30: இன்றைய ராசி பலன் (30 நவம்பர் 2019)

30: இன்றைய ராசி பலன் (30 நவம்பர் 2019)

இன்றைய ராசி பலன்கள் (30 நவம்பர் 2019)​ – மேஷம் முதல் மீனம் வரையிலான 12 ராசிக்காரர்களுக்கும் இன்றைய நாள் எப்படி இருக்கிறது என்பதை ஜோதிடர் திண்டுக்கல் சின்னராஜ் கணித்துக் கூறியுள்ளார்.
​மேஷ ராசி

நண்பர்களுக்கு இன்றைய நாள் மிகச் சிறந்த நாள் ஆகும். மாணவர்கள் கல்வியில் சற்று கூடுதல் கவனம் தேவை. புதிய சொத்துக்கள் வாங்குவது புதிய ஒப்பந்தங்களில் கையெழுத்து இடுவது போன்றவற்றில் சற்று நிதானமாக செயல்பட வேண்டும். அல்லது ஓரிரு நாட்கள் தள்ளி வைக்கலாம். எதிர்பார்த்த தனவரவு உண்டாகும்.

புதிய கடன் எதிர்நோக்கியிருப்பவர்களுக்கு கடன் கிடைக்கும். திருமணம் போன்ற சுபகாரிய முயற்சிகள் சற்று காலதாமதமாக வாய்ப்பு உள்ளது. வயதானவர்களுக்கு உடல் நலத்தில் சிறுசிறு தொல்லைகள் ஏற்பட்டு நீங்கும். கணவன் மனைவி ஒற்றுமை திடீரென உணர்ச்சிவசப்படக் கூடிய வாய்ப்பு உள்ளதால் பொறுமையை கடைப் பிடிக்கவும்.

வார்த்தையில் நிதானம் தேவை பிரிவினையை எதிர்நோக்கி உள்ள குடும்பங்களுக்கு அவர்கள் எதிர்பார்த்த விதமாகவே காரியங்கள் நடைபெறும். வழக்கு விஷயங்களில் இருப்பவர்களுக்கு வெற்றி கிடைக்கும்.

Also Read: டிசம்பர் மாத ராசி பலன் 2019

ரிஷப ராசி

நண்பர்களுக்கு இன்றைய நாள் மிகச் சிறந்த நல்ல நாள் ஆகும். மாணவர்கள் கல்வியில் முன்னேற்ற பாதையை அடைவார்கள். புதிய கல்வி வாய்ப்புகள் கிடைக்கும். ஒரு சிலர் கல்விக்காக வெளிநாடு செல்ல முயற்சி செய்து கொண்டு இருப்பார்கள் அவர்கள் வெற்றி அடைவர்.

கணவன் மனைவி உறவு நன்றாக இருக்கும் என்றாலும் குடும்பத்தில் உள்ள மற்றவர்களால் சிறுசிறு பிரச்சினைகள் ஏற்பட்டு தீர வாய்ப்பு உள்ளது விட்டுக் கொடுத்து அனுசரித்துப் போவது குடும்ப நிம்மதியை பாதுகாக்கும். வயதானவர்களுக்கு உடல் நலத்தில் சில பிரச்சினைகள் ஏற்பட்டு விலகும். சகோதர சகோதரிகளுடன் ஒற்றுமையில் கருத்து வேறுபாடுகள் வர வாய்ப்புண்டு என்பதால் அமைதி காக்கவும்.

சொந்த தொழில் செய்பவர்களுக்கு வெற்றி உண்டாகும் புதிய தொழில் முயற்சிகளை நோக்கி இருப்பவர்களுக்கு பல நல்ல தகவல்கள் கிடைக்கும்.

