அரசியல் கைதிகளின் விடுதலையை வலியுறுத்திய நடைபவனிக்கு பின்னால் வவுனியாவில் திரண்ட மக்கள்

யாழ்ப்பாணத்திலிருந்து அனுராதபுரத்திலுள்ள அரசியல் கைதிகளின் விடுதலையை வலியுறுத்தி யாழ் பல்கலைக்கழக மாணவர்களினால் முன்னெடுக்கப்படும் நடைபவணி நேற்று இரவு 3 ஆவது நாளில் ஓமந்தையை வந்தடைந்தது. 4 ஆவது நாளான இன்று (12.10) காலை ஓமந்தையிலிருந்து வவுனியா நகரை நோக்கி நகர்ந்தது. இதன்போது தாண்டிக்குளத்தில் வைத்து அமோக வரவேற்பு அளிக்கப்பட்டு வவுனியா நகருக்கு நடைபவனி அழைத்துச் செல்லப்பட்டு பழைய பேருந்து நிலையத்திற்கு முன்பாக ஒன்றிணைந்த பாடசாலை மாணவர்கள் நடைபவனியினருக்கு அமோக வரவேற்பு அளித்துள்ளனர்.

அரசியல் கைததிகளில் விடுதலையை முன்நிறுத்தியும் அவர்களின் விடுதலைக்கு ஒரு தீர்க்கமான தீர்வினைப் பெற்றுத்தருமாறும் கோரிய இவ் நடைபவனி நடைபெறுகிறது. அரசியல் கைதிகளின் விடுதலையை வலிழயுறுத்தி போராட்டம் 9 ஆம் திகதி யாழ் பல்கலைக்கழகத்தில் முன்னெடுக்கப்பட்டு அதன் பின் நடைபவனியாக கிளிநொச்சி, மாங்குளம், வவுனியா ஓமந்தையை வந்தடைந்து. காலை வவுனியாவிலிருந்து அனுராதபுரம் சிறைச்சாலையை நோக்கி செல்ல ஆரம்பித்துள்ளது.

வடமாகாணசபை உறுப்பினர்களான ப.சத்தியலிங்கம், ம. தியாகராசா, முன்னாள் நாடாளுமன்ற உறுப்பினர் வினோதரலிங்கம், முன்னாள் மாகாணசபை உறுப்பினர் செந்தில்நாதன் மயூரன், தமிழ் தேசிய மக்கள் முன்னனியின் செயலாளர் செ.கஜேந்திரன், நகரசபை மற்றும் பிரதேச சபை உறுப்பினர்கள், முச்சக்கரவண்டி உரிமையாளர்கள் சங்கம், வவுனியா வர்த்தகர் சங்கம், பொது அமைப்புக்கள், வவுனியா வர்த்தகர் நலன்புரிச்சங்கம், உள்ளூர் விளைபொருள் விற்பனையாளர் சங்கம், வவுனியா மாவட்ட பொது அமைப்புகளின் ஒன்றியம், மாணவர்கள், பொதுமக்கள் எனப்பலரும் கலந்துகொண்டு அனுராதபுரம் சிறையிலுள்ள அரசியல் கைதிகளின் விடுதலையை வலியுறுத்திய கோசங்களை எழுப்பியவாறு ஆரம்பமான நடைபவனிக்கு ஆதரவு வழங்கியிருந்தனர்.

Related Post