மாகாண சபைத் தேர்தலை வலியுறுத்தல்

Spread the love

மாகாண சபைத் தேர்தலை வலியுறுத்தல் ,அரசியலமைப்புத் திருத்தமொன்று தேவை மாகாண சபைத் தேர்தலை வலியுறுத்தா ,பாராளுமன்றத்தில் நேற்று (24) நடைபெற்ற அனைத்துக் கட்சிகளின் தலைவர்களுடனான விசேட சந்திப்பில்,

ஐக்கிய நாடுகளின் மனித உரிமை உயர்ஸ்தானிகர் வோல்கர் துர்க் (Volker Türk) கலந்து கொண்டார். இச்சந்திப்பில் பெரும்பாலான முக்கிய அரசியல் கட்சிகளின் தலைவர்களும் பங்கேற்றனர்.

தேசிய மக்கள் சக்தியின் நாடாளுமன்ற உறுப்பினரான அமைச்சர் பிமல் ரத்னாயக்க தலைமையில் இடம்பெற்ற இந்த சந்திப்பின்போது, மனித உரிமை

சவால்களை எதிர்கொள்வதற்கான ஒரு பரந்த பார்வை தேவையென்பதை ஐ.நா மனித உரிமை உயர்ஸ்தானிகர் துர்க் வலியுறுத்தினார்.

குறிப்பாக, கடந்த காலத்தில் இடம்பெற்ற இனவாதம், வன்முறைகள் மற்றும் உள்நாட்டுப் போர் காரணமாக பாதிக்கப்பட்ட சமுதாயங்களின், குறிப்பாக

தமிழ், முஸ்லிம் மற்றும் மலையக மக்கள் வாழும் பகுதிகளில், சமூக மற்றும் பொருளாதார மேம்பாடுகள் முன்னேற வேண்டிய அவசியம் குறித்து அவர் சுட்டிக்காட்டினார்.

மனித உரிமைகள் தொடர்பான அணுகுமுறைகள் சமூகவியல் நுட்பத்துடனும், அளவீட்டு நேர்மையும், சமூக நீதி மற்றும் பூரணப் பங்கேற்பும் அடிப்படையிலானதாக இருக்க வேண்டும் என்றும் குறிப்பிட்டார்.

ஸ்ரீலங்கா முஸ்லிம் காங்கிரஸ் சார்பில் பங்கேற்ற கட்சியின் பொதுச் செயலாளர், ஜனாதிபதி சட்டத்தரணி நிசாம் காரியப்பர் எம்.பி கருத்து

தெரிவிக்கையில், நாட்டில் நிலையான நல்லிணக்கத்திற்கு அடிப்படையாக மக்களாட்சி வலுவூட்டல் மற்றும் அதிகாரப் பகிர்வின் நடைமுறைகள் பின்பற்றப்பட வேண்டும் என வலியுறுத்தினார்.

வடக்கு, கிழக்கு மற்றும் மலைநாடு பகுதிகளில் வசிக்கும் மக்கள் தங்களது மாகாண பிரதிநிதிகள் ஊடாக அரசியல் அதிகாரம் செலுத்தும் உரிமையை

பெற வேண்டும் என்றும், நீண்ட காலமாக நடைபெறாமல் உள்ள மாகாண சபை தேர்தல்கள் உடனடியாக நடத்தப்பட வேண்டும் எனவும் வலியுறுத்தினார்.

இந்த சந்திப்பு, இலங்கையின் தற்போதைய அரசியல் நிலை, மனித உரிமை தொடர்பான சவால்கள், போருக்குப் பிறகு சமூகங்களின் மீட்பு மற்றும் நல்லிணக்கம் ஆகியவற்றின் மீதான ஐ.நா பார்வையை வெளிப்படுத்தும் ஒரு

முக்கியமான நிகழ்வாக அமைந்திருந்ததாக ஸ்ரீலங்கா முஸ்லிம் காங்கிரஸ் பொதுச் செயலாளர், ஜனாதிபதி சட்டத்தரணி நிசாம் காரியப்பர் தெரிவித்தார்.