Also Read: ரிஷப ராசிக்கான சனிப் பெயர்ச்சி பலன்கள்…

​மிதுன ராசி

அன்பர்களுக்கு என்ற என ஆள் இனிமையான நாள் ஆகும். பொருளாதாரப் பற்றாக்குறையே வெற்றிகரமாக சமாளிப்பீர்கள். காதல் வலையில் விழுந்து இருப்பவர்களுக்கு பல நல்ல நிகழ்வுகளும் சந்திப்புகளும் உண்டு. கணவன் மனைவி உறவு நன்றாக இருந்து வரும்.

நீண்ட நாள் எதிர்பார்த்திருந்த தன வரவு உண்டாக வாய்ப்பு உண்டு. வயதானவர்களுக்கு உடல்நலனில் சிறுசிறு பிரச்சினைகள் ஏற்பட்டு நீங்கும். மாணவர்களின் கல்வி சற்று கூடுதல் கவனம் தேவை.

சோஷியல் மீடியாவில் அதிக நேரம் செலவிட வாய்ப்பு உண்டு என்பதால் இவைகளில் கவனம் கொள்ளவும். செய் தொழிலில் மேன்மை அடைவீர்கள். உத்தியோகத்தில் உயர்வு கிடைக்கும். மூத்தவர்களின் ஒற்றுமை நன்றாக இருக்கும். நண்பர்கள் மற்றும் உறவினர்களால் அலைச்சல்களும் செலவுகளும் உண்டாக வாய்ப்பு உண்டு.

Also Read: பெயர் பொருத்தம் பார்த்து திருமணம் செய்யலாமா?… பாதிப்பு ஏற்படுமா?

கடக ராசி

நேயர்களுக்கு இன்றைய நாள் சற்று உணர்ச்சிவசப்படக்கூடிய நாடாகவே அமையும். குடும்பத்தில் அமைதி நிலவும். குடும்பத்தில் உள்ள மூத்த அவர்களுடன் ஒற்றுமை சற்று பாதிக்க வாய்ப்பு உள்ளது. பேச்சில் நிதானம் தேவை மற்றபடி உத்தியோகத்திலிருப்பவர்களுக்கு கடின உழைப்பு கொடுக்கும் நாள், என்றாலும் நிர்வாகத்தில் நல்ல பெயர் கிடைக்கும்.

சொந்த தொழில் செய்பவர்களுக்கு வேலையாட்கள் மற்றும் வாடிக்கையாளர்களால் சற்று உணர்ச்சிவசப்படக் கூடிய நிலைகள் உண்டாகலாம். மாணவர்களின் கல்வியில் கூடுதல் கவனம் தேவை. சுபகாரிய முயற்சிகள் புதிய ஒப்பந்தங்கள் கையெழுத்திடுவது போன்றவற்றைத் தவிர்ப்பது நல்லது.

பேச்சில் நிதானத்தை கடைப்பிடிக்கவும். கோபத்தை குறைத்து குணத்தை அதிகப்படுத்தி கொள்ளவும். உலகம் நமக்காக மட்டுமே சுற்றவில்லை உலகத்தோடு ஒட்ட ஒழுகல் என்பதை மனதில் நிறுத்தவும். கணவன் மனைவியிடையே சிறுசிறு பிரச்சினைகள் ஏற்பட்டு நீங்கும்.

Also Read: ஜோதிடம் அறிவோம்: ஜாதக கட்டமும், ஒவ்வொரு வீட்டுக்கான பலன்கள் என்ன தெரியுமா?

​சிம்ம ராசி

நேயர்களுக்கு இன்றைய நாள் நன்மை தரும் நாடாகவே இருக்கும் கணவன் மனைவி உறவு அன்னியோன்னியமாக இருக்கும். குடும்பத்துடன் அதிக நேரம் செலவு செய்ய முடியாமல் தவிப்பீர்கள் குழந்தைகளால் மகிழ்ச்சி உண்டாகும். குழந்தைகளின் கல்வி நன்றாக இருக்கும். உயர் கல்வியை நோக்கி வெளிநாடு செல்பவர்களுக்கு நல்ல செய்திகள் கிடைக்கும்.

