இது எப்படி இருக்கு
வான் நிலவு வந்திருச்சு
வாசலில கைப்பிடிக்க
தேடி வந்த வெண்ணிலவே
தேற்றிடுவேன் முன்னிரவே
துள்ளி வரும் ஆசையை
துளிர் மீசை நறுக்கிவிடு
காலம் இதுவல்ல
காத்திரு நம்பிவிடு
என் மனதை புரியாம
ஏங் கிளியே போவதுவோ …?
முழுகாம நான் வரவோ
மூணு இலை வைத்திடவோ …?
தேதியை மறந்து இன்று
தேடி வந்த பாவப்புள்ள
நினைவில ஏது இருக்கு
நிஜமா சொல்லி விடு
சிக்கனமா நீ இருந்து
சில்லறையை கொட்டிவிடு
முழுப் போக அறுவடையில்
முழுதாக விற்றிடலாம் …!
வன்னி மைந்தன்
ஆக்கம் 31-01-2021
