உன்னை நம்பு வெற்றி உனக்கு

Spread the love

உன்னை நம்பு வெற்றி உனக்கு

விழுந்து விழுந்து எழ வேண்டும்
விடுதலை அதிலே பெற வேண்டும்
தோல்வி சுற்றி படராது
தோல்விக்கு அச்சம் தொடராது

முடியும் என்று முன்னேறு
முடிவு எழுதும் வரலாறு
விழியில் நீரை சுமந்து
விழுந்து அழுதல் கூடாது

வலியை கண்டு வாடாதே
வரும் தடைகள் கண்டு அஞ்சாதே
ஒரு நாள் வெல்வாய் போராடு
ஓலம் ஒழியும் நீ ஓடு

விட்ட தவறை ஆராய்வாய்
விரைந்து தீர்வு காண்பாய்
வெற்றி இன்று அழைக்கும்
வெடி கொளுத்தி பார் மகிழும்

உலகம் உன்னை மொழியும்
உயிரே என்று பாடும்
இறந்தும் நீயே வாழ்வாய்
இது தான் வேண்டும் காண்பாய்

வன்னி மைந்தன் (ஜெகன் )
ஆக்கம் 26-06-2020

வன்னி மைந்தன் கவிதைகள்

நமது பேஸ்புக் கவிதை குழுவில் இணைய பார்க்க இதில் அழுத்துங்க

      Leave a Reply