வாழ்க்கையில் முன்னேற்றமான நாடாக இருப்பதால் நீங்கள் எடுக்கும் எல்லா புது முயற்சிகளும் வெற்றியடைய இறையருள் துணை நிற்கும். விநாயகப் பெருமானின் வழிபாடு விக்கினங்களை தீர்த்து வெற்றியைத் தரும்.

சொந்தத் தொழில் செய்பவர்கள் நல்ல முன்னேற்றத்தைக் காண்பார்கள். வெளிநாடுகளில் வசிப்பவர்களுக்கு உத்தியோகத்தில் உயர்வு உண்டாகும் விசா தொடர்பான காரியங்களை துவங்குவதற்கு இன்றைய நாள் நன்றாக இருக்கும் குடும்பத்தில் ஒற்றுமை சிறப்பாக இருந்து வரும்.

கன்னி ராசி

அன்பர்களுக்கு இன்றைய நாள் சிறந்த நாடாக இருக்கும். பொருளாதாரப் பற்றாக்குறையே வெற்றிகரமாக சமாளிப்பீர்கள். எதிர்பாராத தனவரவு உண்டாகும். ஒரு சிலருக்கு புதிய கடன் கிடைக்க வாய்ப்பு ஒன்று சுபகாரிய பேச்சு வார்த்தைகள் நன்மையில் முடியும்.

பெண்களுக்கு இனிமையான நாள் ஆகும் கணவன் மனைவி ஒற்றுமை நன்றாக இருக்கும். சொத்துக்கள் வாங்குவது மற்றும் விற்பது தொடர்பான காரியங்களில் இருப்பவர்களுக்கு முன்னேற்றம். உண்டாகும் மாணவர்களின் கல்விநிலை நன்றாக இருக்கும். மருத்துவத் துறை ஆராய்ச்சி துறை தொடர்பான கல்வியில் இருப்பவர்கள் முன்னேற்றத்தை அடைவார்கள்.

​துலாம் ராசி

நண்பர்களுக்கு இன்றைய நாள் நன்மை தரும் நாள் ஆகும். மாணவர்களின் கல்வி நிலை மேம்படும். புதிய தொழில் முயற்சிகளில் ஈடுபட்டு இருப்பவர்களுக்கு மாலையில் நல்ல செய்திகள் கிடைக்கும். புதிய வேலைவாய்ப்புகளைத் தேடிக் கொண்டிருப்பவர்களுக்கு நல்ல தகவல்கள் நாளை வந்து சேர வாய்ப்பு உண்டு.

மாணவர்களின் கல்வி நிலை குறிப்பிட தல குறிப்பிடத்தக்க அளவுக்கு வெற்றியடையும். உயர்கல்வி கற்று கொண்டிருப்பவர்களுக்கு மென்மையான நாள் ஆகும். வெளிநாட்டு வேலை வாய்ப்புகளை எதிர்நோக்கியிருப்பவர்களுக்கு நல்ல செய்திகள் கிடைக்கும்.

வெளிநாடுகளிலிருந்து பண வரவை எதிர்நோக்கி இருப்பவர்களுக்கு அவை கிடைக்க வாய்ப்பு உள்ளது. குழந்தைகளால் மகிழ்ச்சி உண்டாகும். தங்களின் எதிர்பார்ப்பின் படி வேலை மாற்றத்திற்கான சுமுகமான சூழல் இன்று நடைபெறும். பெண்களுக்கு ஏற்ற மிகு நாள் ஆகும் எடுக்கும் காரியங்கள் வெற்றியடையும். குடும்பத்தில் ஒற்றுமை நன்றாக இருக்கும்.

