யானை தாக்குதல் முடிவு சீனா அமைக்கும் மூங்கில் வேலி
யானை தாக்குதல் முடிவு சீனா அமைக்கும் மூங்கில் வேலி மனித-யானை மோதலுக்குத் தீர்வாக மூங்கில் உயிரி வேலி அமைக்க சீனா உதவும்
இலங்கையில் நீண்டகாலமாக நிலவிவரும் மனித-யானை மோதலுக்கு
இலங்கையில் நீண்டகாலமாக நிலவிவரும் மனித-யானை மோதலுக்கு, மூங்கிலைப் பயன்படுத்தி ஒரு நீடித்த, சுற்றுச்சூழலுக்கு உகந்த தீர்வாக ‘உயிரி
வேலி’ அமைப்பதற்குத் தேவையான தொழில்நுட்ப மற்றும் ஆராய்ச்சி ஆதரவை வழங்க சீனா ஒப்புக்கொண்டுள்ளது.
சீனாவின் பெய்ஜிங்கில் உள்ள சர்வதேச மூங்கில் மற்றும் பிரம்பு மையத்திற்கு (ICBR) இலங்கைச் சுற்றுச்சூழல் பிரதி அமைச்சர் அன்டன் ஜெயகோடி
தலைமையிலான தூதுக்குழு மேற்கொண்ட உத்தியோகபூர்வ ஆய்வுப் பயணத்தின் போது இந்த முன்மொழிவுகளுக்கு ஒப்புக்கொள்ளப்பட்டது.
சர்வதேச மூங்கில் மற்றும் பிரம்பு மையத்தின் பணிப்பாளர் நாயகம் மற்றும் சிரேஷ்ட அதிகாரிகளுடன் நடைபெற்ற சிறப்பு இருதரப்பு
மூங்கில் சாகுபடி
கலந்துரையாடல்களின் போது, மூங்கில் சாகுபடி, நவீன பதப்படுத்தும் தொழில்நுட்பங்கள் மற்றும் மூங்கிலிலிருந்து தயாரிக்கப்படும் பல்வேறு
தொழில்துறைப் பொருட்கள் குறித்து விரிவான ஆய்வுகள் மேற்கொள்ளப்பட்டன.
இலங்கையின் மனித-யானை மோதலைக் கட்டுப்படுத்த மூங்கிலைப் பயன்படுத்தி வெற்றிகரமான ‘உயிரியல் வேலி’ அமைப்பது தொடர்பான
முன்மொழிவுகளைச் செயல்படுத்துவதற்கு ஆதரவளிக்குமாறு பிரதி அமைச்சர் உத்தியோகபூர்வ கோரிக்கை விடுத்தார். மேலும், மனித-யானை
மோதலுக்கு ஒரு நிலையான தீர்வை வழங்கும் அதே வேளையில், மூங்கில் சார்ந்த பொருட்கள் மூலம் உள்ளூர் சமூகங்களின் பொருளாதாரத் தரத்தை
உயர்த்துவதற்குத் தேவையான நவீன தொழில்நுட்பம், சிறந்த நடைமுறைகள் மற்றும் ஆராய்ச்சி மற்றும் மேம்பாட்டு (R&D) நடவடிக்கைகளுக்கு முழு ஆதரவை வழங்கத் தயாராக இருப்பதாக சீனத் தரப்பு தெரிவித்தது.
