இலங்கையில் இந்த ஆண்டில் சாலை விபத்துகளில் 2,400 பேர் பலி
இலங்கையில் இந்த ஆண்டில் சாலை விபத்துகளில் 2,400 பேர் பலி இலங்கையில் இந்த ஆண்டில் இதுவரை சாலை விபத்துகளில் 2,400க்கும் மேற்பட்டோர் உயிரிழந்துள்ளனர்
சாலைப் போக்குவரத்து விபத்துகள் தடுப்பு நிபுணர் குழுவின்படி, இலங்கையில் இந்த ஆண்டில் இதுவரை சாலை விபத்துகளில் 2,400க்கும் மேற்பட்டோர் உயிரிழந்துள்ளனர்.
2026ஆம் ஆண்டு நவம்பர் 15ஆம் தேதி நிலவரப்படி, சாலை விபத்துகளில் 2,414 பேர் உயிரிழந்துள்ளதாக அக்குழுவின் ஒருங்கிணைப்பாளர் டாக்டர். ருவன் துஷாரா தெரிவித்தார்.
கொழும்பில் நடைபெற்ற ஊடக சந்திப்பில் பேசிய டாக்டர். துஷாரா கூறியதாவது:
“இந்த ஆண்டின் தொடக்கத்திலிருந்து 2026ஆம் ஆண்டு நவம்பர் 15ஆம் தேதி வரை, சாலை விபத்து மரணங்களின் எண்ணிக்கை ஏறத்தாழ 2,414ஐ
எட்டியுள்ளது. இது கவலைக்குரிய எண்ணிக்கையாகும், இது மாதத்திற்கு சுமார் 230 மரணங்களுக்குச் சமமாகும்.”
மேலும், இந்த ஆண்டின் மீதமுள்ள ஒன்றரை மாதங்களில் கூடுதலாக சுமார் 350 மரணங்கள் பதிவாகக்கூடும் என்று எச்சரித்த அவர்,
சாலை விபத்து மரணங்களின் எண்ணிக்கையைக் குறைக்க கூட்டு முயற்சிகள் தேவை என்பதையும் வலியுறுத்தினார்.
“இதுவரை பதிவு செய்யப்பட்ட உயிரிழப்புகளில், 1,000-ஐத் தாண்டியுள்ள மோட்டார் சைக்கிள் தொடர்பான மரணங்களுக்குக் குறிப்பாகக் கவனம்
செலுத்தப்பட வேண்டும். அதேபோல், சாலை விபத்துகளில் 800-க்கும் மேற்பட்ட பாதசாரிகள் உயிரிழந்துள்ளனர். இந்த இரண்டு பிரிவுகளில் மட்டுமே மொத்த
உயிரிழப்புகளில் கிட்டத்தட்ட 2,000 பதிவாகியுள்ளன,” என்று அவர் மேலும் கூறினார்.