விருச்சக ராசி

நேயர்களுக்கு மாணவர்களின் கல்வி நிலை நன்றாக இருக்கும், என்றாலும் சற்றுக் கூடுதலான முயற்சிகள் தேவைப்படும். கணவன் மனைவியிடையே சிறுசிறு பிரச்சினைகள் ஏற்பட்டு விலகும் என்பதால் பேச்சில் நிதானம் தேவை. கோபத்தை குறைத்து குணத்தை அதிகப்படுத்திக் கொள்ளவும்.

உத்தியோகத்தில் இருப்பவர்களுக்கு வேலைப்பளு அதிகமாக இருந்தாலும் நிர்வாகத்தில் நல்ல பெயர் கிடைக்கும். சீருடை பணியாளர்கள் பத்திரிக்கை துறை எழுத்துத் துறை போன்றவற்றில் இருப்பவர்களுக்கு பணிச்சுமை சற்று கூடுதலாக இருக்கும். இருப்பினும் உங்கள் வேலையை திறம்படவும். வெற்றிகரமாகவும் முடிப்பீர்கள்.

gதிருமணம் போன்ற சுபகாரிய முயற்சிகளில் சற்று காலதாமதமாக வாய்ப்புண்டு என்பதால் இவற்றைத் தவிர்ப்பது நலம். புதிய தொழில் முயற்சி களையும் புதிய ஒப்பந்தங்களில் கையெழுத்திடும் தவிர்த்துக்கொள்வது நல்லது.

​தனுசு ராசி

நண்பர்களுக்கு சொந்தத் தொழில் செய்பவர்களுக்கு சற்று கூடுதலான வேலைப்பளு இருக்கும். இருப்பினும் இவைகளை வெற்றிகரமாக சமாளித்து தொழிலை முன்னேற்ற பாதையில் கொண்டு செல்வீர்கள். உத்தியோகத்திலிருப்பவர்களுக்கு முன்னேற்றத்தை தரும் நல்ல நாள் ஆகும்.

நீண்ட நாட்களாக தாமதப்படுத்தப்பட்டு வந்த பல காரியங்கள் வெற்றியில் முடியும் திருமணம் போன்ற சுபகாரிய நிகழ்ச்சிகளில் கலந்து கொள்ள வேண்டியது வரலாம் நண்பர்கள் மற்றும் உறவினர்களால் ஆதாயமும் மனமகிழ்ச்சியும் உண்டாக வாய்ப்பு உண்டு.

புதிய நண்பர்கள் அறிமுகமாவார்கள் காதல் வலையில் விழுந்து இருப்பவர்களுக்கு மகிழ்ச்சியான நிகழ்வுகள் உண்டு .கணவன் மனைவி ஒற்றுமை மேம்படும். குழந்தைகளின் கல்வி நன்றாக இருந்து வரும். ஒரு சிலருக்கு வெளிநாடு செல்ல வாய்ப்பு உருவாகும் வெளிநாடு மற்றும் வெளியூர் பிரயாணங்கள் ஆதாயம் தருவதாக அமையும்.

மகர ராசி

நண்பர்களுக்கு இந்த நாள் இனிய நாள் ஆகும். இதனால் உங்கள் திறமை பளிச்சிடும் மாணவர்களின் கல்வி நன்றாக இருக்கும். அக்கவுண்ட்ஸ் தொடர்பான கல்வியில் இருப்பவர்கள் ஏற்றம் பெறுவார்கள் கணவன் மனைவி உறவு நன்றாக இருந்துவரும். குடும்பத்தில் அமைதி தவழும்.

மூத்தவர்களுடன் அனுசரித்துச் செல்வீர்கள். எதிர்காலத்தைப் பற்றிய முதலீடுகள் தொடர்பான சிந்தனைகளை மனதில் வரும். குழந்தை பாக்கியத்தை எதிர்நோக்கியிருப்பவர்களுக்கு நல்ல தகவல்கள் கிடைக்கும். பூர்வீக சொத்து சம்பந்தப்பட்ட பிரச்சனைகளில் இருந்து வருபவர்களுக்கு வெற்றி உண்டாகும்.

