள் கைது ,வத்தளை துப்பாக்கிச் சூடு சம்பவத்துடன் தொடர்புடைய இரண்டு இலங்கை சந்தேக நபர்கள் படகில் இந்தியா வந்தடைந்த பின்னர் கைது செய்யப்பட்டனர்.
வெள்ளிக்கிழமை அன்று சட்டவிரோதமாக படகில்
வெள்ளிக்கிழமை அன்று சட்டவிரோதமாக படகில் தனுஷ்கோடிக்கு வந்தடைந்த இரண்டு இலங்கை நாட்டவர்களை இந்திய கடற்படையினர் தடுத்து வைத்துள்ளதாக இந்திய ஊடக அறிக்கைகள் தெரிவிக்கின்றன.
சாகர் கவச் கடலோரப் பாதுகாப்புப் பயிற்சிக்காக ரோந்துப் பணியில் ஈடுபட்டிருந்த கடற்படையினர்,
கடற்கரையில் சந்தேகத்திற்கிடமான முறையில் செயல்பட்ட அந்த இருவரையும் கண்டதாக அதிகாரப்பூர்வ வட்டாரங்கள் தெரிவித்தன.
விசாரணையின் போது, அவர்கள் இலங்கையின் வத்தளையைச் சேர்ந்த 31 வயதான ஜி. விக்னேஸ்வரன் மற்றும் 30 வயதான எம். லூசிநாத் என அடையாளம் காணப்பட்டனர்.
கடற்படை காவல்
மேலதிக விசாரணைக்காக அவர்கள் கடற்படை காவல் நிலையத்திற்கு அழைத்துச் செல்லப்பட்டனர்.
வியாழக்கிழமை வத்தளையில் நடந்த துப்பாக்கிச் சூடு சம்பவத்தில் இருவருக்கும் தொடர்பு இருப்பதாக இலங்கை அதிகாரிகள் சந்தேகிப்பது விசாரணையில் தெரியவந்ததாக ‘தி இந்து’ செய்தி வெளியிட்டுள்ளது.
மேலும், அவர்கள் இருவரும் இலங்கையில் போதைப்பொருள் தொடர்பான மூன்று வழக்குகளை எதிர்கொண்டுள்ளனர்.
அவர்களைக் காவலில் வைக்கக் கோரி இலங்கை அதிகாரிகள் அளித்த தகவலின் அடிப்படையில்,
சந்தேக நபர்கள் திருச்சி மத்திய சிறை வளாகத்திற்குள் உள்ள சிறப்பு முகாமுக்கு மாற்றப்பட்டுள்ளதாக காவல்துறை வட்டாரங்கள் தெரிவித்தன.
அவர்கள் ஒரு வாரத்திற்குள் இலங்கைக்குத் திருப்பி அனுப்பப்படுவார்கள் என எதிர்பார்க்கப்படுகிறது.
