என்னை நீ மறந்து விடு
உடைந்து போன உன் நினைவுகளை
கடந்து போக நினைக்கிறேன்
மறந்து போய் ஏனோ
மனதில் வந்து முளைக்கிறாய் …?
என் மனதை நீயன்று
எடுத்தெறிந்து போகையில
உன் நினைவால் நானன்று
உருவிழந்து தவித்தேனே
உன் பதிப்பில் பிழை வைத்து
என் படைப்பை அழித்தவளே
என் மனதை வெட்டையில
ஏன் மனமே துடிக்கலையோ ..?
சில காலம் உன் நினைவால்
சிறைபட்ட என் வாழ்வு
மறு வாழ்வு தேடியின்று
மறுபடி முளைக்குதடி
இவ்வேளை நீ வந்து
இதயத்தை தட்டுறியே
தந்தவன் தாலியதை
தாமரையே என் செய்வாய் ..?
மாறாத நினைவுகளை
மனதில் புதைத்து விட்டு
ஆறான விழி நீரை
அன்பே துடைத்து விடு
வன்னி மைந்தன்
ஆக்கம் 01-01-2021