வழக்கு சம்பந்தப்பட்ட விஷயங்களில் மேன்மை அடைவீர்கள். உத்தியோகத்தில் இருப்பவர்களுக்கு உன்னதமான நாள் ஆகும். நிர்வாகத்தில் நல்ல பெயரை பெற்றுக் கொள்வீர்கள். நீண்ட நாள்களாக தாமதப்படுத்தப்பட்டு வந்த பல காரியங்கள் வெற்றிகரமாக முடியும்.

​கும்ப ராசி

நண்பர்களுக்கு இன்றைய நாள் மிகச் சிறந்த நாளாகும். மாணவர்களுக்கு கல்வியில் நல்ல முன்னேற்றமான நாள் ஆகும். என்ஜினீயரிங் தொடர்பான கல்வி படித்து கொண்டிருப்பவர்களுக்கு நல்ல முன்னேற்றம் உண்டாகும். சொந்தத் தொழில் செய்பவர்கள் பல புதிய வாய்ப்புகளை உங்கள் கண்முன் காண்பீர்கள்.

உத்தியோகத்தில் இருப்பவர்களுக்கு ஆதாயமும் அனுகூலமும் உண்டாகும். வாய்ப்பு உள்ளது வாகன வகையில் ஆதாயம் உண்டாகும். ஒரு சிலருக்கு இடமாற்றம் ஏற்பட வாய்ப்பு உள்ளது. வயோதிகர்களுக்கு சற்று உடல்நலக் கோளாறுகள் ஏற்பட்டு நீங்கும். பெண்களுக்கு இனிமையான நாள் ஆகும்.

வீட்டிற்கு தேவையான பொருட்கள் வாங்குவீர்கள் கணவன் மனைவி ஒற்றுமை நன்றாக இருக்கும். திருமணம் போன்ற சுபகாரிய முயற்சிகளை முன்னெடுத்துச் செல்வார்கள். இவைகளில் வெற்றி உண்டாகும். உடன்பிறந்தவர் உடன் ஒற்றுமை நன்றாக இருக்கும். நண்பர்கள் மற்றும் உறவினர்களால் ஆதாயமும் அனுகூலமும் மன மகிழ்ச்சியும் உண்டாகும்.

மீன ராசி

நண்பர்களுக்கு இன்றைய நாள் நல்ல நாள் ஆகும். குடும்பத்தில் நிம்மதியான நாடாக என்று இருக்கும் கணவன் மனைவி ஒற்றுமை நன்றாக இருக்கும். மூத்தவர்களுடன் அனுசரித்துச் செல்வீர்கள். சொத்துக்கள் வாங்குவது மற்றும் விற்பது தொடர்பான சிந்தனைகளும் செயல்பாடுகளும் மனதில் எழும்.

இம்மாதிரியான காரியங்களில் ஈடுபட்டிருப்பவர்களுக்கு வெற்றி கிடைக்கும். உடல் ஆரோக்கியம் நன்றாக இருந்து வரும். ஒரு சிலருக்கு திடீர் பிரயாணங்கள் ஏற்பட வாய்ப்பு உண்டு. வெளிநாட்டு வேலை வாய்ப்பை நோக்கி இருப்பவர்களுக்கு நல்ல தகவல்கள் கிடைக்கும்.

வெளிநாட்டில் வேலை செய்து கொண்டிருப்பவர்களுக்கு விசா தொடர்பான காரியங்களை துவக்க நல்ல நாள் ஆகும். மாணவர்கள் கல்வியில் ஏற்றம் பெறுவார்கள். உத்தியோகத்தில் இருப்பவர்களுக்கு பணிச்சுமை சற்று கூடுதலாக இருந்தாலும் வெற்றியடைவார்கள்.

Share this:

Author: நிருபர் காவலன்