பெண்ணை ஏன் அழகாய் படைத்தாய்..?

இதனை SHARE பண்ணுங்க

பெண்ணை ஏன் அழகாய் படைத்தாய்..?

பூவுக்கு அழகை ஏன் படைத்தான் – இந்த
புவியில் ஆணையேன் ஏங்க வைத்தான்
கண்ணுக்குள் பார்வையை ஏன் வைத்தான் – இந்த
காதலை உலகில் ஏன் படைத்தான்

விண்ணுக்குள் நிலவை ஏன் வைத்தான் – இதை
விருப்பின்றி ஏன் அங் கடைத்தான்
பூவுக்குள் இதழை ஏன் வைத்தான் – இந்த
புன்னகையை ஏன் அங்கு சிறைவைத்தான்

மண்ணுக்குள் வேரை ஏன் மறைத்துவைத்தான் – இந்த
மாயத்தை ஏனோ செய்து வைத்தான்
சொல்லுக்குள் ஏனோ சந்தம் வைத்தான் – இந்த
செயலுக்குள் என் விந்தை வைத்தான்

மனதுக்குள் ஏனோ ஆசை வைத்தான் – இந்த
மயக்கத்தை ஏனோ அங்கடைத் தான்
பெண்ணுக்கு அழகை ஏனோ வைத்தான் – இந்த
பேரிடரை ஏனோ முன் படைத்தான் …!

வன்னி மைந்தன்
ஆக்கம் 21-12-2021
இந்த வரியின் முடிவில் அல்லது அடியின் முடிவில் அதன் ஓசை ,,,
,,அத்தான் என ஒலிக்கிறது,,, படித்து பாருங்கள் ,மேலும் வரிகளின்
பின் இருந்து முன்னோக்கி சில சீரை படியுங்கள் அவை இரட்டை அர்த்தம் பேசும்


    இதனை SHARE பண்ணுங்க

    Leave a Reply